ਨੀਤੂ ਕਪੂਰ ਨੇ ਵੀ ਲੰਡਨ ਲਈ ਭਰੀ ਉਡਾਣ, ਪਰ ਨੂੰਹ ਆਲੀਆ ਨੂੰ ਨਹੀਂ ਮਿਲੇਗੀ, ਕਾਰਨ ਪੁੱਛਣ 'ਤੇ ਅਦਾਕਾਰਾ ਨੇ ਦਿੱਤਾ ਅਜਿਹਾ ਜਵਾਬ

Reported by: PTC Punjabi Desk | Edited by: Lajwinder kaur | July 05th 2022 05:11 PM | Updated: July 05th 2022 05:11 PM

ਨੀਤੂ ਕਪੂਰ ਹਾਲ ਹੀ 'ਚ ਕਰਨ ਜੌਹਰ ਦੀ ਫਿਲਮ 'ਜੁਗ ਜੁਗ ਜੀਓ' ਕਰਕੇ ਖੂਬ ਸੁਰਖੀਆਂ ਚ ਬਣੀ ਹੋਈ ਹੈ । ਇਸ ਫ਼ਿਲਮ ਨੂੰ ਬਾਕਸ ਆਫਿਸ ਉੱਤੇ ਚੰਗਾ ਹੁੰਗਾਰਾ ਮਿਲਿਆ ਹੈ। ਇਸ ਫਿਲਮ 'ਚ ਨੀਤੂ ਕਪੂਰ ਨਾਲ ਅਨਿਲ ਕਪੂਰ, ਵਰੁਣ ਧਵਨ ਅਤੇ ਕਿਆਰਾ ਅਡਵਾਨੀ ਮੁੱਖ ਭੂਮਿਕਾਵਾਂ 'ਚ ਹਨ। ਇਸ ਦੇ ਨਾਲ ਹੀ, ਜਦੋਂ ਤੋਂ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਦਾ ਵਿਆਹ ਹੋਇਆ ਹੈ, ਲੋਕ ਨੀਤੂ ਤੋਂ ਉਸ ਦੀ ਨੂੰਹ ਬਾਰੇ ਪੁੱਛਦੇ ਰਹਿੰਦੇ ਹਨ। ਦੱਸ ਦੇਈਏ ਕਿ ਹਾਲ ਹੀ 'ਚ ਆਲੀਆ ਭੱਟ ਨੇ ਵੀ ਸੋਸ਼ਲ ਮੀਡੀਆ 'ਤੇ ਆਪਣੀ ਪ੍ਰੈਗਨੈਂਸੀ ਦਾ ਐਲਾਨ ਕੀਤਾ ਸੀ।

ਹੋਰ ਪੜ੍ਹੋ : ਵਿਦੇਸ਼ ਦੀ ਇਹ ਅਦਾਕਾਰਾ ਹੋਈ ਘਰੇਲੂ ਹਿੰਸਾ ਦਾ ਸ਼ਿਕਾਰ, ‘ਜ਼ਖਮਾਂ’ ਦੇ ਨਾਲ ਸਾਂਝੀਆਂ ਕੀਤੀਆਂ ਤਸਵੀਰਾਂ

Neetu Kapoor shocked as Alia reveals to world about Jr Kapoor Image Source: Twitter

ਆਲੀਆ ਇਨ੍ਹੀਂ ਦਿਨੀਂ ਵਿਦੇਸ਼ 'ਚ ਆਪਣੀ ਪਹਿਲੀ ਹਾਲੀਵੁੱਡ ਫਿਲਮ 'ਹਾਰਟ ਆਫ ਸਟੋਨ' ਦੀ ਸ਼ੂਟਿੰਗ ਕਰ ਰਹੀ ਹੈ। ਹੁਣ ਹਾਲ ਹੀ ਵਿੱਚ ਉਨ੍ਹਾਂ ਦੀ ਸੱਸ ਅਤੇ ਅਦਾਕਾਰਾ ਨੀਤੂ ਕਪੂਰ ਵੀ ਲੰਡਨ ਲਈ ਰਵਾਨਾ ਹੋਈ ਹੈ।

