ਕੀ ਹੁਣ ਪੰਜਾਬੀ ਫ਼ਿਲਮ 'ਗੋਰਿਆਂ ਨੂੰ ਦਫਾ ਕਰੋ' ਦਾ ਵੀ ਬਣਨ ਜਾ ਰਿਹਾ ਹੈ ਸੀਕਵਲ ...!

ਕੁਝ ਫ਼ਿਲਮਾਂ ਇਸ ਤਰ੍ਹਾਂ ਦੀਆਂ ਹੁੰਦੀਆ ਹਨ, ਜਿਹੜੀਆਂ ਲੋਕਾਂ ਦੇ ਦਿਲਾਂ ਵਿੱਚ ਜਗ੍ਹਾ ਬਣਾ ਲੈਂਦੀਆਂ ਹਨ । ਇਹਨਾਂ ਫ਼ਿਲਮਾਂ ਨੂੰ ਦੇਖਕੇ ਲੋਕ ਮੰਗ ਕਰਨ ਲੱਗ ਜਾਂਦੇ ਹਨ ਕਿ ਇਹਨਾਂ ਦਾ ਸੀਕਵਲ ਬਣੇ । ਇਸ ਸੂਚੀ ਵਿੱਚ ਜੱਟ ਐਂਡ ਜੂਲੀਅਟ, ਸਰਦਾਰ ਜੀ ਤੇ ਨਿੱਕਾ ਜ਼ੈਲਦਾਰ ਵਰਗੀਆਂ ਫ਼ਿਲਮਾਂ ਸ਼ਾਮਿਲ ਹਨ । ਪਰ ਹੁਣ ਇਸ ਸੂਚੀ ਵਿੱਚ ਡੈਡੀ ਕੂਲ ਮੁੰਡੇ ਫੂਲ ਤੇ ਗੋਰਿਆਂ ਨੂੰ ਦਫਾ ਕਰੋ ਵੀ ਸ਼ਾਮਿਲ ਹੋ ਗਈਆ ਹਨ ।

https://www.instagram.com/p/BuNpQDin8A6/

ਖ਼ਬਰਾਂ ਦੀ ਮੰਨੀਏ ਤਾਂ ਡੈਡੀ ਕੂਲ ਮੁੰਡੇ ਫੂਲ-2 ਵਿੱਚ ਜੱਸੀ ਗਿੱਲ, ਰਣਜੀਤ ਬਾਵਾ ਤੇ ਜਸਵਿੰਦਰ ਭੱਲਾ ਦਿਖਾਈ ਦੇਣਗੇ । ਇਸ ਫ਼ਿਲਮ ਦੇ ਨਾਲ ਨਾਲ ਸਪੀਡ ਰਿਕਾਰਡਜ਼ ਨੇ ਗੋਰਿਆਂ ਨੂੰ ਦਫਾ ਕਰੋ ਫ਼ਿਲਮ ਦਾ ਵੀ ਸੀਕਵਲ ਬਨਾਉਣ ਦਾ ਐਲਾਨ ਕੀਤਾ ਹੈ । ਇਹ ਫ਼ਿਲਮ ਵੀ ਲੋਕਾਂ ਨੂੰ ਕਾਫੀ ਪਸੰਦ ਆਈ ਸੀ ਤੇ ਲੋਕ ਚਾਹੁੰਦੇ ਸਨ ਕਿ ਗੋਰਿਆਂ ਨੂੰ ਦਫਾ ਕਰੋ-2 ਬਣਾਈ ਜਾਵੇ । ਹੁਣ ਸਪੀਡ ਰਿਕਾਰਡਜ਼ ਨੇ ਇਸ ਦਾ ਐਲਾਨ ਕਰ ਦਿੱਤਾ ਹੈ ।

https://www.instagram.com/p/Bu36ACAA-3V/?utm_source=ig_embed

ਜੇਕਰ ਜੱਸੀ ਗਿੱਲ ਦੇ ਪ੍ਰੋਜੈਕਟਾਂ ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਛੇਤੀ ਹੀ ਵਾਮਿਕਾ ਗੱਬੀ ਨਾਲ ਪੰਜਾਬੀ ਫ਼ਿਲਮ ਕੌਣ ਆ ਯਾਰ ਵਿੱਚ ਨਜ਼ਰ ਆਉਣਗੇ । ਇਸ ਤੋਂ ਇਲਾਵਾ ਜੱਸੀ ਗਿੱਲ ਬਾਲੀਵੁੱਡ ਫ਼ਿਲਮ ਪੰਗਾ ਵਿੱਚ ਨਜ਼ਰ ਆਉਣਗੇ। ਜਦੋਂ ਕਿ ਰਣਜੀਤ ਬਾਵਾ ਆਪਣੀ ਫ਼ਿਲਮ ਤਾਰਾ ਮੀਰਾ ਵਿੱਚ ਨਜ਼ਰ ਆਉਣਗੇ ।