ਇਨ੍ਹਾਂ ਪੰਜਾਬੀ ਰੈਪਰਾਂ ਦੇ ਅਸਲੀ ਨਾਂ ਜਾਣ ਕੇ ਹੋ ਜਾਓਗੇ ਹੈਰਾਨ

ਪਾਲੀਵੁੱਡ ਇੰਡਸਟਰੀ ਵਿੱਚ ਪੰਜਾਬੀ ਗਾਇਕ ਆਪਣੀਆਂ ਫ਼ਿਲਮਾਂ ਅਤੇ ਗੀਤਾਂ ਲਈ ਪਹਿਲਾਂ ਹੀ ਕਾਫੀ ਮਸ਼ਹੂਰ ਰਹਿੰਦੇ ਹਨ। ਉਹਨਾਂ ਦੇ ਗੀਤ ਹਰ ਕਿਸੇ ਵਲੋਂ ਪਸੰਦ ਕੀਤੇ ਜਾਂਦੇ ਹਨ। ਉੱਥੇ ਹੀ ਹਨੀ ਸਿੰਘ ਦੇ ਆਉਣ ਨਾਲ ਗਾਇਕੀ ਨੂੰ ਇੱਕ ਨਵਾਂ ਰੂਪ ਮਿਲ ਗਿਆ। ਹਨੀ ਸਿੰਘ ਨੇ ਰੈਪ ਨੂੰ ਇੱਕ ਵੱਖਰੀ ਪਹਿਚਾਣ ਦਿੱਤੀ ਪਰ ਇਸਦੇ ਨਾਲ ਹੀ ਇੱਕ ਨਵਾਂ ਟਰੈਂਡ ਸ਼ੁਰੂ ਹੋ ਗਿਆ ਜੋ ਕਿ ਹੈ ਨਾਂਅ ਬਦਲਣ ਦਾ। ਇੰਡਸਟਰੀ ਵਿੱਚ ਕਿੰਨੇ ਹੀ ਗਾਇਕਾਂ ਨੇ ਆਪਣੇ ਅਸਲੀ ਨਾਂਅ ਬਦਲ ਕੇ ਹੋਰ ਨਾਂਅ ਰੱਖ ਲਏ ਹਨ। ਜੀ ਹਾਂ ਪਾਲੀਵੁੱਡ ਇੰਡਸਟਰੀ ਵਿੱਚ ਅਜਿਹੇ 8 ਮਸ਼ਹੂਰ ਪੰਜਾਬੀ ਰੈਪਰ ਹਨ ਜਿਨ੍ਹਾਂ ਨੇ ਆਪਣਾ ਨਾਮ ਬਦਲਿਆ ਹੈ।

ਦੱਸ ਦੇਈਏ ਕਿ ਇਸ ਲਿਸਟ ਵਿੱਚ ਪਹਿਲਾ ਨਾਂਅ ਆਉਂਦਾ ਹੈ ਰੈਪਰ ਬੋਹੇਮਿਆ ਦਾ ਜਿਨ੍ਹਾਂ ਨੂੰ ਉਹਨਾਂ ਦੀ ਬੇਬਾਕ ਰੈਪਿੰਗ ਲਈ ਜਾਣਿਆ ਜਾਂਦਾ ਹੈ। ਉਹ ਸਿੰਗਰ ਸੁੱਖੀ ਦੇ ਨਾਲ ਪ੍ਰਸਿੱਧ ਗੀਤ ਜੈਗੁਆਰ ਵਿੱਚ ਨਜ਼ਰ ਆਏ ਸਨਮ ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਉਨ੍ਹਾਂ ਦਾ ਅਸਲੀ ਨਾਮ ਰੋਜਰ ਡੇਵਿਡ ਹੈ। ਪੰਜਾਬੀ ਗਾਇਕ ਸਿੰਗਰ ਸੁੱਖੀ ਨੇ ਹੀ ਸਾਂਗ ਜੈਗੁਆਰ ਗਾਇਆ ਸੀ। ਸੁੱਖੀ ਦੇ ਬੈਂਡ ਦਾ ਨਾਮ ਮਿਊਜ਼ਿਕਲ ਡਾਕਟਰਜ਼ ਹੈ।

ਸੁੱਖੀ ਦਾ ‘ਆਲ ਬਲੈਕ’ ਬਹੁਤ ਹੀ ਪ੍ਰਸਿੱੱਧ ਗੀਤ ਹੈ। ਸੁੱਖੀ ਦਾ ਅਸਲੀ ਨਾਮ ਸੁਖਦੀਪ ਸਿੰਘ ਹੈ। ਉੱਥੇ ਹੀ ਜੇਕਰ ਗੱਲ ਕਰੀਏ ਜੇ ਸਟਾਰ ਦੀ ਤਾਂ ਉਹਨਾਂ ਦੇ ਕਈ ਗੀਤ ਹਿੱਟ ਹੋਏ ਹਨ। ਉਨ੍ਹਾਂ ਦਾ ਗੀਤ ‘ਮੈਂ ਤੇਰਾ ਬੁਆਏਫ੍ਰੈਂਡ’ ਬਹੁਤ ਹੀ ਪ੍ਰਸਿੱਧ ਹੈ, ਜੋ ਫ਼ਿਲਮ ਰਾਬਤਾ ਵਿੱਚ ਵੀ ਲਿਆ ਗਿਆ ਹੈ। ਜੇ ਸਟਾਰ ਦਾ ਅਸਲੀ ਨਾਮ ਜਸਦੀਪ ਸਿੰਘ ਹੈ।

