ਗਾਣੇ ਨੂੰ ਲੈ ਕੇ ਮਹਿਲਾ ਕਮਿਸ਼ਨ ਵੱਲੋਂ ਜਾਰੀ ਨੋਟਿਸ ’ਤੇ ਹਰਜੀਤ ਹਰਮਨ ਨੇ ਰੱਖਿਆ ਆਪਣਾ ਪੱਖ
ਗਾਇਕ Karan Aujla ਤੇ ਹਰਜੀਤ ਹਰਮਨ (Harjit Harman) ਆਪਣੇ ਨਵੇਂ ਗੀਤ ਸ਼ਰਾਬ ਕਰਕੇ ਵਿਵਾਦਾਂ ਵਿੱਚ ਆ ਗਏ ਹਨ । Karan Aujla ਵੱਲੋਂ ਲਿਖੇ ਇਸ ਗੀਤ ਨੂੰ ਲੈ ਕੇ ਦੋਹਾਂ ਗਾਇਕਾਂ ਨੂੰ ਮਹਿਲਾ ਕਮਿਸ਼ਨ (Punjab State Women Commission) ਵੱਲੋਂ ਨੋਟਿਸ ਜਾਰੀ ਕੀਤੀ ਗਈ ਹੈ । ਇਸ ਨੋਟਿਸ ਵਿੱਚ ਗਾਇਕਾਂ ਤੇ ਇਲਜਾਮ ਲਗਾਇਆ ਗਿਆ ਇਸ ਗੀਤ ਰਾਹੀਂ ਗਾਇਕਾਂ ਨੇ ਔਰਤਾਂ ਦੀ ਛਵੀ ਨੂੰ ਠੇਸ ਪਹੁੰਚਾਈ ਹੈ । ਇਸ ਮੁੱਦੇ ਨੂੰ ਵੱਧਦਾ ਦੇਖ ਗਾਇਕ ਹਰਜੀਤ ਹਰਮਨ ਨੇ ਆਪਣਾ ਪੱਖ ਰੱਖਿਆ ਹੈ । ਉਹਨਾਂ ਨੇ ਆਪਣੇ ਇੰਸਟਾਗਰਾਮ ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ ।
Pic Courtesy: Instagram
ਹੋਰ ਪੜ੍ਹੋ :
ਇਸ ਕੁੜੀ ਨੇ ਰੈੱਡ ਲਾਈਟ ‘ਤੇ ਕੀਤਾ ਡਾਂਸ, ਹੁਣ ਗ੍ਰਹਿ ਮੰਤਰੀ ਨੇ ਦਿੱਤੇ ਜਾਂਚ ਦੇ ਆਦੇਸ਼, ਵੀਡੀਓ ਵਾਇਰਲ
Pic Courtesy: Instagram
ਇਸ ਪੋਸਟ ਵਿੱਚ ਉਹਨਾਂ ਨੇ ਲਿਖਿਆ ਹੈ 'ਸਤਿ ਸ਼੍ਰੀ ਆਕਾਲ ਦੋਸਤੋ ,ਪਿਛਲੇ ਦਿਨੀਂ ਕਰਨ ਔਜਲਾ ਦੇ ਗੀਤ ਚ ਮੇਰੀਆਂ ਗਾਈਆਂ ਚਾਰ ਲਾਈਨਾਂ ਵਿਵਾਦ ਬਣ ਗਈਆਂ ਜਦੋਂ ਕਿ ਕੋਈ ਵੀ ਲਾਈਨ ਜਾਂ ਸ਼ਬਦ ਨੂੰ ਤੁਸੀ ਖੁਦ ਸੁਣਕੇ ਨਿਰਣਾ ਕਰ ਸਕਦੇ ਹੋ ਕਿ ਇਸ ਵਿੱਚ ਕੁੱਛ ਵੀ ਇਤਰਾਜਯੋਗ ਹੋਵੇ । ਮੇਰੇ ਵੱਲੋਂ ਅੱਜ ਤੱਕ ਗਾਏ ਹਰ ਗੀਤ ਵਾਂਗ ਹੀ ਇਹ ਗੀਤ ਦੀਆਂ ਲਾਈਨਾਂ ਨੇ ਤੇ ਤੁਸੀਂ ਵੀ ਇਹ ਸੁਣਕੇ ਮੇਰੇ ਪਹਿਲੇ ਗੀਤਾਂ ਨਾਲ ਕੰਪੇਅਰ ਵੀ ਕਰ ਸਕਦੇ ਹੋ ।
Recently, Punjabi singer Karan Aujla, Harjeet Harman's song 'Sharab' has made misleading remarks about women. We have summoned Karan Aujla, Harjeet Harman and Speed Record Company for a private hearing on September 22.
...
ਮਹਿਲਾਵਾਂ ਬਾਰੇ ਅਜਿਹੇ ਸ਼ਬਦ ਸਵੀਕਾਰੇ ਨਹੀਂ ਜਾਣਗੇ। pic.twitter.com/C1H5fq4P9B
— Manisha Gulati (@ladyonrise) September 15, 2021
ਬਾਕੀ ਦੋਸਤੋ ਤੁਸੀਂ ਮੇਰੇ ਵੱਲੋਂ ਹਰ ਵਿਸ਼ੇ ਤੇ ਗਾਏ ਗੀਤ ਸੁਣੇ ਤੇ ਵੇਖੇ ਨੇ ਪਰ ਕਦੇ ਵੀ ਮੈਂ ਅਲੋਚਨਾ ਦਾ ਪਾਤਰ ਨੀ ਬਣਿਆ ਬਲਕਿ ਤੁਸੀਂ ਬੇਹੱਦ ਪਿਆਰ ਹੀ ਦਿੱਤਾ ਹੈ । ਮੈਂ ਆਪਣੀ ਮਿਆਰੀ ਗਾਇਕੀ ਪ੍ਰਤੀ ਕੋਈ ਸਮਝੌਤਾ ਨਾ ਕਦੇ ਕੀਤਾ ਤੇ ਨਾ ਕਰਾਂਗਾ । ਮੈਨੂੰ ਸਤਿਕਾਰਯੋਗ ਮਹਿਲਾ ਕਮਿਸ਼ਨ ਵੱਲੋਂ ਨੋਟਿਸ ਆਇਆ ਤੇ ਮੈਂ ਆਪਣਾ ਪੱਖ ਪੇਸ਼ ਕਰਾਂਗਾ' ।