ਰਿਸ਼ੀ ਕਪੂਰ ਦੇ ਦਿਹਾਂਤ ਦੀ ਖ਼ਬਰ ਸੁਣਕੇ ਸਦਮੇ ’ਚ ਹੈ ਪਾਕਿਸਤਾਨ ਦੀ ਇਹ ਹੀਰੋਇਨ, ਸੋਸ਼ਲ ਮੀਡੀਆ ’ਤੇ ਆਖੀ ਵੱਡੀ ਗੱਲ …!

67 ਸਾਲ ਦੀ ਉਮਰ ਵਿੱਚ ਰਿਸ਼ੀ ਕਪੂਰ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ ਹਨ । ਬਾਲੀਵੁੱਡ ਵਿੱਚ ਰਿਸ਼ੀ ਕਪੂਰ ਅਜਿਹੇ ਸ਼ਖਸ ਸਨ ਜਿਹੜੇ ਹਮੇਸ਼ਾ ਲੋਕਾਂ ਨੂੰ ਹਸਾਉਂਦੇ, ਉਹਨਾਂ ਦਾ ਮੰਨੋਰੰਜਨ ਕਰਦੇ, ਇਸੇ ਲਈ ਹਰ ਕੋਈ ਉਹਨਾਂ ਦਾ ਫੈਨ ਹੋ ਜਾਂਦਾ । ਰਿਸ਼ੀ ਕਪੂਰ ਦਾ ਇਸ ਤਰ੍ਹਾਂ ਦੁਨੀਆ ਤੋਂ ਚਲੇ ਜਾਣ ਨਾਲ ਹਰ ਇੱਕ ਨੂੰ ਉਹਨਾਂ ਦੀ ਕਮੀ ਮਹਿਸੂਸ ਹੋ ਰਹੀ ਹੈ । ਇਸ ਸਭ ਦੇ ਚੱਲਦੇ ਰਿਸ਼ੀ ਕਪੂਰ ਦੀ ਹੀਰੋਇਨ ਨੂੰ ਉਹਨਾਂ ਦੇ ਜਾਣ ਕੁਝ ਜ਼ਿਆਦਾ ਹੀ ਸਦਮਾ ਲੱਗਾ ਹੈ, ਜਿਵੇਂ ਉਸ ਦੇ ਪਰਿਵਾਰ ਦਾ ਮੈਂਬਰ ਹੀ ਇਸ ਦੁਨੀਆ ਤੋਂ ਚਲਾ ਗਿਆ ਹੋਵੇ ।

https://www.instagram.com/p/B_eLST-JIBl/

ਰਿਸ਼ੀ ਕਪੂਰ ਦੀ ਇਹ ਹੀਰੋਇਨ ਗਵਾਂਢੀ ਮੁਲਕ ਪਾਕਿਸਤਾਨ ਦੀ ਹੈ । ਜਿਸ ਦਾ ਨਾਲ ਜ਼ੇਬਾ ਬਖਤਿਆਰ ਹੈ ।ਜ਼ੇਬਾ ਬਖਤਿਆਰ ਨੂੰ 1991 ਵਿੱਚ ਆਈ ਫ਼ਿਲਮ ‘ਹਿਨਾ’ ਵਿੱਚ ਦੇਖਿਆ ਗਿਆ ਸੀ । ਰਿਸ਼ੀ ਕਪੂਰ ਦੀ ਮੌਤ ਤੋਂ ਬਾਅਦ ਜ਼ੇਬਾ ਨੇ ਆਪਣੇ ਦੁਖ ਦਾ ਪ੍ਰਗਟਾਵਾ ਸੋਸ਼ਲ ਮੀਡੀਆ ਤੇ ਇੱਕ ਇੰਟਰਵਿਊ ‘ਚ ਕੀਤਾ ਹੈ । ਇੰਟਰਵਿਊ ਵਿੱਚ ਜ਼ੇਬਾ ਨੇ ਕਿਹਾ ਹੈ ਕਿ ‘ਅਸੀਂ ਫੋਨ ਕਾਲ ਤੇ ਮੈਸੇਜ ਨਾਲ ਜੁੜੇ ਹੋਏ ਸੀ । ਰਿਸ਼ੀ ਕਪੂਰ ਦੇ ਦਿਹਾਂਤ ਤੋਂ ਦੋ ਦਿਨ ਪਹਿਲਾਂ ਹੀ ਉਹਨਾਂ ਦੇ ਭਰਾ ਰਣਧੀਰ ਕਪੂਰ ਨੇ ਮੈਸੇਜ ਕਰ ਕੇ ਦੱਸਿਆ ਸੀ ਕਿ ਉਹ ਠੀਕ ਹੋ ਰਹੇ ਹਨ ।

