Trending:
ਊਬਰ ਡਰਾਈਵਰ ਨੇ ਚੋਰੀ ਕੀਤਾ ਉਰਫੀ ਦਾ ਸਮਾਨ, ਨਸ਼ੇ ਦੀ ਹਾਲਤ ‘ਚ ਕੀਤੀ ਅਜਿਹੀ ਹਰਕਤ, ਸ਼ਿਕਾਇਤ ਕਰਨ ‘ਤੇ ਵੀ ਨਹੀਂ ਹੋਈ ਕਾਰਵਾਈ
ਉਰਫੀ ਜਾਵੇਦ ਆਪਣੀਆਂ ਅਜੀਬੋ ਗਰੀਬ ਡਰੈੱਸਾਂ ਨੂੰ ਲੈ ਕੇ ਸੁਰਖੀਆਂ ‘ਚ ਬਣੀ ਰਹਿੰਦੀ ਹੈ । ਪਰ ਇਸ ਵਾਰ ਉਹ ਆਪਣੇ ਕੱਪੜਿਆਂ ਦੇ ਕਾਰਨ ਨਹੀਂ, ਬਲਕਿ ਊਬਰ ਡਰਾਈਵਰ ਦੇ ਵੱਲੋਂ ਕੀਤੀ ਗਈ ਹਰਕਤ ਦੇ ਕਾਰਨ ਚਰਚਾ ‘ਚ ਆਈ ਹੈ । ਦਰਅਸਲ ਉਰਫੀ ਜਾਵੇਦ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਚ ਇੱਕ ਵੀਡੀਓ ਸਾਂਝਾ ਕੀਤਾ ਹੈ ।
ਇਸ ਵੀਡੀਓ ‘ਚ ਅਦਾਕਾਰਾ ਊਬਰ ਡਰਾਈਵਰ ਦੇ ਵੱਲੋਂ ਕੀਤੀ ਗਈ ਉਸ ਦੇ ਨਾਲ ਕੋਝੀ ਹਰਕਤ ਨੂੰ ਬਿਆਨ ਕਰਦੀ ਹੋਈ ਨਜ਼ਰ ਆ ਰਹੀ ਹੈ ।
ਅਦਾਕਾਰਾ ਨੇ ਲਗਾਏ ਡਰਾਈਵਰ ‘ਤੇ ਗੰਭੀਰ ਇਲਜ਼ਾਮ
ਉਰਫੀ ਜਾਵੇਦ ਨੇ ਊਬਰ ਡਰਾਈਵਰ ‘ਤੇ ਕਈ ਗੰਭੀਰ ਇਲਜ਼ਾਮ ਲਗਾਏ ਹਨ । ਉਸ ਨੇ ਆਪਣੀ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਵੀਡੀਓ ਸਾਂਝਾ ਕਰਦੇ ਹੋਏ ਕਿਹਾ ਕਿ ਉਸ ਨੇ ਏਅਰਪੋਰਟ ਜਾਣ ਦੇ ਲਈ ਕਾਰ ਬੁੱਕ ਕੀਤੀ ਸੀ। ਉਹ ਕਾਰ ‘ਚ ਬੈਠ ਕੇ ਏਅਰਪੋਰਟ ਦੇ ਲਈ ਰਵਾਨਾ ਹੋਈ ਤਾਂ ਊਬਰ ਡਰਾਈਵਰ ਨਾਂ ਸਿਰਫ਼ ਉਸ ਦਾ ਸਮਾਨ ਲੈ ਕੇ ਗਾਇਬ ਹੋ ਗਿਆ ਬਲਕਿ ਉਸ ਦੇ ਨਾਲ ਬਦਸਲੂਕੀ ਵੀ ਕੀਤੀ ।
ਅਦਾਕਾਰਾ ਦਾ ਇਲਜ਼ਾਮ ਹੈ ਕਿ ਉਬਰ ਡਰਾਈਵਰ ਦੇ ਰਵੱਈਏ ਤੋਂ ਪ੍ਰੇਸ਼ਾਨ ਹੋ ਕੇ ਜਦੋਂ ਉਸ ਨੇ ਇਸ ਦੀ ਸ਼ਿਕਾਇਤ ਕੀਤੀ ਤਾਂ ਕਸਟਮਰ ਕੇਅਰ ਵਾਲਿਆਂ ਨੇ ਵੀ ਡਰਾਈਵਰ ਖਿਲਾਫ ਕੋਈ ਕਾਰਵਾਈ ਨਹੀਂ ਕੀਤੀ ।
ਬੀਤੇ ਦਿਨ ਵੀ ਇੱਕ ਸ਼ਖਸ ‘ਤੇ ਭੜਕੀ ਸੀ ਅਦਾਕਾਰਾ
ਦੱਸ ਦਈਏ ਕਿ ਬੀਤੇ ਦਿਨ ਵੀ ਉਰਫੀ ਉਸ ਵੇਲੇ ਚਰਚਾ ‘ਚ ਆਈ ਸੀ, ਜਦੋਂ ਉਹ ਇੱਕ ਸ਼ਖਸ ਦੇ ਵੱਲੋਂ ਉਸ ਦੀ ਚੋਰੀ ਛਿਪੇ ਬਨਾਉਣ ‘ਤੇ ਵਰ੍ਹੀ ਸੀ । ਉਰਫੀ ਦਾ ਇਹ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋਇਆ ਸੀ ।
- PTC PUNJABI
