ਪੰਜਾਬੀ ਜਿੱਥੇ ਵੀ ਜਾਂਦੇ ਨੇ ਉੱਥੇ ਆਪਣੇ ਕੰਮ ਅਤੇ ਮਿਹਨਤ ਦੇ ਨਾਲ ਹਰ ਕਿਸੇ ਦਾ ਦਿਲ ਜਿੱਤ ਲੈਂਦੇ ਹਨ । ਵਿਦੇਸ਼ੀਆਂ ਦਾ ਦਿਲ ਜਿੱਤਣ ‘ਚ ਵੀ ਪੰਜਾਬੀ ਕਾਮਯਾਬ ਰਹੇ ਨੇ । ਅੱਜ ਪੰਜਾਬੀਆਂ ਲਈ ਮਾਣ ਦੀ ਇੱਕ ਹੋਰ ਖ਼ਬਰ ਸਾਹਮਣੇ ਆਈ ਹੈ।

ਉਹ ਇਹ ਹੈ ਕਿ ਨਿਊਯਾਰਕ ਦੇ ਕੁਈਨਸ ‘ਚ ਰਿਚਮੰਡ ਹਿੱਲ ਸਟ੍ਰੀਟ ਦਾ ਨਾਮ ਬਦਲ ਕੇ ‘ਪੰਜਾਬ ਐਵਨਿਊ’ ਰੱਖਿਆ ਗਿਆ ਹੈ । ਇਹ ਉਪਰਾਲਾ ਪਿਛਲੇ ਦੋ ਸਾਲਾਂ ਸਾਊਥ ਏਸ਼ੀਅਨ ਗਰੁੱਪ ਵੱਲੋਂ ਕੀਤੇ ਜਾ ਰਹੇ ਸਾਂਝੇ ਉਪਰਾਲਿਆਂ ਦੀ ਬਦੌਲਤ ਇਹ ਸੰਭਵ ਹੋ ਸਕਿਆ ਹੈ । ਇਸ ਖ਼ਬਰ ਤੋਂ ਬਾਅਦ ਸਮੂਹ ਪੰਜਾਬੀ ਭਾਈਚਾਰੇ ‘ਚ ਖੁਸ਼ੀ ਦੀ ਲਹਿਰ ਹੈ ਅਤੇ ਜਿਸ ਸਮੇਂ ਇਸ ਦਾ ਰਸਮੀ ਉਦਘਾਟਨ ਹੋਇਆ ਉਸ ਸਮੇਂ ਵੱਡੀ ਗਿਣਤੀ ‘ਚ ਪੰਜਾਬੀ ਇਨ੍ਹਾਂ ਪਲਾਂ ਦਾ ਗਵਾਹ ਬਣੇ । ਦੱਸ ਦਈਏ ਕਿ ਨਿਊਯਾਰਕ ਸਥਿਤ ਕੁਈਨਜ਼ ਇਲਾਕੇ ਨੂੰ ਛੋਟੇ ਪੰਜਾਬ ਵੱਜੋਂ ਜਾਣਿਆ ਜਾਂਦਾ ਹੈ ਅਤੇ ਵੱਡੀ ਗਿਣਤੀ ‘ਚ ਪੰਜਾਬੀ ਇੱਥੇ ਰਹਿੰਦੇ ਹਨ ।