ਰਿਤਿਕ ਰੌਸ਼ਨ ਦੇ ਜਨਮਦਿਨ 'ਤੇ ਗਰਲਫਰੈਂਡ ਸਬਾ ਨੇ ਸ਼ੇਅਰ ਕੀਤੀ ਪਿਆਰ ਭਰੀ ਪੋਸਟ, ਬੁਆਏਫ੍ਰੈਂਡ ਲਈ ਲਿਖਿਆ ਖ਼ਾਸ ਸੰਦੇਸ਼

written by Pushp Raj | January 10, 2023 05:14pm

Saba Azad on Hrithik Roshan birthday: ਬਾਲੀਵੁੱਡ ਦੇ ਮੋਸਟ ਹੈਂਡਸਮ ਅਦਾਕਾਰ ਰਿਤਿਕ ਰੌਸ਼ਨ ਅੱਜ ਆਪਣਾ 49ਵਾਂ ਜਨਮਦਿਨ ਮਨਾ ਰਹੇ ਹਨ। ਇਸ ਖ਼ਾਸ ਮੌਕੇ 'ਤੇ ਰਿਤਿਕ ਰੌਸ਼ਨ ਦੇ ਫੈਨਜ਼ ਉਨ੍ਹਾਂ ਨੂੰ ਵਧਾਈ ਦੇ ਰਹੇ ਹਨ। ਇਸ ਖ਼ਾਸ ਮੌਕੇ 'ਤੇ ਰਿਤਿਕ ਦੀ ਗਰਲਫ੍ਰੈਂਡ ਸਬਾ ਆਜ਼ਾਦ ਨੇ ਵੀ ਖ਼ਾਸ ਅੰਦਾਜ਼ 'ਚ ਰਿਤਿਕ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਹੈ।

Image Source: Instagram

ਸਬਾ ਨੇ ਆਪਣੇ ਅਧਿਕਾਰਿਤ ਇੰਸਟਾਗ੍ਰਾਮ ਅਕਾਊਂਟ ਉੱਤੇ ਰਿਤਿਕ ਰੌਸ਼ਨ ਦੇ ਲਈ ਇੱਕ ਖ਼ਾਸ ਪੋਸਟ ਸ਼ੇਅਰ ਕੀਤੀ ਹੈ। ਰਿਤਿਕ ਦੀ ਗਰਲਫਰੈਂਡ ਸਬਾ ਆਜ਼ਾਦ ਨੇ ਵੀ ਰਿਤਿਕ ਨੂੰ ਸ਼ੁਭਕਾਮਨਾਵਾਂ ਦੇਣ ਲਈ ਕਈ ਅਣਦੇਖੀ ਤਸਵੀਰਾਂ ਤੇ ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ।

ਇੰਸਟਾਗ੍ਰਾਮ 'ਤੇ ਰਿਤਿਕ ਰੌਸ਼ਨ ਦੇ ਜਨਮਦਿਨ ਦੀ ਪੋਸਟ ਸ਼ੇਅਰ ਕਰਦੇ ਹੋਏ, ਉਨ੍ਹਾਂਨੇ ਲਿਖਿਆ, "ਅੱਜ ਰੋ ਡੇਅ ਹੈ !! ਹੇ ਰੋ!! ਜਦੋਂ ਤੁਸੀਂ ਇਸ ਸਰਕਸ ਦੇ ਜ਼ਰੀਏ ਗਲਾਈਡ ਚੋਂ ਲੰਘਦੇ ਹਾਂ ਤਾਂ ਅਸੀਂ ਇਸ ਨੂੰ ਜ਼ਿੰਦਗੀ ਕਹਿੰਦੇ ਹਨ। ਹਮੇਸ਼ਾ ਲਈ ਬੁੱਧੀਮਾਨ ਅੱਖਾਂ ਅਤੇ ਉਤਸੁਕ, ਨਿਰੰਤਰ ਵਿਕਾਸਸ਼ੀਲ, ਦਿਲ ਮਜ਼ਬੂਤ, ਦਿਮਾਗ ਤੇਜ਼, ਹਰ ਦਿਨ ਬਿਹਤਰ ਕਰਨ ਅਤੇ ਬਿਹਤਰ ਬਨਣ ਦੀ ਕੋਸ਼ਿਸ਼ ਕਰਨ ਵਾਲਾ, ਉਹ ਜ਼ਿੱਦੀ, ਦਿਆਲੂ ਅਤੇ ਕਿਰਪਾ ਨਾਲ ਭਰਪੂਰ ਹੈ। ਭਾਵੇਂ ਦੁਨੀਆਂ ਅਹਿਸਾਨ ਨਹੀਂ ਮੋੜਦੀ, ਇੱਕ ਗੱਲ ਯਾਦ ਆਉਂਦੀ ਹੈ 'ਨਿਯਮ ਦਾ ਅਪਵਾਦ'।"

