ਰਣਬੀਰ ਕਪੂਰ ਦੇ ਬਿਆਨ ਨੂੰ ਲੈ ਮਹਾਕਾਲ ਮੰਦਰ 'ਚ ਹੋਇਆ ਹੰਗਾਮਾ, ਬਿਨਾਂ ਦਰਸ਼ਨ ਕੀਤੇ ਪਰਤੇ ਰਣਬੀਰ ਤੇ ਆਲਿਆ

Alia Bhatt and Ranbir Kapoor: ਬਾਲੀਵੁੱਡ ਅਦਾਕਾਰ ਰਣਬੀਰ ਕਪੂਰ ਅਤੇ ਆਲਿਆ ਭੱਟ ਇਨ੍ਹੀਂ ਦਿਨੀਂ ਆਪਣੀ ਫ਼ਿਲਮ 'ਬ੍ਰਹਮਾਸਤਰ' ਨੂੰ ਲੈ ਕੇ ਸੁਰਖੀਆਂ ਵਿੱਚ ਹਨ। ਹਾਲ ਹੀ ਵਿੱਚ ਫ਼ਿਲਮ ਰਿਲੀਜ਼ ਹੋਣ ਤੋਂ ਪਹਿਲਾਂ ਰਣਬੀਰ ਤੇ ਆਲਿਆ ਫ਼ਿਲਮ ਡਾਇਰੈਕਟਰ ਆਯਾਨ ਮੁਖਰਜ਼ੀ ਦੇ ਨਾਲ ਮਹਾਕਾਲ ਮੰਦਰ ਵਿੱਚ ਦਰਸ਼ਨ ਲਈ ਪਹੁੰਚਿਆ। ਇਸ ਬਾਲੀਵੁੱਡ ਜੋੜੀ ਨੂੰ ਮੰਦਰ ਪਹੁੰਚ ਕੇ ਵੀ ਦਰਸ਼ਨ ਨਹੀਂ ਹੋ ਸਕੇ ਜਿਸ ਦਾ ਕਾਰਨ ਰਣਬੀਰ ਕਪੂਰ ਵੱਲੋਂ ਦਿੱਤਾ ਗਿਆ  ਇੱਕ ਵਿਵਾਦਤ ਬਿਆਨ ਹੈ।

Image Source :Instagram

ਦੱਸ ਦਈਏ ਕਿ ਰਣਬੀਰ ਤੇ ਆਲਿਆ ਆਪਣੀ ਫ਼ਿਲਮ 'ਬ੍ਰਹਮਾਸਤਰ' ਲਈ ਉਜੈਨ ਸਥਿਤ ਮਹਾਕਾਲੇਸ਼ਵਰ ਮੰਦਰ 'ਚ ਪੂਜਾ ਕਰਨ ਪਹੁੰਚੇ। ਇਸ ਦੌਰਾਨ ਉਨ੍ਹਾਂ ਦੇ ਨਾਲ ਫ਼ਿਲਮ ਡਾਇਰੈਕਟਰ ਆਯਾਨ ਮੁਖਰਜ਼ੀ ਵੀ ਸਨ। ਮੰਦਰ ਵਿੱਚ ਦਰਸ਼ਨ ਕਰਨ ਲਈ ਆਲਿਆ ਤੇ ਰਣਬੀਰ ਦੋਵੇਂ ਕਾਫੀ ਉਤਸ਼ਾਹਿਤ ਸਨ ਪਰ ਉੱਥੇ ਪਹੁੰਚਣ ਤੋਂ ਬਾਅਦ ਦੋਵਾਂ ਦਾ ਉਤਸ਼ਾਹ ਖ਼ਤਮ ਹੋ ਗਿਆ।ਕਿਉਂਕਿ ਉੱਥੇ ਪਹੁੰਚਦੇ ਹੀ ਉਨ੍ਹਾਂ ਨੂੰ ਭਾਰੀ ਵਿਰੋਧ ਦਾ ਸਾਹਮਣਾ ਕਰਨਾ ਪਿਆ।

