ਦੂਜੀ ਕਲਾਸ ਵਿੱਚ ਪੜ੍ਹਨ ਵਾਲੇ ਇਸ ਬੱਚੇ ਨੇ ਗਿੰਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਵਿੱਚ ਦਰਜ ਕਰਵਾਇਆ ਨਾਂਅ, ਇਸ ਮਾਮਲੇ ’ਚ ਵੱਡੇ-ਵੱਡੇ ਲੋਕਾਂ ਨੂੰ ਦਿੰਦਾ ਹੈ ਮਾਤ

ਭਾਰਤ ਵਿੱਚ ਇੱਕ 6 ਸਾਲਾ ਵਿਦਿਆਰਥੀ ਨੇ ਆਪਣੇ ਕਾਰਨਾਮੇ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਅਹਿਮਦਾਬਾਦ ਦਾ ਰਹਿਣ ਵਾਲਾ ਅਰਹਮ ਓਮ ਤਲਸਾਨੀਆ ਸਭ ਤੋਂ ਘੱਟ ਉਮਰ ਵਾਲਾ ਕੰਪਿਊਟਰ ਪ੍ਰੋਗਰਾਮਰ ਬਣ ਗਿਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਅਰਹਮ ਕਲਾਸ 2 ਦਾ ਵਿਦਿਆਰਥੀ ਹੈ। ਛੋਟੀ ਉਮਰ ਵਿੱਚ ਉਸ ਦੇ ਵੱਡੇ ਕਾਰਨਾਮੇ ਕਰਕੇ ਉਸ ਦਾ ਨਾਮ ਗਿੰਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਵਿੱਚ ਦਰਜ ਹੋਇਆ ਹੈ।

ਹੋਰ ਪੜ੍ਹੋ :

• ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਅਲਸੀ ਦੇ ਬੀਜ਼, ਕਈ ਬਿਮਾਰੀਆਂ ਨੂੰ ਰੱਖਦੇ ਹਨ ਦੂਰ
• ਜੀਰਾ ਸਿਰਫ਼ ਖਾਣੇ ਦਾ ਸਵਾਦ ਹੀ ਨਹੀਂ ਵਧਾਉਂਦਾ ਇਸ ‘ਚ ਹਨ ਕਈ ਔਸ਼ਧੀ ਗੁਣ

ਤਲਸਾਨੀਆ ਦੇ ਪਿਤਾ ਖੁਦ ਇਕ ਸਾੱਫਟਵੇਅਰ ਇੰਜੀਨੀਅਰ ਹਨ। ਨਿਊਜ਼ ਏਜੰਸੀ ਏ.ਐੱਨ.ਆਈ ਨਾਲ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਬੇਟੇ ਨੇ ਕੋਡਿੰਗ ਵਿਚ ਦਿਲਚਸਪੀ ਪੈਦਾ ਕੀਤੀ ਸੀ। ਮੈਂ ਉਸਨੂੰ ਪ੍ਰੋਗਰਾਮਿੰਗ ਦੀਆਂ ਮੁਢਲੀਆਂ ਗੱਲਾਂ ਸਿਖਾਈਆਂ। ਹੁਣ ਅਰਹਮ ਨੇ ਮਾਈਕ੍ਰੋਸਾਫਟ ਦੁਆਰਾ ਆਯੋਜਿਤ ਪਾਈਥਨ ਪ੍ਰੋਗਰਾਮਿੰਗ ਭਾਸ਼ਾ ਪਾਸ ਕੀਤੀ ਹੈ। ਦੱਸ ਦੇਈਏ ਕਿ ਇਹ ਪ੍ਰੀਖਿਆ ਮਾਈਕਰੋਸਾਫਟ ਦੁਆਰਾ ਪੀਅਰਸਨ ਵਿਊ ਟੈਸਟ ਸੈਂਟਰ ਵਿਖੇ ਹੋਈ ਸੀ।

ਅਰਹਮ ਨੇ ਪਾਕਿਸਤਾਨੀ ਮੂਲ ਦਾ ਸੱਤ ਸਾਲਾ ਬ੍ਰਿਟਿਸ਼ ਲੜਕਾ ਮੁਹੰਮਦ ਹਮਜ਼ਾ ਸ਼ਹਿਜ਼ਾਦ ਦਾ ਗਿੰਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਵੀ ਤੋੜ ਦਿੱਤਾ ਹੈ। ਤਲਸਾਨੀਆ ਇੱਕ ਕਾਰੋਬਾਰੀ ਉੱਦਮੀ ਬਣ ਕੇ ਸਭ ਦੀ ਸਹਾਇਤਾ ਕਰਨਾ ਚਾਹੁੰਦਾ ਹੈ।

ਉਨ੍ਹਾਂ ਕਿਹਾ ਕਿ ਮੈਂ ਇੱਕ ਕਾਰੋਬਾਰੀ ਉੱਦਮੀ ਬਣਨਾ ਚਾਹੁੰਦਾ ਹਾਂ। ਮੈਂ ਹਰ ਕਿਸੇ ਦੀ ਮਦਦ ਕਰਨਾ ਚਾਹੁੰਦਾ ਹਾਂ। ਮੈਂ ਕੋਡਿੰਗ ਲਈ ਐਪਸ, ਗੇਮਜ਼ ਅਤੇ ਸਿਸਟਮ ਬਣਾਉਣਾ ਚਾਹੁੰਦਾ ਹਾਂ। ਮੈਂ ਜ਼ਰੂਰਤਮੰਦਾਂ ਦੀ ਮਦਦ ਵੀ ਕਰਨਾ ਚਾਹੁੰਦਾ ਹਾਂ।

https://twitter.com/ANI/status/1325921540681031681