Image Source: Instagram

ਸਬਾ ਨੇ ਅੱਗੇ ਲਿਖਿਆ, "ਤੁਸੀਂ ਸਾਰੀਆਂ ਰੂੜ੍ਹੀਆਂ ਨੂੰ ਤੋੜਦੇ ਹੋ ਅਤੇ ਸਾਰੀਆਂ ਧਾਰਨਾਵਾਂ ਨੂੰ ਉਲਝਾ ਦਿੰਦੇ ਹੋ, ਲੋਕ ਘੱਟ ਹੀ ਹੈਰਾਨ ਹੁੰਦੇ ਹਨ ਪਰ ਤੁਸੀਂ ਰੋਜ਼ਾਨਾ ਕਈ ਤਰੀਕਿਆਂ ਨਾਲ ਅਜਿਹਾ ਕਰਦੇ ਰਹਿੰਦੇ ਹੋ। ਦੁਨੀਆਂ ਅਜੀਬ ਹੈ ਪਰ ਤੁਸੀਂ ਇਸ ਨੂੰ ਹਮੇਸ਼ਾ ਤੋਂ ਹੋਰ ਤੋਂ ਬਿਹਤਰ ਬਣਾਉਂਦੇ ਹੋ। ਇਸੇ ਤਰ੍ਹਾਂ ਆਪਣੀ ਜ਼ਿੰਦਗੀ ਦਾ ਆਨੰਦ ਮਾਣਦੇ ਰਹੋ। ਹੈਪੀ ਬਰਥਡੇਅ ਰੋ।"

ਸੁਜ਼ੈਨ ਖ਼ਾਨ ਨੇ ਵੀ ਦਿੱਤੀ ਜਨਮਦਿਨ ਦੀ ਵਧਾਈ

ਸਬਾ ਦੇ ਨਾਲ-ਨਾਲ ਰਿਤਿਕ ਰੌਸ਼ਨ ਦੀ ਐਕਸ ਵਾਈਫ ਸੂਜ਼ੈਨ ਖ਼ਾਨ ਨੇ ਵੀ ਅਦਾਕਾਰ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਹੈ। ਸੁਜ਼ੈਨ ਖ਼ਾਨ ਨੇ ਆਪਣੇ ਇੰਸਟਾਗ੍ਰਾਮ ਉੱਤੇ ਆਪਣੇ ਦੋਹਾਂ ਬੱਚਿਆਂ ਨਾਲ ਰਿਤਿਕ ਦੀ ਇੱਕ ਵੀਡੀਓ ਸ਼ੇਅਰ ਕਰਕੇ ਉਨ੍ਹਾਂ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਹੈ।

Image Source: Instagram

ਹੋਰ ਪੜ੍ਹੋ: ਵਿਆਹ ਦੀਆਂ ਖਬਰਾਂ ਵਿਚਾਲੇ ਵਾਇਰਲ ਹੋਇਆ ਕਿਆਰਾ ਅਡਵਾਨੀ ਦਾ ਬ੍ਰਾਈਡਲ ਲੁੱਕ, ਵੇਖੋ ਤਸਵੀਰਾਂ

ਦੱਸ ਦੇਈਏ ਕਿ ਰਿਤਿਕ ਨੇ ਆਪਣੀ ਪਹਿਲੀ ਫ਼ਿਲਮ 'ਕਹੋ ਨਾ ਪਿਆਰ ਹੈ' ਦੇ ਰਿਲੀਜ਼ ਹੋਣ ਤੋਂ ਤੁਰੰਤ ਬਾਅਦ ਸਾਲ 2000 'ਚ ਸੁਜ਼ੈਨ ਨਾਲ ਵਿਆਹ ਕੀਤਾ ਸੀ। ਹਾਲਾਂਕਿ, ਉਨ੍ਹਾਂ ਨੇ 2013 ਵਿੱਚ ਆਪਣੇ ਵੱਖ ਹੋਣ ਦਾ ਐਲਾਨ ਕੀਤਾ ਅਤੇ ਅਗਲੇ ਸਾਲ ਤਲਾਕ ਲੈ ਲਿਆ। ਦੋਵੇਂ ਆਪਣੇ ਦੋ ਪੁੱਤਰਾਂ ਰਿਦਾਨ ਅਤੇ ਰੇਹਾਨ ਦਾ ਪਾਲਣ-ਪੋਸ਼ਣ ਕਰ ਰਹੇ ਹਨ। ਜਿੱਥੇ ਸੁਜ਼ੈਨ ਅਤੇ ਅਰਸਲਾਨ ਲਗਭਗ ਦੋ ਸਾਲਾਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ, ਰਿਤਿਕ ਰੌਸ਼ਨ ਗਾਇਕਾ ਤੇ ਅਦਾਕਾਰਾ ਸਬਾ ਆਜ਼ਾਦ ਨੂੰ ਡੇਟ ਕਰ ਰਹੇ ਹਨ ਅਤੇ ਉਨ੍ਹਾਂ ਨੇ 2022 ਵਿੱਚ ਆਪਣੇ ਰਿਸ਼ਤੇ ਨੂੰ ਅਧਿਕਾਰਤ ਕੀਤਾ ਸੀ।

 

View this post on Instagram

 

A post shared by Sussanne Khan (@suzkr)

You may also like