Image Source :Instagram

ਦਰਅਸਲ ਬਜਰੰਗ ਦਲ ਨੇ ਰਣਬੀਰ ਕਪੂਰ ਵੱਲੋਂ 'ਬੀਫ' ਨੂੰ ਲੈ ਕੇ ਦਿੱਤੇ ਗਏ ਇੱਕ ਪੁਰਾਣੇ ਬਿਆਨ ਦਾ ਵਿਰੋਧ ਕੀਤਾ। ਬਜਰੰਗ ਦਲ ਦੇ ਲੋਕਾਂ ਨੇ ਵਿਰੋਧ ਕਰਦੇ ਹੋਏ ਰਣਬੀਰ ਅਤੇ ਆਲਿਆ ਨੂੰ ਮਹਾਕਾਲ ਮੰਦਰ 'ਚ ਜਾਣ ਨਹੀਂ ਦਿੱਤਾ।

ਵੀਡੀਓ ਦੇ ਵਿੱਚ ਤੁਸੀਂ ਵੇਖ ਸਕਦੇ ਹੋ ਕਿ ਪ੍ਰਦਰਸ਼ਨਕਾਰੀ ਕਾਫੀ ਵਿਰੋਧ ਕਰ ਰਹੇ ਹਨ। ਜਦੋਂ ਪੁਲਿਸ ਨੇ ਉਨ੍ਹਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਮਾਮਲਾ ਇੰਨਾ ਵੱਧ ਗਿਆ ਕਿ ਪੁਲਿਸ ਅਤੇ ਬਜਰੰਗ ਦਲ ਦੇ ਵਰਕਰਾਂ ਵਿਚਕਾਰ ਲੜਾਈ ਹੋ ਗਈ।

Image Source :Instagram

ਹੋਰ ਪੜ੍ਹੋ: ਜੱਸ ਮਾਣਕ ਦਾ ਨਵਾਂ ਗੀਤ 'Love Thunder' ਜਲਦ ਹੋਵੇਗਾ ਰਿਲੀਜ਼, ਗਾਇਕ ਨੇ ਪੋਸਟ ਕੀਤੀ ਸਾਂਝੀ

ਕਿਸ ਬਿਆਨ ਨੂੰ ਲੈ ਕੇ ਹੋਇਆ ਵਿਰੋਧ

ਦਰਅਸਲ, ਇਹ ਵਿਰੋਧ ਰਣਬੀਰ ਦੇ ਇੱਕ ਪੁਰਾਣੇ ਬੀਫ ਵਾਲੇ ਬਿਆਨ ਨੂੰ ਲੈ ਕੇ ਕੀਤਾ ਗਿਆ। ਸਾਲ 2011 'ਚ ਆਪਣੀ ਫ਼ਿਲਮ ਰੌਕਸਟਾਰ ਦੇ ਪ੍ਰਮੋਸ਼ਨ ਦੌਰਾਨ ਰਣਬੀਰ ਕਪੂਰ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਬੀਫ ਖਾਣਾ ਪਸੰਦ ਹੈ। ਉਨ੍ਹਾਂ ਨੇ ਕਿਹਾ ਸੀ, 'ਮੇਰਾ ਪਰਿਵਾਰ ਪੇਸ਼ੇਵਰ ਤੋਂ ਹੈ, ਇਸ ਲਈ ਉਨ੍ਹਾਂ ਲਈ ਬਹੁਤ ਸਾਰਾ ਪੇਸ਼ੇਵਰ ਭੋਜਨ ਆਉਂਦਾ ਹੈ। ਮੈਂ ਮਟਨ, ਪਾਈ ਅਤੇ ਬੀਫ ਖਾਣ ਦਾ ਸ਼ੌਕੀਨ ਹਾਂ। ਮੈਨੂੰ ਸਭ ਤੋਂ ਵੱਧ ਬੀਫ ਖਾਣਾ ਪਸੰਦ ਹੈ।

 

View this post on Instagram

 

A post shared by Ayan Mukerji (@ayan_mukerji)