ਪਾਕਿਸਤਾਨ ਦੇ ਸਾਬਕਾ ਬੱਲੇਬਾਜ਼ ਦਾ ਸਿੱਖ ਧਰਮ ‘ਤੇ ਵਿਵਾਦਿਤ ਬਿਆਨ, ਬੁਰੀ ਤਰ੍ਹਾਂ ਭੜਕੇ ਹਰਭਜਨ ਸਿੰਘ ਕਿਹਾ ‘ਲੱਖ ਦੀ ਲਾਹਣਤ, ਸਿੱਖਾਂ ਨੇ ਤੁਹਾਡੀ ਮਾਂਵਾਂ, ਭੈਣਾਂ ਨੂੰ….’

ਪਾਕਿਸਤਾਨ ਕ੍ਰਿਕੇਟ ਦੇ ਸਾਬਕਾ ਬੱਲੇਬਾਜ਼ ਕਾਮਰਾਨ ਅਕਮਲ (Kamran Akamal)ਨੇ ਸਿੱਖ ਧਰਮ ‘ਤੇ ਵਿਵਾਦਿਤ ਬਿਆਨ ਦਿੱਤਾ ਹੈ। ਕਾਮਰਾਨ ਨੇ ਇੱਕ ਟੀਵੀ ਸ਼ੋਅ ‘ਤੇ ਭਾਰਤ ਤੇ ਪਾਕਿਸਤਾਨ ਦੇ ਦਰਮਿਆਨ ਟੀ-੨੦ ਵਿਸ਼ਵ ਕੱਪ ਮਹਾਮੁਕਾਬਲੇ ਨੂੰ ਲੈ ਕੇ ਚਰਚਾ ਹੋ ਰਹੀ ਸੀ ।ਜਿਸ ‘ਚ ਕਾਮਰਾਨ ਅਕਮਲ ਦੀ ਭਾਰਤੀ ਕ੍ਰਿਕੇਟਰ ਅਰਸ਼ਦੀਪ ਸਿੰਘ ਨੂੰ ਲੈ ਕੇ ਗੱਲਬਾਤ ਹੋ ਰਹੀ ਸੀ ਤਾਂ ਕਾਮਰਾਨ ਨੇ ਮਜ਼ਾਕ ਉਡਾਉਣ ਦੇ ਅੰਦਾਜ਼ ‘ਚ ਕਿਹਾ ‘ਅਬ ਤੋ ਬਾਰਾਂ ਬਜ ਗਏ’। ਇਸ ਤੋਂ ਬਾਅਦ ਉੱਚੀ ਉੱਚੀ ਹੱਸਣ ਲੱਗ ਪਏ। ਜਿਸ ਤੋਂ ਬਾਅਦ ਹਰਭਜਨ ਸਿੰਘ ਭੜਕ ਗਏ । 

ਹੋਰ ਪੜ੍ਹੋ  : ‘ਅੱਜ ਕੱਲ੍ਹ ਬੱਚੇ ਇਜਾਜ਼ਤ ਨਹੀਂ ਲੈਂਦੇ’ ਸੋਨਾਕਸ਼ੀ ਸਿਨ੍ਹਾ ਦੇ ਵੱਲੋਂ ਜ਼ਹੀਰ ਇਕਬਾਲ ਦੇ ਨਾਲ ਵਿਆਹ ‘ਤੇ ਬੋਲੇ ਸੋਨਾਕਸ਼ੀ ਦੇ ਪਿਤਾ ਸ਼ਤਰੂਘਨ ਸਿਨ੍ਹਾ

ਹਰਭਜਨ ਸਿੰਘ ਨੇ ਲਗਾਈ ਕਲਾਸ

ਹਰਭਜਨ ਸਿੰਘ ਨੇ ਇਸ ਮੁੱਦੇ ਨੂੰ ਲੈ ਕੇ ਕਾਮਰਾਨ ਦੀ ਕਲਾਸ ਲਗਾ ਦਿੱਤੀ ਅਤੇ ਟਵੀਟ ਕੀਤਾ । ਹਰਭਜਨ ਸਿੰਘ ਨੇ ਲਿਖਿਆ ‘ਲੱਖ ਦੀ ਲਾਹਣਤ ਕਾਮਰਾਨ ਅਕਮਲ।ਮੂੰਹ ਖੋਲ੍ਹਣ ਤੋਂ ਪਹਿਲਾਂ ਸਿੱਖ ਇਤਿਹਾਸ ਪਤਾ ਹੋਣਾ ਚਾਹੀਦਾ ਹੈ ਅਸੀਂ ਸਿੱਖਾਂ ਨੇ ਹੀ ਤੁਹਾਡੀਆਂ ਮਾਂ, ਭੈਣਾਂ ਨੂੰ ਘੁਸਪੈਠੀਆਂ ਤੋਂ ਬਚਾਇਆ ।ਉਸ ਸਮੇਂ ਬਾਰਾਂ ਵੱਜ ਰਹੇ ਸੀ।ਤੁਹਾਨੂੰ ਸ਼ਰਮ ਆਉਣੀ ਚਾਹੀ ਹੈ। ਥੋੜਾ ਸ਼ੁਕਰ ਕਰੋ ਕਾਮਰਾਨ ਅਕਮਲ’। 

Lakh di laanat tere Kamraan Akhmal.. You should know the history of sikhs before u open ur filthy mouth. We Sikhs saved ur mothers and sisters when they were abducted by invaders, the time invariably was 12 o’clock . Shame on you guys.. Have some Gratitude @KamiAkmal23 😡😡🤬 https://t.co/5gim7hOb6f

— Harbhajan Turbanator (@harbhajan_singh) June 10, 2024

ਸਿੱਖ ਭਾਈਚਾਰੇ ਤੋਂ ਮੰਗੀ ਮੁਆਫੀ 

ਹਰਭਜਨ ਸਿੰਘ ਦੇ ਟਵੀਟ ਤੋਂ ਬਾਅਦ ਮਾਮਲੇ ਨੂੰ ਵੱਧਦਾ ਵੇਖ ਕੇ ਕਾਮਰਾਨ ਨੇ ਰਿਪਲਾਈ ਕੀਤਾ ਅਤੇ ਸਿੱਖ ਭਾਈਚਾਰੇ ਤੋਂ ਮੁਆਫੀ ਵੀ ਮੰਗੀ ।ਕਾਮਰਾਨ ਨੇ ਲਿਖਿਆ ‘ਮੈਂ ਆਪਣੇ ਹਾਲ ਹੀ ਦੇ ਕਮੈਂਟ ‘ਤੇ ਗਹਿਰਾ ਦੁੱਖ ਪ੍ਰਗਟ ਕਰਦਾ ਹਾਂ ਅਤੇ ਈਮਾਨਦਾਰੀ ਦੇ ਨਾਲ ਹਰਭਜਨ ਸਿੱਖ ਤੇ ਸਿੱਖ ਭਾਈਚਾਰੇ ਤੋਂ ਮੁਆਫੀ ਮੰਗਦਾ ਹਾਂ’। 

I deeply regret my recent comments and sincerely apologize to @harbhajan_singh and the Sikh community. My words were inappropriate and disrespectful. I have the utmost respect for Sikhs all over the world and never intended to hurt anyone. I am truly sorry. #Respect #Apology

— Kamran Akmal (@KamiAkmal23) June 10, 2024

- PTC PUNJABI