ਲਾਕਡਾਊਨ ਦੌਰਾਨ ਭੂਮੀ ਪੇਡਨੇਕਰ ਕਰ ਰਹੀ ਮਾਂ ਨਾਲ ਖੇਤੀ, ਤਸਵੀਰਾਂ ਸਾਂਝੀਆਂ ਕਰਕੇ ਦੱਸਿਆ ਦਿਲ ਦਾ ਹਾਲ

ਲਾਕਡਾਊਨ ਦੌਰਾਨ ਬਹੁਤ ਸਾਰੇ ਫ਼ਿਲਮੀ ਸਿਤਾਰੇ ਆਪਣੇ ਘਰ ਵਿੱਚ ਕੰਮ ਕਰਕੇ ਸਮਾਂ ਗੁਜ਼ਾਰ ਰਹੇ ਹਨ । ਕੋਈ ਕਿਤਾਬ ਪੜ੍ਹ ਰਿਹਾ ਹੈ ਤੇ ਕੋਈ ਕੁਕਿੰਗ ਕਰ ਰਿਹਾ ਹੈ ਤੋ ਕੋਈ ਨਵੀਆਂ ਚੀਜਾਂ ਸਿੱਖਣ ਵਿੱਚ ਸਮਾਂ ਗੁਜ਼ਾਰ ਰਿਹਾ ਹੈ । ਅਜਿਹੀ ਹੀ ਇੱਕ ਅਦਾਕਾਰਾ ਹੈ ਭੂਮੀ ਪੇਡਨੇਕਰ ਜਿਹੜੀ ਕਿ ਏਨੀਂ ਦਿਨੀਂ ਆਪਣੀ ਮਾਂ ਸੁਮਿੱਤਰਾ ਨਾਲ ਹਾਈਡ੍ਰੋਪਨਿਕਸ ਖੇਤੀ ਦਾ ਵਿਗਿਆਨ ਸਿੱਖ ਰਹੀ ਹੈ ।

https://www.instagram.com/p/B-1KgNKpcyj/

ਭੂਮੀ ਦੀ ਮਾਂ ਨੇ ਦੱਸਿਆ ਕਿ ਉਹ ਤੇ ਉਸ ਦੀ ਬੇਟੀ ਹਮੇਸ਼ਾ ਇੱਕ ਗਾਰਡਨ ਬਨਾਉਣਾ ਚਾਹੁੰਦੇ ਸੀ । ਹੁਣ ਲੱਗ ਰਿਹਾ ਹੈ ਕਿ ਦੋਹਾਂ ਦਾ ਸੁਫ਼ਨਾ ਪੂਰਾ ਹੋ ਰਿਹਾ ਹੈ । ਭੂਮੀ ਇਸ ਗਾਰਡਨ ਨੂੰ ਬਨਾਉਣ ਲਈ ਪੂਰਾ ਸਮਾਂ ਦੇ ਰਹੀ ਹੈ । ਇਸ ਬਾਰੇ ਭੂਮੀ ਨੇ ਵੀ ਇਸ ਬਾਰੇ ਆਪਣਾ ਐਕਸਪੀਰੀਅੰਸ ਸ਼ੇਅਰ ਕੀਤਾ ਹੈ । ਉਹਨਾਂ ਨੇ ਦੱਸਿਆ ਕਿ ‘ਮੈਂ ਅਤੇ ਮੇਰੀ ਮਾਂ ਹਮੇਸ਼ਾ ਆਪਣਾ ਹਾਈਡ੍ਰੋਪੋਨਿਕਸ ਗਾਰਡਨ ਚਾਹੁੰਦੇ ਸੀ, ਜਿੱਥੇ ਅਸੀਂ ਆਪਣੀਆਂ ਸਬਜ਼ੀਆਂ ਉਗਾ ਸਕੀਏ, ਤੇ ਖੁਦ ਦੀਆਂ ਉਗਾਈਆਂ ਹੋਈਆਂ ਚੀਜਾਂ ਦਾ ਲੁਤਫ ਉਠਾ ਸਕੀਏ ।

ਹੁਣ ਇਹ ਸਭ ਕੁਝ ਸ਼ੁਰੂ ਕਰਕੇ ਬਹੁਤ ਖੁਸ਼ੀ ਹੁੰਦੀ ਹੈ’ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਇਹ ਬਾਗਵਾਨੀ ਇਸ ਤਰ੍ਹਾਂ ਦੀ ਹੁੰਦੀ ਹੈ ਜਿਸ ਵਿੱਚ ਮਿੱਟੀ ਦੀ ਵਰਤਂੋ ਬਿਲਕੁਲ ਨਹੀਂ ਹੁੰਦੀ । ਇਸ ਨਾਲ ਪ੍ਰਦੂਸ਼ਣ ਬਹੁਤ ਘੱਟ ਹੁੰਦਾ ਹੈ ਤੇ ਕੀੜੇ ਮਾਰ ਦਵਾਈਆਂ ਦੀ ਵਰਤਂੋ ਵੀ ਨਹੀਂ ਹੁੰਦੀ । ਇਸ ਖੇਤੀ ਨੂੰ ਸੂਰਜ ਦੀ ਕੁਝ ਰੋਸ਼ਨੀ ਤੇ ਥੋੜੇ ਜਿਹੇ ਪਾਣੀ ਤੇ ਪੋਸ਼ਕ ਤੱਤਾਂ ਦੀ ਜ਼ਰੂਰਤ ਹੁੰਦੀ ਹੈ ।