ਪੀਟੀਸੀ ਰਿਕਾਰਡਸ ਦੀ ਪੇਸ਼ਕਸ਼ ਜੁਲਸ ਕੌਰ ਦੀ ਆਵਾਜ਼ 'ਚ ਨਵਾਂ ਗੀਤ 'ਬਰਸਾਤ' ਰਿਲੀਜ਼ ਹੋ ਚੁੱਕਿਆ ਹੈ । ਇਹ ਗੀਤ ਇੱਕ ਰੋਮਾਂਟਿਕ ਸੈਡ ਗੀਤ ਹੈ ਜਿਸ ਦੀ ਡਾਇਰੈਕਸ਼ਨ ਕੇਪੀ ਸਿੰਘ ਨੇ ਕੀਤੀ ਹੈ ਜਦਕਿ ਬੋਲ ਲਿਖੇ ਨੇ ਵੀਨ ਰਾਂਝਾ ਨੇ । ਫੀਚਰਿੰਗ 'ਚ ਸੰਦੀਪ ਬੇਦੀ ਅਤੇ ਸੋਨੀਆ ਸਿੰਘ ਨਜ਼ਰ ਆ ਰਹੇ ਨੇ ।ਗੀਤ ਦਾ ਵੀਡੀਓ ਵੀ ਸੰਦੀਪ ਬੇਦੀ ਵੱਲੋਂ ਤਿਆਰ ਕੀਤਾ ਗਿਆ ਹੈ ।
ਜਦਕਿ ਕੇਪੀ ਸਿੰਘ ਨੇ ਇਸ ਗੀਤ ਨੂੰ ਮਿਊਜ਼ਿਕ ਦੇ ਨਾਲ ਸ਼ਿੰਗਾਰਿਆ ਹੈ । ਦੋ ਪਿਆਰ ਕਰਨ ਵਾਲਿਆਂ ਦੀ ਕਹਾਣੀ ਨੂੰ ਇਸ ਗੀਤ 'ਚ ਬਿਆਨ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ । ਪਰ ਪਿਆਰ ਦੇ ਇਸ ਰਿਸ਼ਤੇ 'ਚ ਖਟਾਸ ਆ ਜਾਂਦੀ ਹੈ ਅਤੇ ਕੁਝ ਗਲਤ ਫਹਿਮੀਆਂ ਕਾਰਨ ਇਹ ਰਿਸ਼ਤੇ ਟੁੱਟ ਜਾਂਦਾ ਹੈ ।
ਜਿਸ ਤੋਂ ਬਾਅਦ ਪ੍ਰੇਮਿਕਾ ਕੋਲ ਸਿਵਾਏ ਪਛਤਾਵੇ ਦੇ ਕੁਝ ਵੀ ਨਹੀਂ ਰਹਿ ਜਾਂਦਾ । ਪਰ ਪਿਆਰ ਸੱਚਾ ਹੋਵੇ ਤਾਂ ਵਾਪਸ ਜ਼ਰੂਰ ਆਉਂਦਾ ਹੈ । ਆਖਿਰਕਾਰ ਪ੍ਰੇਮੀ ਨੂੰ ਆਪਣੀ ਗਲਤੀ ਦਾ ਅਹਿਸਾਸ ਹੁੰਦਾ ਹੈ ਉਹ ਮੁੜ ਆਪਣੀ ਗਲਤ ਨੂੰ ਸੁਧਾਰਦਾ ਹੈ ।