ਮੁਹੰਮਦ ਰਫ਼ੀ ਨੇ ਆਪਣੇ ਡਰਾਈਵਰ ਨੂੰ ਉਸ ਸਮੇਂ ਖਰੀਦ ਕੇ ਗਿਫਟ ਕੀਤੀ ਸੀ ਟੈਕਸੀ, ਦਿਲਚਸਪ ਹੈ ਵਜ੍ਹਾ
ਮੁਹੰਮਦ ਰਫ਼ੀ ਦੀ ਆਵਾਜ਼ ਕਈ ਗਾਇਕਾਂ ਦੀ ਪ੍ਰੇਰਣਾ ਬਣੀ ਹੈ । ਮੁਹੰਮਦ ਰਫੀ ਜਿੰਨੇ ਵਧੀਆ ਗਾਇਕ ਸਨ ਓਨੇਂ ਹੀ ਵਧੀਆ ਇਨਸਾਨ ਸਨ । ਰਫੀ ਬਹੁਤ ਹੀ ਨੇਕਦਿਲ ਤੇ ਭਾਵੁਕ ਵਿਅਕਤੀ ਸਨ । ਉਹ ਅਕਸਰ ਕਈ ਮਾਮਲਿਆਂ ਵਿੱਚ ਲੋਕਾਂ ਦੀ ਮਦਦ ਵੀ ਕਰਦੇ ਸਨ । ਜਿਸ ਦਾ ਜ਼ਿਕਰ ਅਕਸਰ ਉਹਨਾਂ ਦੇ ਚਾਹੁਣ ਵਾਲੇ ਕਰ ਦਿੰਦੇ ਹਨ ।ਹਾਲ ਹੀ ਵਿੱਚ ਅਨੂੰ ਕਪੂਰ ਨੇ ਰਫੀ ਸਾਹਿਬ ਦਾ ਇੱਕ ਕਿੱਸਾ ਸ਼ੇਅਰ ਕੀਤਾ ਹੈ ।
ਅਨੂੰ ਕਪੂਰ ਨੇ ਰਫ਼ੀ ਨੂੰ ਯਾਦ ਕਰਕੇ ਕਿਹਾ ਕਿ ਰਫ਼ੀ ਸਾਹਿਬ ਨੇ ਇੱਕ ਵਾਰ ਇਮਪੋਰਟਡ ਅਮਰੀਕੀ ਕਾਰ ਇੰਪਾਲਾ ਖਰੀਦੀ ਸੀ । ਉਸ ਸਮੇਂ ਦੇਸ਼ ਵਿੱਚ ਕੁਝ ਹੀ ਲੋਕ ਸਨ ਜਿਨਂ੍ਹਾ ਕੋਲ ਇਹ ਕਾਰ ਸੀ । ਇਹ ਕਾਰ ਰਾਈਟ ਹੈਂਡ ਕਾਰ ਸੀ । ਉਹਨਾਂ ਦਾ ਡਰਾਈਵਰ ਸੁਲਤਾਨ ਰਾਈਟ ਹੈਂਡ ਕਾਰ ਨਹੀਂ ਚਲਾ ਸਕਦਾ ਸੀ ।
ਇਸ ਲਈ ਅਜਿਹੇ ਡਰਾਈਵਰ ਦੀ ਭਾਲ ਸ਼ੁਰੂ ਹੋ ਗਈ ਜਿਹੜਾ ਇਹ ਕਾਰ ਚਲਾ ਸਕੇ । ਰਫੀ ਨੂੰ ਨਵਾਂ ਡਰਾਈਵਰ ਮਿਲ ਗਿਆ, ਪਰ ਉਹਨਾਂ ਨੇ ਪੁਰਾਣੇ ਡਰਾਈਵਰ ਨੂੰ ਖਾਲੀ ਹੱਥ ਜਾਣ ਨਹੀਂ ਦਿੱਤਾ ।
ਰਫ਼ੀ ਨੇ ਸੁਲਤਾਨ ਲਈ ਉਸ ਸਮੇਂ 70 ਹਜ਼ਾਰ ਰੁਪਏ ਦੀ ਟੈਕਸੀ ਖਰੀਦੀ ਤਾਂ ਕਿ ਉਹ ਆਪਣਾ ਘਰ ਦਾ ਖਰਚਾ ਚਲਾ ਸਕੇ । ਅਨੂੰ ਨੇ ਦੱਸਿਆ ਕਿ ਹੁਣ ਸੁਲਤਾਨ ਕੋਲ 12 ਟੈਕਸੀਆਂ ਹਨ ।