ਆਪਣੀ ਰੈਪਿੰਗ ਲਈ ਮਸ਼ਹੂਰ ਪੰਜਾਬੀ ਗਾਇਕ ਯੋ ਯੋ ਹਨੀ ਸਿੰਘ Yo Yo Honey Singh ਨੂੰ ਕੋਣ ਨਹੀਂ ਜਾਣਦਾ। ਉਨ੍ਹਾਂ ਦੇ ਗੀਤਾਂ ਦੀ ਹਿੱਟ ਲਿਸਟ ਬਹੁਤ ਲੰਮੀ ਹੈ। ਹਾਲਾਂਕਿ ਹੁਣ ਉਹ ਕੈਮਰੇ ਦੀਆਂ ਨਜਰਾਂ ਤੋਂ ਦੂਰ ਹਨ। ਯੋ ਯੋ ਹਨੀ ਸਿੰਘ ਦਾ ਅਸਲੀ ਨਾਮ ਹਰਦੇਸ਼ ਸਿੰਘ ਹੈ। ਇਸ ਕੜੀ ਵਿੱਚ ਬ੍ਰਿਟੀਸ਼ ਇੰਡੀਅਨ ਸਿੰਗਰ ਹਾਰਡ ਕੌਰ ਦਾ ਨਾਮ ਵੀ ਸ਼ਾਮਿਲ ਹੈ। ਉਹ ‘ਇੱਕ ਗਲਾਸੀ ਗੀਤ’ ਤੋਂ ਲੋਕਾਂ ਦੀਆਂ ਨਜ਼ਰਾਂ ਵਿੱਚ ਆਈ ਸੀ।

ਗੱਲ ਕਰੀਏ ਉਨ੍ਹਾਂ ਦੇ ਅਸਲੀ ਨਾਮ ਦੀ ਤਾਂ ਉਨ੍ਹਾਂ ਨੂੰ ਤਰੁਣ ਕੌਰ ਢਿੱਲੋਂ ਦੇ ਨਾਮ ਤੋਂ ਬੁਲਾਉਂਦੇ ਹਨ। ਭੰਗੜਾ ਮਿਊਜ਼ਿਕ ਦੇ ਸਰਤਾਜ ਜੈਜੀ ਬੀ ਦਾ ਆਪਣਾ ਵੱਖ ਰੁਤਬਾ ਸੀ। ਉਨ੍ਹਾਂ ਨੇ ਇੱਕ ਤੋਂ ਇੱਕ ਹਿੱਟ ਗੀਤ ਦਿੱਤੇ ਸਨ। ਉਨ੍ਹਾਂ ਦੇ ਗੀਤਾਂ ਦੀ ਹਿੱਟ ਲਿਸਟ ਵੀ ਬਹੁਤ ਲੰਮੀ ਹੈ। ਉਨ੍ਹਾਂ ਦਾ ਅਸਲੀ ਨਾਮ ਜਸਵਿੰਦਰ ਸਿੰਘ ਬੈਂਸ ਹੈ। ਰੈਪਰ ਰਫ਼ਤਾਰ ਅੱਜ- ਕੱਲ੍ਹ ਟਰੈਂਡਿੰਗ ਵਿੱਚ ਹਨ।

ਉਨ੍ਹਾਂ ਦੀ ਕਾਮਯਾਬੀ ਦੀ ਅਵਾਜ਼ ਤਾਂ ਬਾਲੀਵੁੱਡ ਵਿੱਚ ਵੀ ਸੁਣਾਈ ਦੇ ਰਹੀ ਹੈ। ਫ਼ਿਲਮ ‘ਹੀਰੋਪੰਤੀ’ ਵਿੱਚ ‘ਮੇਰੇ ਨਾਲ ਤੂੰ ਵੀਹਸਲ ਵਜਾ’ ਵਿੱਚ ਉਨ੍ਹਾਂ ਦਾ ਹੀ ਰੈਪ ਹੈ। ਪੰਜਾਬੀ ਗਾਇਕ ਰਫ਼ਤਾਰ ਦਾ ਅਸਲੀ ਨਾਮ ਦਿਲੀਨ ਨਾਇਰ ਹੈ। ਅਖ਼ੀਰ ਵਿੱਚ ਗੱਲ ਕਰਦੇ ਹਾਂ ਕਾਮਯਾਬੀ ਦੀਆਂ ਬੁਲੰਦੀਆਂ ਨੂੰ ਛੂ ਰਹੇ ਰੈਪਰ ਬਾਦਸ਼ਾਹ ਦੀ। ਬਾਦਸ਼ਾਹ ਟੀਵੀ ਰਿਐਲਿਟੀ ਸ਼ੋਅ ਵਿੱਚ ਨਜ਼ਰ ਆਉਂਦੇ ਹਨ ਅਤੇ ਕਈ ਬਾਲੀਵੁੱਡ ਫ਼ਿਲਮਾਂ ਵਿੱਚ ਉਨ੍ਹਾਂ ਦੇ ਰੈਪ ਹਿੱਟ ਹੋਏ ਹਨ। ਬਾਦਸ਼ਾਹ ਦਾ ਅਸਲੀ ਨਾਮ ਬਹੁਤ ਘੱਟ ਲੋਕ ਜਾਣਦੇ ਹਨ। ਉਨ੍ਹਾਂ ਦਾ ਅਸਲ ਨਾਮ ਆਦਿੱਤਿਆ ਪ੍ਰਤੀਕ ਸਿੰਘ ਸਿਸੋਦਿਆ ਹੈ।