ਹਿਮੇਸ਼ ਰੇਸ਼ਮੀਆ ਦਾ ਹੈ ਅੱਜ ਜਨਮ ਦਿਨ, ਪਹਿਲੀ ਪਤਨੀ ਨੂੰ ਤਲਾਕ ਦੇ ਕੇ ਇਸ ਤਰ੍ਹਾਂ ਕਰਵਾਇਆ ਸੀ ਗਰਲਫ੍ਰੈਂਡ ਨਾਲ ਚੋਰੀ ਛਿਪੇ ਵਿਆਹ

ਗਾਇਕ, ਕੰਪੋਜ਼ਰ ਤੇ ਅਦਾਕਾਰ ਹਿਮੇਸ਼ ਰੇਸ਼ਮੀਆ ਅੱਜ ਆਪਣਾ 47ਵਾਂ ਜਨਮ ਦਿਨ ਮਨਾ ਰਹੇ ਹਨ । 23 ਜੁਲਾਈ 1973 ਨੂੰ ਹਿਮੇਸ਼ ਦਾ ਜਨਮ ਗੁਜਰਾਤ ਵਿੱਚ ਹੋਇਆ ਸੀ । ਹਿਮੇਸ਼ ਨੇ ਤੇਰਾ ਸਰੂਰ, ਝਲਕ ਦਿਖਲਾ ਜਾ ਵਰਗੇ ਕਈ ਸੁਪਰ ਹਿੱਟ ਗਾਣਿਆਂ ਨਾਲ ਪਹਿਚਾਣ ਬਣਾਈ ਸੀ । ਹਿਮੇਸ਼ ਦੀ 2003 ਵਿੱਚ ਆਈ ਆਈ ਐਲਬਮ ‘ਤੇਰਾ ਸਰੂਰ’ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਐਲਬਮ ਹੈ । ਇਸ ਦੇ ਗਾਣੇ ਏਨੇਂ ਹਿੱਟ ਹੋਏ ਸਨ ਕਿ ਇਹਨਾਂ ਦਾ ਅੱਜ ਤੱਕ ਕੋਈ ਰਿਕਾਰਡ ਨਹੀਂ ਤੋੜ ਸਕਿਆ ।

ਹਿਮੇਸ਼ ਨੇ ਸਾਲ 2017 ਵਿੱਚ 22 ਸਾਲ ਪੁਰਾਣੇ ਰਿਸ਼ਤੇ ਨੂੰ ਖਤਮ ਕਰਦੇ ਹੋਏ ਦੂਜਾ ਵਿਆਹ ਕਰਵਾਇਆ ਸੀ । ਹਿਮੇਸ਼ ਦਾ ਪਹਿਲੀ ਪਤਨੀ ਤੋਂ ਇੱਕ ਬੇਟਾ ਵੀ ਹੈ । ਪਿਛਲੇ ਸਾਲ ਹਿਮੇਸ਼ ਨੇ ਆਪਣੀ ਗਰਲਫ੍ਰੈਂਡ ਨਾਲ ਵਿਆਹ ਕੀਤਾ ਸੀ । ਹਿਮੇਸ਼ ਦਾ ਇਹ ਦੂਜਾ ਵਿਆਹ ਸੀ ਜਿਹੜਾ ਉਸ ਨੇ ਗੁੱਪ ਚੁੱਪ ਤਰੀਕੇ ਨਾਲ ਕੀਤਾ ਸੀ ।

ਹਿਮੇਸ਼ ਤੇ ਸੋਨੀਆ ਦੇ ਵਿਆਹ ਦੀਆਂ ਤਸਵੀਰਾਂ ਖੂਬ ਵਾਇਰਲ ਹੋਈਆਂ ਸਨ । ਹਿਮੇਸ਼ ਤੇ ਸੋਨੀਆ ਪਿਛਲੇ 10 ਸਾਲਾਂ ਤੋਂ ਰਿਲੇਸ਼ਨ ਵਿੱਚ ਸਨ । ਸੋਨੀਆ ਕਈ ਟੀਵੀ ਸੀਰੀਅਲ ਵਿੱਚ ਵੀ ਨਜ਼ਰ ਆ ਚੁੱਕੇ ਹਨ ।