ਮਾਨਵਤਾ ਦੀ ਸੇਵਾ ਲਈ ਹਮੇਸ਼ਾ ਅੱਗੇ ਰਹਿੰਦੀ ਹੈ ਖਾਲਸਾ ਏਡ, ਦੋ ਬੱਚਿਆਂ ਦੀ ਮਾਂ ਤੇ ਗਰੀਬ ਵਿਧਵਾ ਔਰਤ ਲਈ ਬਣੀ ਮਸੀਹਾ , ਬਣਵਾਇਆ ਪੱਕਾ ਘਰ
ਖਾਲਸਾ ਏਡ ਅਜਿਹੀ ਲੋਕ ਭਲਾਈ ਸੰਸਥਾ ਹੈ ਜੋ ਹਮੇਸ਼ਾਂ ਲੋੜਵੰਦ ਲੋਕਾਂ ਦੀ ਮਦਦ ਕਰਨ ਲਈ ਸਭ ਤੋਂ ਪਹਿਲਾਂ ਅੱਗੇ ਆਉਂਦੀ ਹੈ, ਭਾਵੇਂ ਉਹ ਦੇਸ਼ ਹੋਵੇ ਜਾਂ ਫਿਰ ਵਿਦੇਸ਼ ਹੋਵੇ । ਦੁਨੀਆ ਦਾ ਕੋਈ ਵੀ ਕੋਨਾ ਹੋਵੇ ਖਾਲਸਾ ਏਡ ਮਦਦ ਲਈ ਪਹੁੰਚ ਜਾਂਦੀ ਹੈ । ਇਸ ਮੁਸ਼ਕਿਲ ਸਮੇਂ ‘ਚ ਅੰਤਰਰਾਸ਼ਟਰੀ ਖਾਲਸਾ ਏਡ ਵੱਖ- ਵੱਖ ਦੇਸ਼ਾਂ ‘ਚ ਲੋਕਾਂ ਦੀ ਸੇਵਾ ਕਰ ਰਹੀ ਹੈ ।
ਅਜਿਹੇ ‘ਚ ਖਾਲਸਾ ਏਡ ਪੰਜਾਬ ਤੇ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ‘ਚ ਲੋੜਵੰਦ ਲੋਕਾਂ ਦੀ ਹਰ ਤਰ੍ਹਾਂ ਦੀ ਸਹਾਇਤਾ ਕਰ ਰਹੀ ਹੈ । ਪੰਜਾਬ ਦੇ ਤਰਨਤਾਰਨ ਦੇ ਛੋਟੇ ਜਿਹੇ ਪਿੰਡ ਝਾਮਕਾ ਕਲਾਂ ਦੀ ਵਸਨੀਕ ਚਰਨਜੀਤ ਕੌਰ ਜੋ ਕਿ ਬਹੁਤ ਗਰੀਬ ਹੈ ਤੇ ਦੋ ਬੱਚਿਆਂ ਦੇ ਨਾਲ ਟੁੱਟੀ ਹੋਈ ਛੱਤ ਦੇ ਹੇਠ ਰਹਿ ਰਹੀ ਸੀ । ਇਹ ਵਿਧਵਾ ਔਰਤ ਬੜੀ ਮੁਸ਼ਕਿਲ ਨਾਲ ਘਰ ਦਾ ਖਰਚਾ ਚਲਾ ਰਹੀ ਸੀ । ਉਸ ਕੋਲ ਇੰਨੇ ਪੈਸੇ ਨਹੀਂ ਸੀ ਕਿ ਉਹ ਆਪਣੀ ਘਰ ਦੀ ਖ਼ਸਤਾ ਹਾਲਤ ਨੂੰ ਠੀਕ ਕਰਵਾ ਸਕੇ । ਪਰ ਇਸ ਗਰੀਬੜੀ ਲਈ ਮਸੀਹਾ ਬਣੇ ਕੇ ਪਹੁੰਚੀ ਖਾਲਸਾ ਏਡ ਦੀ ਟੀਮ । ਇਸ ਸੰਸਥਾ ਨੇ ਇਸ ਲੋੜਵੰਦ ਮਹਿਲਾ ਦੀ ਮਦਦ ਕੀਤੀ ਤੇ ਘਰ ਨੂੰ ਮੁੜ ਨਵੇਂ ਸਿਰੇ ਤੋਂ ਬਣਾਇਆ । ਹੁਣ ਇਸ ਮਹਿਲਾ ਅਤੇ ਬੱਚਿਆਂ ਦੇ ਸਿਰ ‘ਤੇ ਪੱਕੀ ਛੱਤ ਪੈ ਗਈ ਹੈ ।
ਖਾਲਸਾ ਏਡ ਚੱਕਰਵਾਤੀ ਤੂਫਾਨ ਕਰਕੇ ਕੋਲਕਤਾ ‘ਚ ਲੋੜਵੰਦ ਲੋਕਾਂ ਦੀ ਸੇਵਾ ਕਰ ਰਹੇ ਨੇ । ਉਹ ਲੋਕਾਂ ਨੂੰ ਖਾਣ ਪੀਣ ਦੀ ਸਮੱਗਰੀ ਮੁਹੱਈਆ ਕਰਵਾ ਰਹੀ ਹੈ।