LIVE:
ਟਾਇਗਰ ਸ਼ਰੌਫ ਨੇ ਮਾਰਸ਼ਲ ਆਰਟਸ ਦੇ ਨਾਲ ਵਿਖਾਈ ਫੁੱਟਬਾਲ ਖੇਡਣ ਦੀ ਕਲਾ, ਵੀਡੀਓ ਹੋ ਰਹੀ ਵਾਇਰਲ
ਬਾਲੀਵੁੱਡ ਦੇ ਚਾਰਮਿੰਗ ਹੀਰੋ ਟਾਈਗਰ ਸ਼ਰੌਫ ਆਪਣੀ ਅਗਲੀ ਫ਼ਿਲਮ ਗਣਪਤ ਦੀ ਸ਼ੂਟਿੰਗ ਬ੍ਰਿਟੇਨ ਦੇ ਵਿੱਚ ਕਰ ਰਹੇ ਹਨ। ਇਸ ਦੌਰਾਨ ਸਮਾਂ ਮਿਲਣ ਉੱਤੇ ਟਾਈਗਰ ਸ਼ਰੌਫ ਖੇਡਦੇ ਜਾਂ ਡਾਂਸ ਕਰਦੇ ਹਨ ਤੇ ਉਹ ਇਹ ਵੀਡੀਓਜ਼ ਆਪਣੇ ਫੈਨਜ਼ ਨਾਲ ਵੀ ਸਾਂਝੀ ਕਰਦੇ ਹਨ।
ਟਾਈਗਰ ਸ਼ਰੌਫ ਅਕਸਰ ਹੀ ਸੋਸ਼ਲ ਮੀਡੀਆ ਉੱਤੇ ਆਪਣੀ ਡਾਂਸ ਅਤੇ ਮਾਰਸ਼ਲ ਆਰਟ ਦੀ ਵੀਡੀਓਜ਼ ਸਾਂਝਾ ਕਰਦੇ ਹਨ। ਹਾਲ ਹੀ ਵਿੱਚ ਟਾਈਗਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਉੱਤੇ ਫੁੱਟਬਾਲ ਖੇਡਦੇ ਹੋਏ ਵੀਡੀਓ ਸਾਂਝੀ ਕੀਤੀ ਹੈ। ਇਸ ਵੀਡੀਓ ਵਿੱਚ ਖ਼ਾਸ ਇਹ ਹੈ ਕਿ ਇਥੇ ਟਾਈਗਰ ਫੁੱਟਬਾਲ ਖੇਡਣ ਲਈ ਮਾਰਸ਼ਲ ਆਰਟ ਦੀ ਕੁਝ ਤਕਨੀਕਾਂ ਨੂੰ ਵਰਤ ਰਹੇ ਹਨ।
image From instagramTiger Shroff Video viral
ਵੀਡੀਓ ਵਿੱਚ ਤੁਸੀਂ ਵੇਖ ਸਕਦੇ ਹੋ ਕਿ ਟਾਈਗਰ ਨੇ ਪੀਲੇ ਰੰਗ ਦੀ ਸ਼ੌਰਟਸ ਪਾਈ ਹੋਈ ਹੈ ਤੇ ਚਸ਼ਮਾ ਲਾਇਆ ਹੈ। ਉਹ ਫੁੱਟਬਾਲ ਖੇਡ ਰਹੇ ਹਨ ਅਤੇ ਜਿਵੇਂ ਹੀ ਉਨ੍ਹਾਂ ਦੇ ਨੇੜੇ ਫੁੱਟਬਾਲ ਆਉਂਦੀ ਹੈ ਤਾਂ ਉਸ ਨੂੰ ਹਵਾ ਵਿੱਚ ਹੈਰਾਨੀਜਨਕ ਤਰੀਕੇ ਨਾਲ ਕਿੱਕ ਮਾਰਦੇ ਹਨ।
View this post on Instagram
ਫੈਨਜ਼ ਫੁੱਟਬਾਲ ਖੇਡਦੇ ਹੋਏ ਮਾਰਸ਼ਲ ਆਰਟ ਦੀ ਤਕਨੀਕ ਵਾਲੀ ਇਸ ਵੀਡੀਓ ਨੂੰ ਬੇਹੱਦ ਪਸੰਦ ਕਰ ਰਹੇ ਹਨ। ਫੈਨਜ਼ ਵੱਲੋਂ ਵੀਡੀਓ ਦੇ ਵਿੱਚ ਟਾਈਗਰ ਦੇ ਲੁੱਕ ਨੂੰ ਵੀ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ।
ਦੱਸ ਦਈਏ ਕਿ ਟਾਈਗਰ ਸ਼ਰੌਫ ਨੂੰ ਐਕਟਿੰਗ ਤੇ ਡਾਂਸ ਦੇ ਨਾਲ-ਨਾਲ ਫੁੱਟਬਾਲ ਖੇਡਣਾ ਵੀ ਬੇਹੱਦ ਪਸੰਦ ਹੈ। ਉਹ ਐਡਵੈਂਚਰ ਸਪੋਰਟਸ ਕਰਨਾ ਵੀ ਪਸੰਦ ਕਰਦੇ ਹਨ। ਇਸ ਸਾਲ ਜੂਨ ਵਿੱਚ ਟਾਈਗਰ ਨੇ ਹੋਰਨਾਂ ਬੀ ਟਾਊਨ ਸੈਲੇਬਸ ਅਰਜੂਨ ਕਪੂਰ, ਰਣਬੀਰ ਕਪੂਰ, ਡੀਨੋ ਮਾਰਿਆ ਤੇ ਸ਼ਕਤੀ ਖੁਰਾਨਾ ਦੇ ਨਾਲ ਫੁੱਟਬਾਲ ਮੈਚ ਖੇਡੇ ਸਨ।
Image Source: google
ਹੀਰੋਪੰਤੀ ਤੇ ਬਾਗੀ 2 ਵਰਗੀਆਂ ਫ਼ਿਲਮਾਂ ਕਰਨ ਤੋਂ ਬਾਅਦ ਹੁਣ ਟਾਈਗਰ ਸ਼ਰੌਫ ਆਪਣੀ ਅਗਲੀ ਫ਼ਿਲਮ ਗਣਪਤ ਵਿੱਚ ਨਜ਼ਰ ਆਉਂਣਗੇ। ਇਸ ਫ਼ਿਲਮ ਵਿੱਚ ਉਨ੍ਹਾਂ ਦੇ ਨਾਲ ਕ੍ਰਿਤੀ ਸੇਨਨ ਵੀ ਬਤੌਰ ਹੀਰੋਇਨ ਨਜ਼ਰ ਆਵੇਗੀ ਤੇ ਇਸ ਫ਼ਿਲਮ ਦੇ ਨਿਰਮਾਤਾ ਵਾਸ਼ੂ ਭਗਨਾਨੀ ਕਰ ਰਹੇ ਹਨ। ਟਾਈਗਰ ਸ਼ਰੌਫ ਤੇ ਕ੍ਰਿਤੀ ਸੇਨਨ ਹੀਰੋਪੰਤੀ ਫ਼ਿਲਮ ਤੋਂ ਬਾਅਦ ਮੁੜ ਇੱਕਠੇ ਸਕ੍ਰੀਨ ਸ਼ੇਅਰ ਕਰਨਗੇ।
