ਜਾਣੋ ਕਿਹੜੇ ਜਵਾਬ ਦੀ ਬਦੌਲਤ ਜਿੱਤ ਲਿਆ ਵੇਨੇਸਾ ਨੇ ਮਿਸ ਵਰਲਡ 2018 ਦਾ ਖਿਤਾਬ
ਮਿਸ ਵਰਲਡ ਇੱਕ ਅਜਿਹਾ ਖਿਤਾਬ ਹੈ ਜਿਸ ਨੂੰ ਪਾਉਣਾ ਹਰ ਮੁਟਿਆਰ ਦਾ ਸੁਪਨਾ ਹੁੰਦਾ ਹੈ। ਦੱਸ ਦਈਏ ਇਸ ਵਾਰ ਵੀ ਮਿਸ ਵਰਲਡ 2018 ਦਾ ਆਗਾਜ਼ ਚੀਨ ‘ਚ ਹੀ ਹੋਇਆ ਸੀ। ਮੈਕਸੀਕੋ ਦੀ ਵੇਨੇਸਾ ਪਾਨਸ ਡੀ ਲਿਓਨ ਨੇ ਚੀਨ ਦੇ ਸਾਨਯਾ ਸ਼ਹਿਰ ਵਿੱਚ ਆਯੋਜਿਤ ਮੁਕਾਬਲੇ ਵਿੱਚ 118 ਹੋਰ ਕੁੜੀਆਂ ਨੂੰ ਪਛਾੜ ਕੇ ਵਿਸ਼ਵ ਸੁੰਦਰੀ ਦਾ ਖਿਤਾਬ ਜਿੱਤਿਆ। ਇਹ ਮੁਕਾਬਲਾ ਮੈਕਸੀਕੋ ਲਈ ਬੇਹੱਦ ਖਾਸ ਸੀ ਕਿਉਂਕਿ ਵੇਨੇਸਾ ਇਹ ਖਿਤਾਬ ਜਿੱਤਣ ਵਾਲੀ ਪਹਿਲੀ ਮੈਕਸੀਕੋ ਗਰਲ ਹਨ।ਮਿਸ ਵਰਲਡ ਲਈ ਜੱਜਾਂ ਨੇ ਵੇਨੇਸਾ ਕੋਲੋ ਸਵਾਲ ਪੁੱਛਿਆ ਕਿ ਉਹ ਦੂਸਰਿਆਂ ਦੀ ਮਦਦ ਕਰਨ ਲਈ ਤੁਸੀਂ ਮਿਸ ਵਰਲਡ ਦੇ ਖਿਤਾਬ ਦਾ ਇਸਤੇਮਾਲ ਕਿਸ ਤਰ੍ਹਾਂ ਕਰੋਗੇ ਤੇ ਇਸ ਦੇ ਜਵਾਬ 'ਚ ਵੇਨੇਸਾ ਪਾਨਸ ਨੇ ਕਿਹਾ,''ਮੈਂ ਪਿੱਛੇਲ 3 ਸਾਲਾਂ ਤੋਂ ਜਿਸ ਤਰ੍ਹਾਂ ਕਰ ਰਹੀ ਹਾਂ, ਠੀਕ ਉਸੇ ਤਰ੍ਹਾਂ ਆਪਣੀ ਪੋਜੀਸ਼ਨ ਦਾ ਇਸਤੇਮਾਲ ਦੂਸਰਿਆਂ ਦੀ ਮਦਦ ਲਈ ਕਰਦੀ ਰਹਾਂਗੀ।''
https://www.instagram.com/p/BbppXYdjkHq/
ਹੋਰ ਪੜ੍ਹੋ: ‘ਪੀਟੀਸੀ ਮਿਊਜ਼ਿਕ ਅਵਾਰਡ 2018 ‘ ਲਈ ਇਸ ਵਾਰ ਮੁਕਾਬਲਾ ਹੈ ਸਖਤ
ਵੇਨੇਸਾ ਦੇ ਇਸ ਜਵਾਬ ਨੇ ਜੱਜਾਂ ਦਾ ਦਿਲ ਜਿੱਤ ਲਿਆ। 2017 ਦੀ ਮਿਸ ਵਰਲਡ ਮਾਨੁਸ਼ੀ ਛਿੱਲਰ ਨੇ ਉਨ੍ਹਾਂ ਨੂੰ ਤਾਜ ਪਹਿਨਾਇਆ। ਪਿੱਛਲੇ ਸਾਲ ਮਾਨੁਸ਼ੀ ਛਿੱਲਰ ਨੇ ਇਹ ਖਿਤਾਬ ਜਿੱਤ ਕੇ ਭਾਰਤ ਦਾ ਨਾਂਅ ਰੌਸ਼ਨ ਕੀਤਾ ਸੀ। ਇਸ ਵਾਰ ਭਾਰਤ ਵੱਲੋਂ ਅਨੁਕ੍ਰਿਤੀ ਵਾਸ ਨੇ ਇਸ ਮੁਕਾਬਲੇਬਾਜ਼ੀ 'ਚ ਹਿੱਸਾ ਲਿਆ ਸੀ ਪਰ ਉਹ ਟਾਪ 30 ਤੱਕ ਹੀ ਪੁੱਜੇ ਸਨ।