LIVE:
ਪਾਕਿਸਤਾਨੀ ਕਲਾਕਾਰਾਂ ਦੀਆਂ ਅੱਖਾਂ ਵੀ ਹੋਈਆਂ ਨਮ, ਇਰਫਾਨ ਖ਼ਾਨ ਤੇ ਰਿਸ਼ੀ ਕਪੂਰ ਲਈ ਪਾਈਆਂ ਭਾਵੁਕ ਪੋਸਟਾਂ
ਬੀਤੇ ਦੋ ਦਿਨ ਬਾਲੀਵੁੱਡ ਇੰਡਸਟਰੀ ਲਈ ਬਹੁਤ ਹੀ ਦੁੱਖਦਾਇਕ ਰਹੇ । ਬਾਲੀਵੁੱਡ ਨੇ ਆਪਣੇ ਦੋ ਬਿਹਤਰੀਨ ਅਦਾਕਾਰਾਂ ਨੂੰ ਗੁਆ ਦਿੱਤਾ ਹੈ । 29 ਅਪ੍ਰੈਲ ਨੂੰ ਬਾਲੀਵੁੱਡ ਬਾਕਮਾਲ ਦੇ ਅਦਾਕਾਰ ਇਰਫਾਨ ਖ਼ਾਨ ਦੇ ਦਿਹਾਂਤ ਦੀ ਖ਼ਬਰ ਆਈ ਜਿਸ ਨੇ ਹਿੰਦੀ ਜਗਤ ਤੋਂ ਲੈ ਕੇ ਵਿਦੇਸ਼ੀ ਕਲਾਕਾਰਾਂ ਨੂੰ ਵੀ ਝੋਜੜ ਕੇ ਰੱਖ ਦਿੱਤਾ । ਪਾਕਿਸਤਾਨੀ ਕਲਾਕਾਰਾਂ ਨੇ ਵੀ ਆਪਣੇ ਸੋਸ਼ਲ ਮੀਡੀਆ ਦੇ ਰਾਹੀਂ ਆਪਣਾ ਦੁੱਖ ਜ਼ਾਹਿਰ ਕੀਤਾ ਹੈ ।
ਪਾਕਿਸਤਾਨੀ ਐਕਟਰ ਅਦਨਾਨ ਸਿਦਿਕੀ ਨੇ ਵੀ ਆਪਣੇ ਇੰਸਟਾਗ੍ਰਾਮ ਤੇ ਇਰਫਾਨ ਖ਼ਾਨ ਨਾਲ ਜੁੜੀਆਂ ਯਾਦਾਂ ਨੂੰ ਯਾਦ ਕਰਦੇ ਹੋਏ ਲੰਮਾ ਚੌੜਾ ਮੈਸੇਜ ਲਿਖਿਆ ਹੈ ਜਿਸ ‘ਚ ਉਨ੍ਹਾਂ ਨੇ ਦੱਸਿਆ ਕਿ ਸਾਡਾ ਦੋਵਾਂ ਦਾ ਹਾਲੀਵੁੱਡ ਕਰੀਅਰ ਇਕੱਠੇ ਹੀ ਸ਼ੁਰੂ ਹੋਇਆ ਸੀ । ਜਦੋਂ ਇਰਫਾਨ ਆਪਣੇ ਇਲਾਜ਼ ਲਈ ਲੰਡਨ ‘ਚ ਸਨ ਤਾਂ ਉਹ ਕਿਸੇ ਨੂੰ ਨਹੀਂ ਸੀ ਮਿਲਦੇ ਪਰ ਉਨ੍ਹਾਂ ਨੂੰ ਮਿਲਣ ਲਈ ਰਾਜ਼ੀ ਹੋ ਗਏ ਸੀ ਤੇ ਕਿਹਾ ਸੀ ਕਿ ਮੈਂ ਜਲਦੀ ਠੀਕ ਹੋਕੇ ਵਾਪਿਸ ਆ ਜਾਵਾਗਾ । ਉਨ੍ਹਾਂ ਨੇ ਅੱਗੇ ਲਿਖਿਆ ਹੈ ਕਿ ਪਰਮਾਤਮਾ ਇਰਫਾਨ ਖ਼ਾਨ ਦੇ ਪਰਿਵਾਰ ਨੂੰ ਹੌਂਸਲਾ ਦੇਵੇ ਤੇ ਮੈਂ ਹਮੇਸ਼ਾ ਤੁਹਾਨੂੰ ਮਿਸ ਕਰਾਂਗਾ ।
