ਬੜੀ ਬੇਸਬਰੀ ਨਾਲ ਹੋ ਰਹੀ ਹੈ " ਅਸ਼ਕੇ " ਫ਼ਿਲਮ ਦੇ ਟ੍ਰੇਲਰ ਦੀ ਉਡੀਕ " ਪੜੋ ਕੀ ਹੈ ਖਾਸ

ਪੰਜਾਬੀ ਗਾਇਕੀ ਅਤੇ ਫ਼ਿਲਮਾਂ ਵਿੱਚ ਉੱਚਾ ਨਾਂ ਹਾਸਿਲ ਕਰ ਚੁੱਕੇ ਅਮਰਿੰਦਰ ਗਿੱਲ ਦੀ ਇੱਕ ਹੋਰ ਨਵੀਂ ਫ਼ਿਲਮ " ਅਸ਼ਕੇ " ਆ ਰਹੀ ਹੈ ਜੋ ਕਿ 27 ਜੁਲਾਈ ਨੂੰ ਸਿਨੇਮਾਂ ਘਰਾਂ ਵਿੱਚ ਰਿਲੀਜ਼ ਹੋ ਰਹੀ ਹੈ | ਫ਼ਿਲਮ ਰਿਲੀਜ਼ ਹੋਣ ਵਿੱਚ ਸਿਰਫ 4 ਦਿਨ ਰਹਿ ਗਏ ਹਨ ਪਰ ਅਜੇ ਤੱਕ ਇਸਦਾ ਟ੍ਰੇਲਰ ਰਿਲੀਜ਼ ਨਹੀਂ ਹੋਇਆ ਪਰ ਲੋਕਾਂ ਵੱਲੋਂ ਇਸਦੇ ਟ੍ਰੇਲਰ ਨੂੰ ਬਹੁਤ ਹੀ ਸ਼ਿੱਦਤ ਨਾਲ ਉਡੀਕਿਆ ਜਾ ਰਿਹਾ ਹੈ | ਇਸ ਫ਼ਿਲਮ ਵਿੱਚ ਅਮਰਿੰਦਰ ਗਿੱਲ ਤੋਂ ਇਲਾਵਾ ਜਵਿੰਦਰ ਭੱਲਾ,ਸੰਜੀਦਾ ਸ਼ੇਖ, ਹੌਬੀ ਧਾਲੀਵਾਲ, ਵੰਦਨਾ ਚੋਪੜਾ, ਸਰਬਜੀਤ ਚੀਮਾ ਅਤੇ ਹੋਰ ਕਈ ਪ੍ਰਸਿੱਧ ਅਦਾਕਾਰਾ ਨੇਂ ਆਪਣੀ ਭੂਮਿਕਾ ਨਿਭਾਈ ਹੈ | ਦੱਸ ਦਈਏ ਕਿ ਇਸ ਫਿਲਮ ਦੀ ਕਹਾਣੀ ਪੰਜਾਬੀ ਦੇ ਲੋਕ ਨਾਚ " ਭੰਗੜੇ " ਤੇ ਅਧਾਰਿਤ ਹੈ |

ਕਿਉਂਕਿ ਅਮਰਿੰਦਰ ਗਿੱਲ ਭੰਗੜੇ ਤੋਂ ਹੀ ਗਾਇਕੀ ਵੱਲ ਆਏ ਹਨ ਅਤੇ ਉਹ ਵੀ ਭੰਗੜੇ ਤੇ ਮੂਵੀ ਕਰਨਾ ਚਾਉਂਦੇ ਸਨ | ਇਸ ਫ਼ਿਲਮ ਦੇ ਨਿਰਮਾਤਾ " ਰਿਦਮ ਬੁਆਏਜ਼ " ਅਤੇ " ਹੇਅਰ ਓਮਜੀ ਸਟੂਡੀਓਜ਼ " ਹਨ | ਇਹਨਾਂ ਵੱਲੋ ਬਣਾਈ ਗਈ ਫ਼ਿਲਮ " ਗੋਲਕ, ਬੁਗਨੀ, ਬੈਂਕ ਤੇ ਬਟੂਆ " ਨੇ ਬਹੁਤ ਧੁੱਮਾਂ ਪਾਈਆਂ ਸਨ | ਜੇਕਰ ਆਪਾਂ " ਰਿਦਮ ਬੁਆਏਜ਼ " ਦੀ ਗੱਲ ਕਰੀਏ ਤਾਂ ਇਹਨਾਂ ਦੇ ਕੰਮ ਕਰਨ ਦਾ ਵੀ ਇੱਕ ਵੱਖਰਾ ਤਰੀਕਾ ਹੈ |

ਜੇਕਰ ਵੇਖਿਆ ਜਾਵੇ ਤਾਂ ਹਰ ਫ਼ਿਲਮ ਦਾ ਪ੍ਰਚਾਰ ਫ਼ਿਲਮ ਰਿਲੀਜ਼ ਹੋਣ ਤੋਂ  ਇੱਕ ਮਹੀਨਾ ਪਹਿਲਾਂ ਹੀ ਕਰ ਦਿੱਤਾ ਜਾਂਦਾ ਹੈ ਪਰ " ਰਿਦਮ ਬੁਆਏਜ਼ " ਦੀਆ ਫਿਲਮਾਂ ਦਾ ਪ੍ਰਚਾਰ ਦਸ ਦਿਨ ਪਹਿਲਾਂ ਸ਼ੁਰੂ ਹੁੰਦਾ ਹੈ ਅਤੇ ਇਸੇ ਤਰਾਂ ਫ਼ਿਲਮ " ਅਸ਼ਕੇ " ਦਾ ਟ੍ਰੇਲਰ ਵੀ ਅਜੇ ਤੱਕ ਜਾਰੀ ਨਹੀਂ ਕੀਤਾ ਗਿਆ | ਤੁਹਾਨੂੰ ਦੱਸ ਦਈਏ ਕਿ ਇਸ ਫ਼ਿਲਮ ਦੀ ਸ਼ੂਟਿੰਗ ਅਮ੍ਰਿਤਸਰ ਅਤੇ ਕੈਨੇਡਾ ਵੀ ਕੀਤੀ ਹੈ | ਉੱਮੇਡੀ ਹੈ ਕਿ ਬਾਕੀ ਫ਼ਿਲਮ ਵਾਂਗੂ ਇਹ ਵੀ ਹਿੱਟ ਫ਼ਿਲਮ ਹੋਵੇਗੀ |