ਸਲਮਾਨ ਖਾਨ ਦੇ ਵਕੀਲ ਸ਼੍ਰੀਕਾਂਤ ਸ਼ਿਵੜੇ ਦਾ ਹੋਇਆ ਦੇਹਾਂਤ, ਹਿੱਟ ਐਂਡ ਰਨ ਕੇਸ 'ਚ ਕੀਤੀ ਸੀ ਸਲਮਾਨ ਦੀ ਪੈਰਵੀ

ਵਰੂਣ ਧਵਨ ਤੋਂ ਬਾਅਦ ਹੁਣ ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਸਲਮਾਨ ਖਾਨ ਦੇ ਵਕੀਲ ਸ਼੍ਰੀਕਾਂਤ ਸ਼ਿਵੜੇ ਦਾ ਦੇਹਾਂਤ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਸ਼੍ਰੀਕਾਂਤ ਸ਼ਿਵੜੇ ਦਾ ਦੇਹਾਂਤ ਕੈਂਸਰ ਦੇ ਕਾਰਨ ਹੋਇਆ। ਸ਼੍ਰੀਕਾਂਤ ਸ਼ਿਵੜੇ ਨੂੰ ਸਲਮਾਨ ਖ਼ਾਨ ਦੇ ਹਿੱਟ ਐਂਡ ਰਨ ਕੇਸ ਵਿੱਚ ਜਿੱਤ ਦਵਾਉਣ ਲਈ ਯਾਦ ਕੀਤਾ ਜਾਂਦਾ ਹੈ।

ਵਕੀਲ ਸ਼੍ਰੀਕਾਂਤ ਸ਼ਿਵੜੇ 67 ਸਾਲਾਂ ਦੇ ਸਨ ਅਤੇ ਉਹ ਪਿਛਲੇ ਲੰਬੇ ਸਮੇਂ ਤੋਂ ਬਲੱਡ ਕੈਂਸਰ ਨਾਲ ਜੂਝ ਰਹੇ ਸਨ। 19 ਜਨਵਰੀ ਦੇਰ ਰਾਤ ਸ਼੍ਰੀਕਾਂਤ ਦਾ ਦੇਹਾਂਤ ਹੋ ਗਿਆ।

ਐਡਵੋਕੇਟ ਸ਼੍ਰੀਕਾਂਤ ਸ਼ਿਵੜੇ ਦੇ ਦੇਹਾਂਤ ਦੀ ਖ਼ਬਰ ਉਨ੍ਹਾਂ ਦੇ ਅਧੀਨ ਕੰਮ ਕਰ ਰਹੇ ਇੱਕ ਜੂਨੀਅਰ ਵਕੀਲ ਨੇ ਦਿੱਤੀ ਹੈ। ਉਸ ਨੇ ਦੱਸਿਆ ਕਿ ਵਕੀਲ ਲਿਊਕੇਮੀਆ (ਬਲੱਡ ਕੈਂਸਰ) ਤੋਂ ਪੀੜਤ ਸਨ ਅਤੇ ਉਸ ਦਾ ਇਲਾਜ ਚੱਲ ਰਿਹਾ ਸੀ। ਪੁਣੇ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਇਲਾਜ ਦੌਰਾਨ ਉਨ੍ਹਾਂ ਦੀ ਮੌਤ ਹੋ ਗਈ। ਵਕੀਲ ਆਪਣੇ ਪਿੱਛੇ ਆਪਣੀ ਮਾਂ, ਪਤਨੀ ਅਤੇ ਦੋ ਬੱਚਿਆਂ ਨੂੰ ਛੱਡ ਗਏ ਹਨ।

