ਕ੍ਰਿਕੇਟਰ ਦੀਪਕ ਚਾਹਰ ਦਾ ਹੋਇਆ ਵਿਆਹ, ਜਯਾ ਭਾਰਦਵਾਜ ਨਾਲ ਲਏ ਸੱਤ ਫੇਰੇ, ਦੇਖੋ ਤਸਵੀਰਾਂ

written by Lajwinder kaur | June 02, 2022

ਭਾਰਤੀ ਕ੍ਰਿਕਟ ਟੀਮ ਦੇ ਤੇਜ਼ ਗੇਂਦਬਾਜ਼ ਦੀਪਕ ਚਾਹਰ ਜੋ ਕਿ ਵਿਆਹ ਦੇ ਬੰਧਨ 'ਚ ਬੱਝ ਗਏ ਹਨ। ਸੋਸ਼ਲ ਮੀਡੀਆ ਉੱਤੇ ਦੀਪਕ ਚਾਹਰ ਦੇ ਵਿਆਹ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਲੰਬੇ ਰਿਸ਼ਤੇ ਤੋਂ ਬਾਅਦ, ਉਨ੍ਹਾਂ ਨੇ ਆਪਣੀ ਪ੍ਰੇਮਿਕਾ ਜਯਾ ਭਾਰਦਵਾਜ ਨਾਲ ਵਿਆਹ ਕਰਵਾ ਲਿਆ ਹੈ। ਬੁੱਧਵਾਰ ਸ਼ਾਮ ਨੂੰ ਆਗਰਾ ਵਿੱਚ ਇੱਕ ਪਰਿਵਾਰਕ ਸਮਾਗਮ ਵਿੱਚ ਦੋਵਾਂ ਨੇ ਸੱਚ ਫੇਰ ਲਏ।

ਹੋਰ ਪੜ੍ਹੋ : Saunkan Saunkne Success Party: ਐਮੀ ਵਿਰਕ ਦੀ ਦਿੱਤੀ ਪਾਰਟੀ ‘ਚ ਸ਼ਾਮਿਲ ਹੋਏ ਕਈ ਨਾਮੀ ਕਲਾਕਾਰ

Image Source: Instagram

ਲਾੜਾ ਬਣਿਆ ਦੀਪਕ ਚਾਹਰ ਘੋੜੀ 'ਤੇ ਬੈਠ ਕੇ ਬੈਂਡ-ਵਾਜੇ ਨਾਲ ਬਰਾਤ ਲੈ ਕੇ ਹੋਟਲ ਪਹੁੰਚੇ ਸਨ। ਦੀਪਕ ਨੇ ਚਿੱਟੇ ਰੰਗ ਦੀ ਸ਼ੇਰਵਾਨੀ ਅਤੇ ਪਗੜੀ ਪਾਈ ਹੋਈ ਸੀ। ਦੀਪਕ ਦੇ ਚਚੇਰੇ ਭਰਾ ਲੈੱਗ ਸਪਿਨਰ ਰਾਹੁਲ ਚਾਹਰ ਅਤੇ ਭੈਣ ਮਾਲਤੀ ਚਾਹਰ ਨੇ ਬੈਂਡ-ਬਾਜਾ ਦੀ ਧੁਨ 'ਤੇ ਖੂਬ ਨੱਜਦੇ ਹੋਏ ਨਜ਼ਰ ਆਏ। ਮੀਡੀਆ ਰਿਪੋਰਟਾਂ ਮੁਤਾਬਕ ਵਿਆਹ ਦੀਆਂ ਰਸਮਾਂ ਰਾਤ 10 ਵਜੇ ਸ਼ੁਰੂ ਹੋਈਆਂ ਸਨ। ਦੂਜੇ ਪਾਸੇ ਦੁਲਹਨ ਜਯਾ ਭਾਰਦਵਾਜ ਵੀ ਕਾਫੀ ਖ਼ੂਬਸੂਰਤ ਲੱਗ ਰਹੀ ਸੀ। ਦੱਸ ਦਈਏ ਦੋਵਾਂ ਨੇ ਮਨੀਸ਼ ਮਲਹੋਤਰਾ ਵੱਲੋਂ ਡਿਜ਼ਾਈਨ ਕੀਤੇ ਆਊਟਫਿੱਟ ਪਾਏ ਹੋਏ ਸਨ।

Cricketer Deepak Chahar ties knot with his lady love Jaya Bhardwaj Image Source: Instagram

ਦੀਪਕ ਚਾਹਰ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਆਪਣੇ ਵਿਆਹ ਦੀ ਤਸਵੀਰ ਸਾਂਝੀ ਕਰਦੇ ਹੋਏ ਬਹੁਤ ਹੀ ਪਿਆਰੀ ਜਿਹੀ ਕੈਪਸ਼ਨ ਦੇ ਨਾਲ ਆਪਣੀ ਪਤਨੀ ਦੇ ਲਈ ਪਿਆਰ ਜ਼ਾਹਿਰ ਕੀਤਾ ਹੈ। ਇਸ ਪੋਸਟ ਉੱਤੇ ਪ੍ਰਸ਼ੰਸਕ ਕਮੈਂਟ ਕਰਕੇ ਜੋੜੀ ਨੂੰ ਵਿਆਹ ਦੀਆਂ ਵਧਾਈਆਂ ਦੇ ਰਹੇ ਹਨ।

Cricketer Deepak Chahar ties knot with his lady love Jaya Bhardwaj Image Source: Instagram

ਦੱਸ ਦੇਈਏ ਕਿ ਜਯਾ ਟੀਵੀ ਸਟਾਰ ਸਿਧਾਰਥ ਭਾਰਦਵਾਜ ਦੀ ਭੈਣ ਹੈ। ਦੀਪਕ ਅਤੇ ਜਯਾ ਦੀ ਮੁਲਾਕਾਤ ਕਰੀਬ ਇੱਕ ਸਾਲ ਪਹਿਲਾਂ ਮੁੰਬਈ ਵਿੱਚ ਇੱਕ ਦੋਸਤ ਦੇ ਜ਼ਰੀਏ ਹੋਈ ਸੀ। ਜਿਸ ਤੋਂ ਬਾਅਦ ਦੋਹਾਂ ਵਿਚਾਲੇ ਦੋਸਤੀ ਹੋ ਗਈ ਜੋ ਬਾਅਦ 'ਚ ਪਿਆਰ 'ਚ ਬਦਲ ਗਈ।

ਹੋਰ ਪੜ੍ਹੋ : ਸ਼ੇਰ ਬੱਗਾ ਫ਼ਿਲਮ ਦਾ ਪਹਿਲਾ ਗੀਤ ‘RAJA JATT’ ਦਾ ਪੋਸਟਰ ਹੋਇਆ ਰਿਲੀਜ਼, ਦੇਖਣ ਨੂੰ ਮਿਲ ਰਹੀ ਹੈ ਸੋਨਮ ਬਾਜਵਾ ਤੇ ਐਮੀ ਵਿਰਕ ਦੀ ਰੋਮਾਂਟਿਕ ਕਮਿਸਟਰੀ

You may also like