Alia bhatt and Neetu kapoor-min Image Source: Twitter

ਹਾਲ ਹੀ 'ਚ ਨੀਤੂ ਕਪੂਰ ਨੂੰ ਮੁੰਬਈ ਏਅਰਪੋਰਟ 'ਤੇ ਦੇਖਿਆ ਗਿਆ। ਜਿੱਥੋਂ ਉਹ ਲੰਡਨ ਦੇ ਲਈ ਰਵਾਨਾ ਹੋਣ ਲਈ ਪਹੁੰਚੀ ਸੀ । ਜਦੋਂ ਪਪਰਾਜ਼ੀ ਨੇ ਨੀਤੂ ਨੂੰ ਪੁੱਛਿਆ, 'ਤੁਸੀਂ ਕਿੱਥੇ ਜਾ ਰਹੇ ਹੋ, ਲੰਡਨ?' ਇਸ 'ਤੇ ਨੀਤੂ ਨੇ ਮੁਸਕਰਾਉਂਦੇ ਹੋਏ ਕਿਹਾ- 'ਹਾਂ'। ਫਿਰ ਫੋਟੋਗ੍ਰਾਫਰ ਨੇ ਪੁੱਛਿਆ- 'ਨੂੰਹ ਨੂੰ ਮਿਲਣਾ?' ਇਸ 'ਤੇ ਨੀਤੂ ਨੇ ਕਿਹਾ- 'ਨਹੀਂ, ਮੇਰੀ ਬੇਟੀ ਵੀ ਉੱਥੇ ਹੈ'। ਫਿਰ ਪਪਰਾਜ਼ੀ ਨੇ ਨੀਤੂ ਨੂੰ ਪੁੱਛਿਆ, 'ਤਾਂ ਤੁਸੀਂ ਨੂੰਹ ਨੂੰ ਨਹੀਂ ਮਿਲੋਗੇ?'

ਫਿਰ ਨੀਤੂ ਨੇ ਕਿਹਾ- 'ਨੂੰਹ ਸ਼ਾਇਦ ਸ਼ੂਟਿੰਗ ਦੇ ਲਈ ਕੀਤੇ ਹੋਰ ਗਈ ਹੋਈ ਹੈ। ਦੱਸ ਦੇਈਏ ਕਿ ਨੀਤੂ ਕਪੂਰ ਦੀ ਬੇਟੀ ਰਿਧੀਮਾ ਕਪੂਰ ਸਾਹਨੀ ਵੀ ਇਨ੍ਹੀਂ ਦਿਨੀਂ ਲੰਡਨ 'ਚ ਛੁੱਟੀਆਂ ਮਨਾ ਰਹੀ ਹੈ।

Neetu Kapoor breaks down into tears as she misses Rishi Kapoor Image Source: Twitterਤੁਹਾਨੂੰ ਦੱਸ ਦੇਈਏ ਕਿ ਨੀਤੂ ਕਪੂਰ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਮਸ਼ਹੂਰ ਸੈਲੀਬ੍ਰਿਟੀ ਫੋਟੋਗ੍ਰਾਫਰ ਵਿਰਾਲ ਭਿਯਾਨੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਸ਼ੇਅਰ ਕੀਤਾ ਹੈ। ਇਸ ਪੋਸਟ ਉੱਤੇ ਕੁਝ ਯੂਜ਼ਰ ਕਮੈਂਟ ਕਰਕੇ ਨੀਤੂ ਕਪੂਰ ਦੀ ਤਾਰੀਫ ਕਰ ਰਹੇ ਹਨ। ਕੁਝ ਯੂਜ਼ਰ ਹੈਰਾਨ ਹੋ ਰਹੇ ਨੇ ਕਿ ਸੱਸ ਨੂੰ ਆਪਣੀ ਨੂੰਹ ਦਾ ਪਤਾ ਹੀ ਨਹੀਂ ਕਿੱਥੇ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਜਲਦ ਹੀ ਆਲੀਆ ਭੱਟ ਫਿਲਮ 'ਬ੍ਰਹਮਾਸਤਰ' 'ਚ ਨਜ਼ਰ ਆਵੇਗੀ। ਅਯਾਨ ਮੁਖਰਜੀ ਦੀ ਇਸ ਫਿਲਮ 'ਚ ਉਹ ਪਹਿਲੀ ਵਾਰ ਰਣਬੀਰ ਕਪੂਰ ਦੇ ਨਾਲ ਨਜ਼ਰ ਆਵੇਗੀ। ਇਹ ਫਿਲਮ ਇਸ ਸਾਲ 9 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਇਸ ਤੋਂ ਇਲਾਵਾ ਅੱਜ ਆਲੀਆ ਦੀ ਪਹਿਲੀ ਹੋਮ ਪ੍ਰੋਡਕਸ਼ਨ ਫਿਲਮ 'ਡਾਰਲਿੰਗਜ਼' ਦਾ ਟੀਜ਼ਰ ਰਿਲੀਜ਼ ਹੋਇਆ ਹੈ। ਜਿਸ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਜ਼ਿਆਦਾ ਪਸੰਦ ਕੀਤਾ ਜਾ ਰਿਹਾ ਹੈ।