ਸਲਮਾਨ ਖ਼ਾਨ ਦੀ ਜਨਮਦਿਨ ਪਾਰਟੀ 'ਚ ਨਜ਼ਰ ਨਹੀਂ ਆਈ ਕੈਟਰੀਨਾ ਕੈਫ, ਸੋਸ਼ਲ ਮੀਡੀਆ 'ਤੇ ਲਿਖਿਆ ਖਾਸ ਸੰਦੇਸ਼

Salman Khan Birthday: ਸਲਮਾਨ ਖ਼ਾਨ ਨੇ ਸੋਮਵਾਰ ਰਾਤ ਨੂੰ ਆਪਣੇ ਜਨਮਦਿਨ 'ਤੇ ਸ਼ਾਨਦਾਰ ਪਾਰਟੀ ਦਾ ਆਯੋਜਨ ਕੀਤਾ। ਸਲਮਾਨ 27 ਦਸੰਬਰ ਨੂੰ 57 ਸਾਲ ਦੇ ਹੋ ਗਏ ਹਨ। ਇਸ ਖ਼ਾਸ ਮੌਕੇ ਉੱਤੇ ਸਲਮਾਨ ਦੀ ਭੈਣ ਨੇ ਪਾਰਟੀ ਦਾ ਆਯੋਜਨ ਕੀਤਾ ਸੀ, ਜਿਸ ਵਿੱਚ ਬਾਲੀਵੁੱਡ ਦੇ ਵੱਡੇ ਸਿਤਾਰੇ ਪਹੁੰਚੇ ਸਨ।

ਪਾਰਟੀ 'ਚ ਸ਼ਾਹਰੁਖ ਖ਼ਾਨ, ਕਾਰਤਿਕ ਆਰੀਅਨ, ਸੋਨਾਕਸ਼ੀ ਸਿਨਹਾ, ਸੰਗੀਤਾ ਬਿਜਲਾਨੀ, ਯੂਲੀਆ ਵੰਤੂਰ ਅਤੇ ਹੋਰ ਵੱਡੇ ਸੈਲੇਬਸ ਨਜ਼ਰ ਆਏ। ਵੈਸੇ ਤਾਂ ਕੈਟਰੀਨਾ ਕੈਫ ਵੀ ਹਰ ਸਾਲ ਸਲਮਾਨ ਦੇ ਜਨਮਦਿਨ 'ਤੇ ਨਜ਼ਰ ਆਉਂਦੀ ਹੈ ਪਰ ਇਸ ਵਾਰ ਉਹ ਗਾਇਬ ਰਹੀ। ਕੈਟਰੀਨਾ ਹਾਲ ਹੀ 'ਚ ਪਤੀ ਵਿੱਕੀ ਕੌਸ਼ਲ ਨਾਲ ਛੁੱਟੀਆਂ ਮਨਾਉਣ ਗਈ ਹੈ। ਕੈਟਰੀਨਾ ਭਾਵੇਂ ਪਾਰਟੀ 'ਚ ਨਹੀਂ ਪਹੁੰਚ ਸਕੀ ਪਰ ਉਹ ਸੋਸ਼ਲ ਮੀਡੀਆ 'ਤੇ ਸਲਮਾਨ ਨੂੰ ਸ਼ੁਭਕਾਮਨਾਵਾਂ ਦੇਣਾ ਨਹੀਂ ਭੁੱਲੀ।

ਹੋਰ ਪੜ੍ਹੋ : ਟੀਨਾ ਥਡਾਨੀ ਦੇ ਆਉਣ ਤੋਂ ਬਾਅਦ ਬਦਲ ਗਈ ਹਨੀ ਸਿੰਘ ਦੀ ਜ਼ਿੰਦਗੀ, ਗਾਇਕ ਨੇ ਕਿਹਾ-‘ਇਹ ਮੇਰਾ ਤੀਜਾ ਪੁਨਰ ਜਨਮ ਹੈ’

