ਹੁਣ ਗਾਇਕ ਮੀਕਾ ਸਿੰਘ ਨੇ ਅਨੂੰ ਮਲਿਕ ਨਾਲ ਲਿਆ ਪੰਗਾ, ਸਟੇਜ ਤੋਂ ਇਸ ਤਰ੍ਹਾਂ ਉਡਾਇਆ ਮਜ਼ਾਕ

ਬਾਲੀਵੁੱਡ ਦੇ ਪਲੇਬੈਕ ਸਿੰਗਰ ਮੀਕਾ ਸਿੰਘ ਹਾਲ ਹੀ ਵਿੱਚ ਇੱਕ ਪ੍ਰੋਗਰਾਮ ਵਿੱਚ ਪਹੁੰਚੇ ਸਨ, ਜਿੱਥੇ ਉਹਨਾਂ ਨੇ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਕਈ ਖੁਲਾਸੇ ਕੀਤੇ । ਇਸ ਗੱਲਬਾਤ ਦੌਰਾਨ ਮੀਕਾ ਸਿੰਘ ਨੇ ਗਾਇਕ ਅਨੂੰ ਮਲਿਕ ਦੀਆਂ ਖੂਬ ਲੱਤਾਂ ਖਿੱਚੀਆਂ । ਮੀਕਾ ਸਿੰਘ ਨੇ ਦੱਸਿਆ ਕਿ ਕਰੀਅਰ ਦੇ ਸ਼ੁਰੂਆਤੀ ਦਿਨਾਂ ਵਿੱਚ ਉਹਨਾਂ ਦੀ ਆਵਾਜ਼ ਬਹੁਤ ਖਰਾਬ ਸੀ ।

https://www.instagram.com/p/B6Fd-n5nEWO/

ਉਹਨਾਂ ਨੇ ਦੱਸਿਆ ਕਿ 1995 ਵਿੱਚ ਉਹਨਾਂ ਨੇ ਦਲੇਰ ਭਾਜੀ ਦਾ ਗਾਣਾ ‘ਡਰਦੀ ਰੱਬ ਰੱਬ ਕਰਦੀ’ ਕੰਪੋਜ ਕੀਤਾ ਸੀ । ਇਸ ਦੌਰਾਨ ਉਹ ਗਾਇਕ ਬਣਨ ਦੀ ਵੀ ਸੋਚ ਰਹੇ ਸਨ । ਇਸ ਮੌਕੇ ਉਹਨਾਂ ਨੇ ‘ਸਾਵਨ ਮੇਂ ਲੱਗ ਗਈ ਆਗ’ ਗਾਣੇ ਨੂੰ ਖੁਦ ਹੀ ਗਾਇਆ ਤੇ ਖੁਦ ਹੀ ਕੰਪੋਜ ਕਰਕੇ ਰਿਲੀਜ਼ ਕਰ ਦਿੱਤਾ । ਦਲੇਰ ਮਹਿੰਦੀ ਨੇ ਜਦੋਂ ਇਹ ਗਾਣਾ ਸੁਣਿਆ ਤਾਂ ਉਹਨਾਂ ਨੇ ਕਿਹਾ ਕਿ ਤੇਰੀ ਆਵਾਜ਼ ਬਹੁਤ ਖਰਾਬ ਹੈ । ਉਹਨਾਂ ਨੇ ਮੀਕਾ ਨੂੰ ਗਾਣਾ ਗਾਉਣ ਤੋਂ ਮਨਾ ਕਰ ਦਿੱਤਾ ।

https://www.instagram.com/p/B55HJEInBbC/

ਦਲੇਰ ਮਹਿੰਦੀ ਦੇ ਇਸ ਰਵੱਈਏ ਤੇ ਮੀਕਾ ਨੇ ਕਿਹਾ ਕਿ ਉਹ ਅਨੂੰ ਮਲਿਕ ਤੋਂ ਤਾਂ ਵਧੀਆ ਹੀ ਗਾਉਂਦੇ ਹਨ । ਮੀਕਾ ਨੇ ਸਟੇਜ ਤੋਂ ਹੀ ਕਿਹਾ ਕਿ ਅਨੂੰ ਜੀ ਗੁੱਸਾ ਨਾ ਕਰਿਓ ਤੁਸੀਂ ਬਹੁਤ ਖਰਾਬ ਗਾਊਂਦੇ ਹੋ । ਮੀਕਾ ਸਿੰਘ ਨੇ ਦਲੇਰ ਮਹਿੰਦੀ ਨੂੰ ਕਿਹਾ ਕਿ ਜੇਕਰ ਤੁਸੀਂ ਗਾ ਸਕਦੇ ਹੋ ਤਾਂ ਮੈਂ ਵੀ ਗਾ ਸਕਦਾ ਹਾਂ ।

https://www.instagram.com/p/B5W0_D2HSA4/

ਮੀਕਾ ਦਾ ਇਹ ਗਾਣਾ ਹਿੱਟ ਹੋ ਗਿਆ ਤੇ ਮੀਕਾ ਦੀ ਪਹਿਚਾਣ ਇੱਕ ਗਾਇਕ ਦੇ ਰੂਪ ਵਿੱਚ ਹੋਣ ਲੱਗੀ । ਮੀਕਾ ਨੇ ਕਿਹਾ ਕਿ ਪਹਿਲਾ ਗਾਣਾ ਹਿੱਟ ਹੋਣ ਤੋਂ ਬਾਅਦ ਮੈਨੂੰ ਗਿਟਾਰ ਵਜਾਉਣ ਦੇ ਜਿੱਥੇ 5 ਹਜ਼ਾਰ ਮਿਲਦੇ ਸਨ ਉੱਥੇ 50 ਹਜ਼ਾਰ ਮਿਲਣ ਲੱਗੇ ਸਨ । ਉਹਨਾਂ ਨੇ ਕਿਹਾ ਕਿ ਤਿੰਨ ਸਾਲ ਉਹਨਾਂ ਨੇ ਬਹੁਤ ਮਿਹਨਤ ਕੀਤੀ ਤੇ ਵਾਪਿਸ ਗਾਣੇ ਗਾਉਣ ਲੱਗਾ ।