ਤਿਉਹਾਰਾਂ ਦੇ ਮੌਕੇ ‘ਤੇ ਸੁਨੰਦਾ ਸ਼ਰਮਾ ਨੇ ਰੋਡ ਸਾਈਡ ‘ਤੇ ਸਮਾਨ ਵੇਚਣ ਵਾਲਿਆਂ ਤੋਂ ਸਮਾਨ ਖਰੀਦਣ ਦੀ ਕੀਤੀ ਅਪੀਲ
ਦੀਵਾਲੀ ਦਾ ਤਿਉਹਾਰ ਨਜ਼ਦੀਕ ਆ ਗਿਆ ਹੈ ।ਅਜਿਹੇ ‘ਚ ਰੋਡ ਸਾਈਡ ‘ਤੇ ਵੈਂਡਰ ਆਪਣੇ ਸਮਾਨ ਨੂੰ ਸਜਾ ਕੇ ਬੈਠੇ ਹੋਏ ਹਨ । ਇਸ ਉਮੀਦ ਦੇ ਨਾਲ ਕਿ ਤਿਉਹਾਰ ਦੇ ਮੌਕੇ ‘ਤੇ ਉਨ੍ਹਾਂ ਦੀਆਂ ਵਸਤੂਆਂ ਦੀ ਖੂਬ ਵਿਕਰੀ ਹੋਵੇਗੀ । ਪਰ ਕਈ ਵਾਰ ਅਸੀਂ ਇਨ੍ਹਾਂ ਰੋਡ ਸਾਈਡ ਵੈਂਡਰਾਂ ਤੋਂ ਚੀਜ਼ਾਂ ਲੈਣ ਦੀ ਬਜਾਏ ਮਹਿੰਗੇ ਮਾਲਸ ‘ਚ ਜਾ ਕੇ ਖਰੀਦਾਰੀ ਕਰਨ ਨੂੰ ਪਹਿਲ ਦਿੰਦੇ ਹਾਂ ।
ਅਜਿਹੇ ‘ਚ ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਇਨ੍ਹਾਂ ਰੋਡ ਸਾਈਡ ਵੈਂਡਰਾਂ ਦੇ ਹੱਕ ‘ਚ ਅੱਗੇ ਆਏ ਹਨ । ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਵੀਡੀਓ ਸਾਂਝਾ ਕੀਤਾ ਹੈ ।
ਜਿਸ ‘ਚ ਉਹ ਅਜਿਹੇ ਸੜਕਾਂ ਦੇ ਕਿਨਾਰਿਆਂ ‘ਤੇ ਸਮਾਨ ਵੇਚਣ ਵਾਲਿਆਂ ਦੇ ਕੋਲ ਖੜੇ ਹੋਏ ਹਨ ਅਤੇ ਲੋਕਾਂ ਨੂੰ ਇਨ੍ਹਾਂ ਤੋਂ ਸਮਾਨ ਲੈਣ ਦੀ ਅਪੀਲ ਕਰ ਰਹੇ ਹਨ ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਮਹਿੰਗੇ ਮਾਲਸ ਅਤੇ ਵੱਡੀਆਂ ਦੁਕਾਨਾਂ ਤੋਂ ਖਰੀਦਣ ਦੀ ਬਜਾਏ ਇਨ੍ਹਾਂ ਗਰੀਬਾਂ ਬਾਰੇ ਵੀ ਸੋਚਣਾ ਚਾਹੀਦਾ ਹੈ ।