Image Source : Instagram

ਸਲਮਾਨ ਅਤੇ ਕੈਟਰੀਨਾ ਵਿਚਾਲੇ ਜ਼ਬਰਦਸਤ ਬਾਂਡਿੰਗ ਹੈ। ਕੈਟਰੀਨਾ ਨੇ ਸਲਮਾਨ ਦੀ ਫੋਟੋ ਨਾਲ ਜਨਮਦਿਨ ਦਾ ਸੰਦੇਸ਼ ਲਿਖਿਆ, 'ਟਾਈਗਰ, ਟਾਈਗਰ, ਟਾਈਗਰ ਦਾ ਜਨਮਦਿਨ।' ਅੱਗੇ ਉਨ੍ਹਾਂ ਨੇ ਸਲਮਾਨ ਨੂੰ ਟੈਗ ਕੀਤਾ ਅਤੇ ਵ੍ਹਾਈਟ ਹਾਰਟ ਬਣਾਇਆ। ਸਲਮਾਨ ਅਤੇ ਕੈਟਰੀਨਾ ਫਿਲਮ 'ਟਾਈਗਰ' ਫਰੈਂਚਾਇਜ਼ੀ ਦਾ ਹਿੱਸਾ ਹਨ। ਉਸ ਦੀ ਫਿਲਮ ਵੀ ਅਗਲੇ ਸਾਲ ਆਵੇਗੀ। ਅਜਿਹੇ 'ਚ ਇਸ ਤੋਂ ਵਧੀਆ ਕੈਪਸ਼ਨ ਕੀ ਹੋ ਸਕਦਾ ਹੈ।

ਖਾਸ ਗੱਲ ਇਹ ਹੈ ਕਿ ਸਲਮਾਨ ਦੇ ਜਨਮਦਿਨ ਦੀ ਪਾਰਟੀ ਉਨ੍ਹਾਂ ਦੀ ਭੈਣ ਅਰਪਿਤਾ ਸ਼ਰਮਾ ਖਾਨ ਨੇ ਉਨ੍ਹਾਂ ਦੇ ਘਰ ਆਯੋਜਿਤ ਕੀਤੀ ਸੀ। ਸਲਮਾਨ ਭਾਰੀ ਸੁਰੱਖਿਆ ਨਾਲ ਪਾਰਟੀ 'ਚ ਪਹੁੰਚੇ ਸੀ। ਇਸ ਦੌਰਾਨ ਸਲਮਾਨ ਬਲੈਕ ਲੁੱਕ 'ਚ ਨਜ਼ਰ ਆਏ। ਉਨ੍ਹਾਂ ਨੇ ਪਪਰਾਜ਼ੀ ਦੇ ਸਾਹਮਣੇ ਕੇਕ ਵੀ ਕੱਟਿਆ ਅਤੇ ਉੱਥੇ ਮੌਜੂਦ ਸਾਰਿਆਂ ਦਾ ਧੰਨਵਾਦ ਕੀਤਾ।

ਕੈਟਰੀਨਾ ਅਤੇ ਵਿੱਕੀ ਬੀਤੇ ਦਿਨ ਛੁੱਟੀਆਂ ਮਨਾਉਣ ਲਈ ਰਵਾਨਾ ਹੋਏ ਸਨ। ਦੋਵਾਂ ਨੂੰ ਮੁੰਬਈ ਏਅਰਪੋਰਟ 'ਤੇ ਦੇਖਿਆ ਗਿਆ। ਏਅਰਪੋਰਟ 'ਤੇ ਐਂਟਰੀ ਦੇ ਸਮੇਂ ਜਦੋਂ ਸਕਿਓਰਿਟੀ ਨੇ ਉਸ ਨੂੰ ਰੋਕ ਲਿਆ ਤਾਂ ਕੈਟਰੀਨਾ ਅੰਦਰ ਜਾਣ ਲੱਗੀ ਸੀ। ਉਸ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋਇਆ ਸੀ।