ਜੇ ਗੱਲ ਕਰੀਏ ਇੱਕ ਹੋਰ ਪਾਕਿਸਤਾਨੀ ਕਲਾਕਾਰ ਦੀ ਜਿਸ ਨੇ ਬਾਲੀਵੁੱਡ ਫ਼ਿਲਮ ਹਿੰਦੀ ਮੀਡੀਅਮ ‘ਚ ਇਰਫਾਨ ਖ਼ਾਨ ਦੇ ਨਾਲ ਕੰਮ ਕੀਤਾ ਸੀ । ਪਾਕਿਸਤਾਨੀ ਅਦਾਕਾਰਾ ਸਬਾ ਕਮਾਰ ਨੇ ਇਰਫਾਨ ਖ਼ਾਨ ਦੇ ਲਈ ਬਹੁਤ ਹੀ ਭਾਵੁਕ ਪੋਸਟ ਪਾਈ ਹੋਈ ਹੈ । ਹਿੰਦੀ ਮੀਡੀਅਮ ਫ਼ਿਲਮ ‘ਚ ਉਨ੍ਹਾਂ ਨੇ ਇਰਫਾਨ ਖ਼ਾਨ ਦੀ ਪਤਨੀ ਦੀ ਭੂਮਿਕਾ ਨਿਭਾਈ ਸੀ । ਦੋਵਾਂ ਦੀ ਜੋੜੀ ਨੂੰ ਦਰਸ਼ਕਾਂ ਵੱਲੋਂ ਬਹੁਤ ਪਸੰਦ ਕੀਤਾ ਗਿਆ ਸੀ ਤੇ ਇਸ ਫ਼ਿਲਮ ਨੇ ਬਾਕਸ ਆਫ਼ਿਸ ਤੇ ਕਮਾਲ ਦਾ ਪ੍ਰਦਰਸ਼ਨ ਕੀਤਾ ਸੀ ।
ਅਦਨਾਨ ਸਿੱਦਿਕੀ ਤੇ ਸਬਾ ਕਮਾਰ ਹੋਰਾਂ ਨੇ ਆਪੋ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਤੇ ਇਮੋਸ਼ਲ ਪੋਸਟ ਪਾ ਕੇ ਰਿਸ਼ੀ ਕਪੂਰ ਨੂੰ ਯਾਦ ਕੀਤਾ ਹੈ । ਇਸ ਤੋਂ ਇਲਾਵਾ ਕਈ ਹੋਰ ਪਾਕਿਸਤਾਨੀ ਕਲਾਕਾਰ ਜਿਵੇਂ ਇਮਰਾਨ ਅੱਬਾਸ, ਸਜ਼ਲ ਅਲੀ, ਮਾਹਿਰਾ ਖ਼ਾਨ ਵਰਗੇ ਕਈ ਹੋਰ ਕਲਾਕਾਰਾਂ ਨੇ ਬਾਲੀਵੁੱਡ ਦੇ ਦੋ ਕੋਹਿਨੂਰ ਅਦਾਕਾਰਾਂ ਲਈ ਅੱਖਾਂ ਨਮ ਕਰਨ ਵਾਲੇ ਮੈਸੇਜ ਪਾਉਂਦੇ ਹੋਏ ਦੁੱਖ ਜਤਾਇਆ ਹੈ ।