ਸਲਮਾਨ ਖਾਨ ਦੇ ਸਭ ਤੋਂ ਵਿਵਾਦਤ ਅਤੇ ਹਾਈ-ਪ੍ਰੋਫਾਈਲ ਹਿੱਟ ਐਂਡ ਰਨ ਕੇਸ ਨੂੰ ਸਭ ਤੋਂ ਵੱਡੇ ਅਪਰਾਧਿਕ ਕੇਸ ਵਜੋਂ ਯਾਦ ਕੀਤਾ ਜਾਂਦਾ ਹੈ। ਜਦੋਂ ਹਰ ਕੋਈ ਨਿਰਾਸ਼ ਹੋ ਗਿਆ ਤਾਂ ਪ੍ਰਸਿੱਧ ਵਕੀਲ ਸ਼੍ਰੀਕਾਂਤ ਸ਼ਿਵੜੇ ਨੇ ਕੇਸ ਨੂੰ ਸੰਭਾਲਿਆ ਅਤੇ ਅਦਾਕਾਰ ਨੂੰ ਜਿੱਤ ਤੱਕ ਪਹੁੰਚਾਇਆ। ਸਲਮਾਨ ਖਾਨ ਤੋਂ ਇਲਾਵਾ ਵਕੀਲ ਨੇ ਅਦਾਕਾਰਾ ਸ਼ਾਇਨੀ ਆਹੂਜਾ ਦੀ ਵੀ ਨੁਮਾਇੰਦਗੀ ਕੀਤੀ, ਜਿਸ ਨੂੰ ਮੁੰਬਈ ਪੁਲਿਸ ਨੇ ਸਾਲ 2009 ਦੌਰਾਨ ਬਲਾਤਕਾਰ ਦੇ ਇੱਕ ਕੇਸ ਵਿੱਚ ਦੋਸ਼ੀ ਠਹਿਰਾਇਆ ਸੀ।

ਹੋਰ ਪੜ੍ਹੋ : ਕੇਜੀਐਫ ਚੈਪਟਰ 2 ਤੋਂ ਬਾਅਦ ਇੱਕ ਕਾਮੇਡੀ ਫਿਲਮ ਵਿੱਚ ਇਕੱਠੇ ਨਜ਼ਰ ਆਉਣਗੇ ਸੰਜੇ ਦੱਤ ਅਤੇ ਰਵੀਨਾ ਟੰਡਨ

ਦੱਸਣਯੋਗ ਹੈ ਕਿ ਸ਼੍ਰੀਕਾਂਤ ਇੰਡੀਅਨ ਲਾਅ ਸੁਸਾਇਟੀ ਤੋਂ ਲਾਅ ਗ੍ਰੈਜੂਏਟ ਸਨ। ਅਪਰਾਧਿਕ ਵਕੀਲ ਨੇ ਨਾਂ ਮਹਿਜ਼ ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਦੇ (ਹਿੱਟ ਐਂਡ ਰਨ ਕੇਸ) ਅਤੇ ਸ਼ਾਇਨੀ ਆਹੂਜਾ (ਰੇਪ ਕੇਸ) ਦੇ ਹਾਈ-ਪ੍ਰੋਫਾਈਲ ਕੇਸਾਂ ਨੂੰ ਸੰਭਾਲਿਆ ਹੈ, ਬਲਕਿ 2ਜੀ ਘੁਟਾਲੇ ਦੇ ਕੇਸ ਨਾਲ ਨਜਿੱਠਣ ਲਈ, ਮਾਲੇਗਾਓਂ ਬੰਬ ਕੇਸ ਵਿੱਚ ਲੈਫਟੀਨੈਂਟ ਕਰਨਲ ਪ੍ਰਸਾਦ ਪੁਰੋਹਿਤ ਦੀ ਵੀ ਪੈਰਵੀ ਕੀਤੀ ਸੀ। ਬਲਾਸਟ ਕੇਸ, ਸੁਲੇਮਾਨ ਬੇਕਰੀ ਫਾਇਰਿੰਗ, ਦੀਪਕ ਕੁਲਕਰਨੀ, ਧੋਖਾਧੜੀ ਕੇਸ, ਸ਼ੀਨਾ ਬੋਰਾ ਕੇਸ ਅਤੇ ਹੋਰਨਾਂ ਕਈ ਹਾਈ-ਪ੍ਰੋਫਾਈਲ ਕੇਸਾਂ ਵਿੱਚ ਮੁੰਬਈ ਦੇ ਸਾਬਕਾ ਪੁਲਿਸ ਮੁਖੀ ਆਰ ਡੀ ਤਿਆਗੀ ਦੇ ਕੇਸਾਂ ਸਣੇ ਸ਼੍ਰੀਕਾਂਤ ਸ਼ਿਵੜੇ ਨੇ ਕਈ ਕੇਸ ਲੜੇ।