https://www.instagram.com/p/B-ITU2NpFA9/

ਜ਼ੇਬਾ ਨੇ ਦੱਸਿਆ ਕਿ ਜਦੋਂ ਮੋਬਾਈਲ ਸੇਵਾ ਉਪਲੱਬਧ ਨਹੀਂ ਸੀ, ਉਦੋਂ ਵੀ ਉਹ ਕਪੂਰ ਪਰਿਵਾਰ ਖ਼ਾਸ ਤੌਰ ਤੇ ਰਿਸ਼ੀ ਕਪੂਰ ਦੇ ਟੱਚ ਵਿੱਚ ਰਹਿੰਦੀ ਸੀ । ਜ਼ੇਬਾ ਨੇ ਦੱਸਿਆ ਕਿ ਜਦੋਂ ਲੈਂਡ ਲਾਈਨ ਸੀ ਉਦੋਂ ਉਹ ਖ਼ਾਸ ਮੌਕਿਆਂ ਤੇ ਰਿਸ਼ੀ ਕਪੂਰ ਨੂੰ ਜ਼ਰੂਰ ਫੋਨ ਕਰਦੀ ਸੀ । ਇਸ ਤੋਂ ਬਾਅਦ ਵਾਟਸਐਪ ਦਾ ਟ੍ਰੈਂਡ ਚੱਲਿਆ ਤਾਂ ਉਹ ਮੇਰੇ ਨਾਲ ਸੰਪਰਕ ਕਰਨ ਲੱਗੇ ।

https://www.instagram.com/p/B9YdW40prh1/

ਏਨਾਂ ਹੀ ਨਹੀਂ ਜਦੋਂ ਵੀ ਰਣਬੀਰ ਕਪੂਰ ਦੀ ਕੋਈ ਫ਼ਿਲਮ ਰਿਲੀਜ਼ ਹੁੰਦੀ ਤਾਂ ਉਹ ਮੈਨੂੰ ਮੈਸੇਜ ਕਰਦੇ ਸੀ ਤੇ ਮੈਂ ਵੀ ਰਣਬੀਰ ਦੀ ਫ਼ਿਲਮ ਦੇਖਣ ਜਾਇਆ ਕਰਦੀ ਸੀ’ । ਇੱਥੇ ਹੀ ਬਸ ਨਹੀਂ ਜ਼ੇਬਾ ਨੇ ਰਿਸ਼ੀ ਕਪੂਰ ਦੀ ਮੌਤ ਤੇ ਟਵੀਟ ਵੀ ਕੀਤਾ ਹੈ ਉਹਨਾਂ ਨੇ ਲਿਖਿਆ ਹੈ ‘ਮੈਂ ਸੁਣਿਆ ਹੈ ਕਿ ਮੇਰੇ ਪਿਆਰੇ ਦੋਸਤ ਰਿਸ਼ੀ ਕਪੂਰ ਨਹੀਂ ਰਹੇ । ਇਹ ਸੁਣ ਕੇ ਹੈਰਾਨ ਹਾਂ । ਵਕਤ ਕਿੰਨੀ ਛੇਤੀ ਬੀਤ ਜਾਂਦਾ ਹੈ ।

https://www.instagram.com/p/B7xj3XhhXcs/

ਇਸ ਤਰ੍ਹਾਂ ਲੱਗਦਾ ਹੈ ਕਿ ਇੱਕ ਦਿਨ ਪਹਿਲਾਂ ਹੀ ਹਿਨਾ ਦੀ ਸ਼ੂਟਿੰਗ ਕੀਤੀ ਹੈ । ਮੈਂ ਤੁਹਾਨੂੰ ਹਮੇਸ਼ਾ ਯਾਦ ਕਰਾਂਗੀ ਤੇ ਹਮੇਸ਼ਾ ਪਿਆਰ ਕਰਾਂਗੀ । ਇਸ ਨੁਕਸਾਨ ਨੂੰ ਸਹਿ ਪਾਉਣਾ ਬਹੁਤ ਮੁਸ਼ਕਿਲ ਹੈ । ਤੁਸੀਂ ਸਾਡੇ ਲਈ ਸੂਪਰ ਸਟਾਰ ਸੀ । ਤੁਹਾਡੀ ਆਤਮਾ ਨੂੰ ਸ਼ਾਂਤੀ ਮਿਲੇ ਮੇਰੇ ਚੰਦਰ ਪ੍ਰਕਾਸ਼ । ਤੁਸੀਂ ਹਮੇਸ਼ਾ ਸਾਡੇ ਦਿਲ ਵਿੱਚ ਰਹੋਗੇ । ਸ਼ੂਟਿੰਗ ਦੇ ਦੌਰਾਨ ਤੁਸੀਂ ਜੋ ਵੀ ਮੈਨੂੰ ਸਿਖਾਇਆ ਉਸ ਲਈ ਧੰਨਵਾਦ । ਇਸ ਤੋਂ ਜ਼ਿਆਦਾ ਕੁਝ ਨਹੀਂ ਲਿਖ ਸਕਦੀ । ਤੁਹਾਡੀ ਆਪਣੀ ਹਿਨਾ’ ।

https://twitter.com/ZebaBakhtiar1/status/1255744013073895425