ਜੱਸੀ ਗਿੱਲ ਦੀ 2012 ਦੀ ਇਸ ਤਸਵੀਰ ਪਿੱਛੇ ਹੈ ਦਿਲਚਸਪ ਕਹਾਣੀ,ਅਰਵਿੰਦਰ ਖਹਿਰਾ ਨੇ ਸਾਂਝਾ ਕੀਤਾ ਕਿੱਸਾ
ਪੰਜਾਬ ਦੇ ਨਾਮੀ ਵੀਡੀਓ ਡਾਇਰੈਕਟਰ ਅਰਵਿੰਦਰ ਖਹਿਰਾ ਨੇ ਆਪਣੇ ਸ਼ੋਸ਼ਲ ਮੀਡੀਆ ਅਕਾਊਂਟ 'ਤੇ ਇੱਕ ਤਸਵੀਰ ਸਾਂਝੀ ਕੀਤੀ ਹੈ ਜਿਸ 'ਚ ਗਾਇਕ ਜੱਸੀ ਗਿੱਲ ਨਜ਼ਰ ਆ ਰਹੇ ਹਨ। ਇਸ ਪੁਰਾਣੀ ਤਸਵੀਰ 'ਚ ਜੱਸੀ ਗਿੱਲ ਮੋਟਰਸਾਈਕਲ 'ਤੇ ਬੈਠੇ ਹਨ ਅਤੇ ਉਹਨਾਂ ਦੇ ਅੱਗੇ ਲੱਕੜ ਦੇ ਸਟੈਂਡ 'ਤੇ ਕੈਮਰੇ ਲੱਗਿਆ ਹੋਇਆ ਹੈ। ਦੇਖਣ 'ਚ ਤਾਂ ਇਹ ਕੋਈ ਦੇਸੀ ਜੁਗਾੜ ਲੱਗ ਰਿਹਾ ਹੈ ਅਤੇ ਇਸ ਪਿੱਛੇ ਦੀ ਕਹਾਣੀ ਵੀ ਅਜਿਹੀ ਹੀ ਹੈ। ਜੀ ਹਾਂ ਇਹ ਤਸਵੀਰ ਜੱਸੀ ਦੇ 2012 'ਚ ਆਏ ਗੀਤ ਵਿਗੜੇ ਸ਼ਰਾਬੀ ਦੇ ਸ਼ੂਟ ਦੀ ਜਿਸ ਨੂੰ ਅਰਵਿੰਦਰ ਖਹਿਰਾ ਤੇ ਨਵਜੀਤ ਬੁੱਟਰ ਦੇ ਨਿਰਦੇਸ਼ਨ 'ਚ ਫ਼ਿਲਮਾਇਆ ਗਿਆ ਸੀ।
ਅਰਵਿੰਦਰ ਖਹਿਰਾ ਨੇ ਇਸ ਤਸਵੀਰ ਨੂੰ ਸਾਂਝੀ ਕਰਦੇ ਹੋਏ ਲਿਖਿਆ ਹੈ "ਫੋਟੋ ਬਲਰ ਹੈ ਪਰ ਇਸ ਦੇ ਪਿੱਛੇ ਦੀ ਕਹਾਣੀ ਕਾਫੀ ਦਿਲਚਸਪ ਹੈ, ਇਹ ਤਸਵੀਰ ਜੱਸੀ ਗਿੱਲ ਦੇ ਵਿਗੜੇ ਸ਼ਰਾਬੀ(2012) ਗਾਣੇ ਦੀ ਹੈ। ਤੁਸੀਂ ਸੋਚ ਰਹੇ ਹੋਵੋਂਗੇ ਕਿ ਇਹ ਹੈ ਕੀ ? ਅਸਲ 'ਚ ਇਹ ਸਨੇਰਿਓਕੈਮ ਹੈ ਜਿਸ ਨੂੰ ਵੀਡੀਓ 'ਚ ਇੱਕ ਸਪੈਸ਼ਲ ਇਫੈਕਟ ਲਈ ਵਰਤਿਆ ਜਾਂਦਾ ਹੈ। ਜਿਸ 'ਚ ਵਿਸ਼ਾ ਨਹੀਂ ਹਿੱਲਦਾ ਪਰ ਬੈਕਗਰਾਊਂਡ ਹਿੱਲਦਾ ਹੈ। ਇਸ ਅਨੋਖੇ ਇਫੈਕਟ ਲਈ ਪੂਰੇ ਉੱਤਰ ਭਾਰਤ 'ਚ ਉਸ ਸਮੇਂ ਕਿਸੇ ਕੋਲ ਵੀ ਸਨੇਰਿਓਕੈਮ ਨਹੀਂ ਸੀ। ਇਸ ਲਈ ਅਸੀਂ ਇਸ ਨੂੰ ਆਪਣੀ ਵਰਕਸ਼ਾਪ 'ਚ ਖ਼ੁਦ ਤਿਆਰ ਕੀਤਾ। ਇਸ ਲਈ ਅਸੀਂ ਆਪਣਾ ਕੈਮਰਾ ਵਰਤਿਆ,ਕਿਉਂਕਿ ਕੈਮਰਾ ਦੀ ਟੀਮ ਨੇ ਇਸ ਸਟੈਂਡ 'ਤੇ ਆਪਣੇ ਕੈਮਰੇ ਨੂੰ ਖ਼ਤਰੇ 'ਚ ਪਾਉਣਾ ਸਹੀ ਨਹੀਂ ਸਮਝਿਆ। ਉਸ ਸਮੇਂ ਬਹੁਤਾ ਬਜਟ ਨਹੀਂ ਸੀ 'ਤੇ ਅੱਜ ਜ਼ਿਆਦਾ ਸਮਾਂ ਨਹੀਂ ਹੈ। ਮੈਂ ਉਸ ਸਮੇਂ ਕਾਲਜ 'ਚ ਹੁੰਦਾ ਸੀ।"
View this post on Instagram
ਅਰਵਿੰਦਰ ਖਹਿਰਾ ਦਾ ਇਹ ਕਿੱਸਾ ਉਹਨਾਂ ਦੀ ਮਿਹਨਤ ਨੂੰ ਦਰਸਾਉਂਦਾ ਹੈ। ਪੰਜਾਬੀ ਇੰਡਸਟਰੀ 'ਚ ਤਾਂ ਅਰਵਿੰਦਰ ਖਹਿਰਾ ਨੇ ਨਾਮ ਬਣਾਇਆ ਹੀ ਹੈ ਨਾਲ ਹੀ ਉਹ ਬਾਲੀਵੁੱਡ 'ਚ ਵੀ ਡੈਬਿਊ ਕਰ ਚੁੱਕੇ ਹਨ। ਅਰਵਿੰਦਰ ਖਹਿਰਾ ਨੇ ਫ਼ਿਲਮ ਖ਼ਾਨਦਾਨੀ ਸ਼ਫਾਖ਼ਾਨਾ ਦਾ ਇੱਕ ਗਾਣਾ ਡਾਇਰੈਕਟ ਕੀਤਾ ਹੈ । ਸ਼ਹਿਰ ਕੀ ਲੜਕੀ ਟਾਈਟਲ ਹੇਠ ਇਸ ਗਾਣੇ ਨੂੰ ਬਾਦਸ਼ਾਹ, ਤੁਲਸੀ ਕੁਮਾਰ, ਅਭਿਜੀਤ ਤੇ ਚੰਦਰ ਦੀਕਸ਼ਿਤ ਨੇ ਗਾਇਆ ਹੈ ।