ਕੀ ਸੱਚਮੁੱਚ ਸ਼ਾਹਰੁਖ ਖ਼ਾਨ ਦੇ ਘਰ 'ਮੰਨਤ' 'ਚ ਹੀਰੇ ਦੀ ਨੇਮ ਪਲੇਟ ਹੈ? ਗੌਰੀ ਨੇ ਸੱਚ ਦੱਸਿਆ

Gauri Khan clarifies: ਅਮਿਤਾਭ ਬੱਚਨ ਦੇ ਬੰਗਲੇ ਤੋਂ ਬਾਅਦ ਜਿਸ ਐਕਟਰ ਦੇ ਬੰਗਲੇ ਨੂੰ ਲੈਂਡਮਾਰਕ ਮੰਨਿਆ ਜਾਂਦਾ ਹੈ, ਉਹ ਹੈ ਸ਼ਾਹਰੁਖ ਖ਼ਾਨ ਦਾ 'ਮੰਨਤ'। 'ਮੰਨਤ' ਨੂੰ ਦੇਖਣ ਲਈ ਦੂਰ-ਦੂਰ ਤੋਂ ਪ੍ਰਸ਼ੰਸਕ ਆਉਂਦੇ ਹਨ। ਪਿਛਲੇ ਕੁਝ ਸਮੇਂ ਤੋਂ 'ਮੰਨਤ' ਦੀ ਨੇਮ ਪਲੇਟ ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਹੈ। ਨੇਮ ਪਲੇਟ ਕਈ ਦਿਨਾਂ ਤੋਂ ਗਾਇਬ ਸੀ, ਜਿਸ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਨੇਮ ਪਲੇਟ ਮੁਰੰਮਤ ਲਈ ਭੇਜੀ ਗਈ ਸੀ। ਹੁਣ ਜਦੋਂ 'ਮੰਨਤ' ਦੇ ਬਾਹਰ ਨਵੀਂ ਨੇਮ ਪਲੇਟ ਲਗਾਈ ਗਈ ਤਾਂ ਪ੍ਰਸ਼ੰਸਕ ਉਸ ਦੇ ਸਾਹਮਣੇ ਤਸਵੀਰਾਂ ਕਲਿੱਕ ਕਰਨ ਚਲੇ ਗਏ ਪਰ ਇਸ ਵਾਰ ਇਕ ਖਾਸ ਗੱਲ ਦੇਖਣ ਨੂੰ ਮਿਲੀ।

ਹੋਰ ਪੜ੍ਹੋ: ਸ਼ਾਹਿਦ ਕਪੂਰ ਨੇ ਬੈੱਡਰੂਮ ਤੋਂ ਸ਼ੇਅਰ ਕੀਤਾ ਪਤਨੀ ਮੀਰਾ ਦਾ ਅਜਿਹਾ ਵੀਡੀਓ, ਜਾਣੋ ਕਿਉਂ ਮੀਰਾ ਨੇ ਸ਼ਾਹਿਦ ਨੂੰ ਕਿਹਾ- ‘ਜੀਨਸ ਪਹਿਨੋ’

Image Source : Instagram

ਦਰਅਸਲ, ਸ਼ਾਹਰੁਖ ਖ਼ਾਨ ਦੇ ਘਰ ਦੀ ਨਵੀਂ ਨੇਮ ਪਲੇਟ ਦੀ ਇੱਕ ਵੱਖਰੀ ਹੀ ਚਮਕ ਸੀ। ਕਿਹਾ ਜਾ ਰਿਹਾ ਸੀ ਕਿ ਨਵੀਂ ਨੇਮ ਪਲੇਟ ਨੂੰ ਸ਼ਾਹੀ ਦਿੱਖ ਦੇਣ ਲਈ ਹੀਰੇ ਜੜੇ ਗਏ ਹਨ। ਪਿਛਲੇ ਕੁਝ ਦਿਨਾਂ ਤੋਂ ਡਾਇਮੰਡ ਨੇਮ ਪਲੇਟ ਦੀਆਂ ਖਬਰਾਂ ਸੁਰਖੀਆਂ 'ਚ ਸਨ। ਹੁਣ ਸ਼ਾਹਰੁਖ ਖ਼ਾਨ ਦੀ ਪਤਨੀ ਅਤੇ ਇੰਟੀਰੀਅਰ ਡਿਜ਼ਾਈਨਰ ਗੌਰੀ ਖ਼ਾਨ ਨੇ ਇਸ 'ਤੇ ਤਸਵੀਰ ਸ਼ੇਅਰ ਕਰਕੇ ਸੱਚਾਈ ਦੱਸ ਦਿੱਤੀ ਹੈ।

Image Source : Instagram

ਗੌਰੀ ਨੇਮ ਪਲੇਟ ਦੇ ਸਾਹਮਣੇ ਖੜੀ ਹੈ। ਉਸ ਨੇ ਸਫੈਦ ਟਾਪ, ਨੀਲਾ ਬਲੇਜ਼ਰ ਅਤੇ ਡੈਨਿਮ ਪਾਇਆ ਹੋਇਆ ਹੈ। ਇਸ ਦੇ ਨਾਲ ਉਨ੍ਹਾਂ ਨੇ ਕੈਪਸ਼ਨ 'ਚ ਲਿਖਿਆ, 'ਤੁਹਾਡੇ ਘਰ ਦਾ ਮੁੱਖ ਦਰਵਾਜ਼ਾ ਤੁਹਾਡੇ ਪਰਿਵਾਰ ਅਤੇ ਦੋਸਤਾਂ ਦੀ ਐਂਟਰੀ ਪੁਆਇੰਟ ਹੈ, ਇਸ ਲਈ ਨੇਮ ਪਲੇਟ ਸਕਾਰਾਤਮਕ ਊਰਜਾ ਨੂੰ ਆਕਰਸ਼ਿਤ ਕਰਦੀ ਹੈ। ਅਸੀਂ ਕੱਚ ਦੇ ਕ੍ਰਿਸਟਲ ਨਾਲ ਇੱਕ ਪਾਰਦਰਸ਼ੀ ਸਮੱਗਰੀ ਚੁਣੀ ਹੈ ਜੋ ਸਕਾਰਾਤਮਕ, ਉਤਸ਼ਾਹੀ ਊਰਜਾ ਅਤੇ ਸ਼ਾਂਤ ਵਾਈਬਸ ਪੈਦਾ ਕਰਦੀ ਹੈ। , ਉਨ੍ਹਾਂ ਦੇ ਇਸ ਹੈਸ਼ਟੈਗ ਨੂੰ ਦੇਖ ਕੇ ਪਤਾ ਲੱਗਦਾ ਹੈ ਕਿ ਗੌਰੀ ਨੇ ਖੁਦ ਇਸ ਨੂੰ ਡਿਜ਼ਾਈਨ ਕੀਤਾ ਹੈ। ਇਸ ਤਸਵੀਰ ਉੱਤੇ ਪ੍ਰਸ਼ੰਸਕ ਖੂਬ ਪਿਆਰ ਲੁੱਟਾ ਰਹੇ ਹਨ।

Image Source : Instagram

 

View this post on Instagram

 

A post shared by Gauri Khan (@gaurikhan)