Children’s Day ਮੌਕੇ ‘ਤੇ ਸੰਗੀਤਕਾਰ ਸਚਿਨ ਆਹੂਜਾ, ਬਿਸਮਾਦ ਸਿੰਘ ਤੇ ਰਾਏ ਪਨੇਸਰ ਨਾਲ ਲੈ ਕੇ ਆਏ ਨੇ ਮਜ਼ੇਦਾਰ ਗੀਤ ‘ਨੀਂਦ ਬੜੀ ਆਉਂਦੀ’, ਦੇਖੋ ਵੀਡੀਓ

Neend Badi Aundi new song: ਹਰ ਸਾਲ 14 ਨਵੰਬਰ ਨੂੰ ਬਾਲ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ। ਇਹ ਦੇਸ਼ ਭਰ ਦੇ ਬੱਚਿਆਂ ਲਈ ਇੱਕ ਰਾਸ਼ਟਰੀ ਤਿਉਹਾਰ ਹੈ। ਬੱਚੇ ਵੀ ਇਸ ਦਿਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਇਸ ਖ਼ਾਸ ਮੌਕੇ ਉੱਤੇ ਨਵਾਂ ਪੰਜਾਬੀ ਗੀਤ ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਇੱਕ ਬੱਚੇ ਨੇ ਆਪਣੇ ਦਿਲ ਦੇ ਜਜ਼ਬਾਤਾਂ ਨੂੰ ਬਹੁਤ ਹੀ ਖ਼ੂਬਸੂਰਤੀ ਦੇ ਨਾਲ ਬਿਆਨ ਕੀਤਾ ਹੈ। ਬਾਲ ਦਿਵਸ ਮੌਕੇ ਉੱਤੇ ਸੰਗੀਤਕਾਰ ਸਚਿਨ ਆਹੂਜਾ ਆਪਣੀ ਨਵੀਂ ਪੇਸ਼ਕਸ਼ ਲੈ ਕੇ ਆਏ ਹਨ। ‘ਨੀਂਦ ਬੜੀ ਆਉਂਦੀ’ ਟਾਈਟਲ ਹੇਠ ਨਵਾਂ ਮਜ਼ੇਦਾਰ ਗੀਤ ਲੈ ਕੇ ਆਏ ਹਨ।  ਇਸ ਗੀਤ ਨੂੰ ਛੋਟੇ ਉਸਤਾਦ ਬਿਸਮਾਦ ਸਿੰਘ ਤੇ ਰਾਏ ਪਨੇਸਰ ਮਿਲਕੇ ਗਾਇਆ ਹੈ। ਢੋਲ ਨਾਲ ਵੀਡੀਓਜ਼ ਪਾ-ਪਾ ਮਸ਼ਹੂਰ ਹੋਏ ਰਾਏ ਪਨੇਸਰ ਨੂੰ ਵਿਦੇਸ਼ ਤੋਂ ਲੈ ਕੇ ਪੰਜਾਬ ’ਚ ਹਰ ਕੋਈ ਜਾਣਦਾ ਹੈ।

image source: youtube

ਹੋਰ ਪੜ੍ਹੋ : Children’s Day 2022: ਬਾਲ ਦਿਵਸ ਮੌਕੇ ‘ਤੇ ਅਦਾਕਾਰਾ ਪ੍ਰੀਤੀ ਜ਼ਿੰਟਾ ਨੇ ਸਾਂਝੀ ਕੀਤੀ ਆਪਣੇ ਬੱਚਿਆਂ ਦੀ ਪਿਆਰੀ ਜਿਹੀ ਤਸਵੀਰ

ਦੱਸ ਦਈਏ ‘ਨੀਂਦ ਬੜੀ ਆਉਂਦੀ’ ਡਾਇਲਾਗ ’ਤੇ ਢੋਲ ਵਜ੍ਹਾ ਕੇ ਰਾਏ ਪਨੇਸਰ ਨੇ ਬਹੁਤ ਤਾਰੀਫ਼ ਖੱਟੀ ਸੀ। ਨਾਮੀ ਮਿਊਜ਼ਿਕ ਡਾਇਰੈਕਟਰ ਸਚਿਨ ਆਹੂਜਾ ਨੇ ਇਸ ਡਾਇਲਾਗ ਨੂੰ ਇੱਕ ਗੀਤ ’ਚ ਢਾਲਿਆ ਹੈ। ‘ਨੀਂਦ ਬੜੀ ਆਉਂਦੀ’ ਗੀਤ ਬਹੁਤ ਹੀ ਮਸਤੀ ਵਾਲਾ ਹੈ, ਜੋ ਕਿ ਦਰਸ਼ਕਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ।

image source: youtube

ਗੀਤ ਦੇ ਮਿਊਜ਼ਿਕ ਵੀਡੀਓ ਵਿੱਚ ਬਿਸਮਾਦ ਸਿੰਘ, ਰਾਏ ਪਨੇਸਰ ਤੇ ਰਾਜ ਧਾਲੀਵਾਲ ਅਦਾਕਾਰੀ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਗਾਣੇ ਨੂੰ ਦੇਖ ਤੁਹਾਡਾ ਵੀ ਦਿਲ ਖ਼ੁਸ਼ ਹੋ ਜਾਵੇਗਾ। ਗੀਤ ਦੇ ਬੋਲ ਮਨਪ੍ਰੀਤ ਕੇਸਰ ਅਤੇ ਰਾਏ ਪਨੇਸਰ ਨੇ ਮਿਲਕੇ ਲਿਖੇ ਨੇ ਤੇ ਮਿਊਜ਼ਿਕ ਸਚਿਨ ਆਹੂਜਾ ਨੇ ਦਿੱਤਾ ਹੈ। Music Bank ਦੇ ਲੇਬਲ ਹੇਠ ਇਸ ਗੀਤ ਨੂੰ ਰਿਲੀਜ਼ ਕੀਤਾ ਗਿਆ ਹੈ।

image source: youtube