‘ਆਸ਼ਕੀ’ ਵਰਗੀ ਹਿੱਟ ਫ਼ਿਲਮ ਦੇਣ ਵਾਲੀ ਹੀਰੋਇਨ ਅਨੂੰ ਅਗਰਵਾਲ ਨੇ ਦੱਸੀ ਆਪਣੀ ਦਰਦ ਭਰੀ ਕਹਾਣੀ, ਵੀਡੀਓ ਕੀਤਾ ਸਾਂਝਾ

90 ਦੇ ਦਹਾਕੇ ਵਿੱਚ ਲੋਕਾਂ ਨੂੰ ‘ਆਸ਼ਕੀ’ ਸਿਖਾਉਣ ਵਾਲੀ ਹੀਰੋਇਨ ਅਨੂੰ ਅਗਰਵਾਲ ਪਿਛਲੇ ਕਈ ਸਾਲਾਂ ਤੋਂ ਵੱਡੇ ਪਰਦੇ ਤੋਂ ਦੂਰ ਹੈ । ਇਸ ਅਦਾਕਾਰਾ ਦਾ ਲੁੱਕ ਬਿਲਕੁਲ ਬਦਲ ਚੁੱਕਿਆ ਹੈ । 1996 ਵਿੱਚ ਇਸ ਦੀ ਆਖਰੀ ਫ਼ਿਲਮ ਆਈ ਸੀ । ਅਨੂੰ ਨੇ ਆਪਣੇ 7 ਸਾਲਾਂ ਦੇ ਕਰੀਅਰ ਵਿੱਚ ਸਾਊਥ ਦੀਆਂ ਫ਼ਿਲਮਾਂ ਵਿੱਚ ਵੀ ਆਪਣੀ ਕਿਸਮਤ ਅਜ਼ਮਾਈ ਸੀ । ਇਹੀ ਨਹੀਂ ਉਹ ਟੀਵੀ ਤੇ ਵੀ ਕੰਮ ਕਰ ਚੁੱਕੀ ਹੈ ।

https://twitter.com/anusualauthor/status/1270963085889560576

ਹਾਲ ਹੀ ਵਿੱਚ ਅਨੂੰ ਨੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ ਜਿਸ ਵਿੱਚ ਉਸ ਨੇ ਆਪਣੀ ਜ਼ਿੰਦਗੀ ਦੇ ਦਰਦ ਤੇ ਤਜ਼ਰਬੇ ਦਾ ਬਿਊਰਾ ਦਿੱਤਾ ਹੈ । ਅਨੂੰ ਅਗਰਵਾਲ ਵੀਡੀਓ ਵਿੱਚ ਕਹਿ ਰਹੀ ਹੈ ਕਿ ਉਸ ਨੂੰ ਦੇਸ਼ ਦੀ ਪਹਿਲੀ ਸੁਪਰ ਮਾਡਲ ਹੋਣ ਦਾ ਤਗਮਾ ਹਾਸਲ ਹੈ । ਉਹ ਕਹਿੰਦੀ ਹੈ ਕਿ ਉਸ ਦੌਰ ਵਿੱਚ ਡਿਜੀਟਲ ਮੀਡੀਆ ਏਨਾਂ ਪ੍ਰਚਲਿਤ ਨਹੀਂ ਸੀ ।

ਜੇਕਰ ਇਹ ਸਭ ਹੁੰਦਾ ਤਾਂ ਅੱਜ ਸਭ ਨੂੰ ਪਤਾ ਹੁੰਦਾ ਕਿ ਉਹ ਸੁਪਰ ਮਾਡਲ ਸੀ । ਨੀਲੀ ਜੀਨਸ ਵਿੱਚ ਆਈ ਮੇਰੀ ਫੋਟੋ ਸਭ ਦੇ ਜ਼ਿਹਨ ਵਿੱਚ ਸੀ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ 1999 ਵਿੱਚ ਅਨੂੰ ਦਾ ਬਹੁਤ ਹੀ ਭਿਆਨਕ ਐਕਸੀਡੈਂਟ ਹੋਇਆ ਸੀ । ਇਸ ਹਾਦਸੇ ਵਿੱਚ ਉਹਨਾਂ ਦੀ ਯਾਦਦਾਸ਼ਤ ਚਲੀ ਗਈ ਸੀ । ਇੱਥੋਂ ਤੱਕ ਕਿ ਉਹ 29 ਦਿਨ ਕੋਮਾ ਵਿੱਚ ਵੀ ਰਹੀ ਸੀ ।