ਬਨਾਰਸ ਦੀਆਂ ਗਲੀਆਂ ਵਿੱਚ ਇਸ ਤਰ੍ਹਾਂ ਮਸਤੀ ਕਰਦੀ ਦਿਖੀ ਅਦਾਕਾਰਾ ਸਾਰਾ ਅਲੀ ਖ਼ਾਨ, ਲੱਖਾਂ ਲੋਕਾਂ ਨੇ ਦੇਖਿਆ ਵੀਡੀਓ

ਬਾਲੀਵੁੱਡ ਅਦਾਕਾਰਾ ਸਾਰਾ ਅਲੀ ਖ਼ਾਨ ਏਨੀਂ ਦਿਨੀਂ ਆਪਣੀ ਆਉਣ ਵਾਲੀ ਫ਼ਿਲਲ ਦੀ ਸ਼ੂਟਿੰਗ ਵਿੱਚ ਬਿਜੀ ਹੈ । ਸਾਰਾ ਬਨਾਰਸ ਵਿੱਚ ਫ਼ਿਲਮ ‘ਅਤਰੰਗੀ ਰੇ’ ਦੀ ਸ਼ੂਟਿੰਗ ਕਰ ਰਹੀ ਹੈ । ਬੀਤੇ ਦਿਨ ਉਹਨਾਂ ਨੇ ਇੱਕ ਪੋਸਟ ਸ਼ੇਅਰ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਸੀ । ਇਸ ਸਭ ਦੇ ਚਲਦੇ ਉਹਨਾਂ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਉਹ ਬਨਾਰਸ ਦੀਆਂ ਗਲੀਆ ਵਿੱਚ ਘੁੰਮਦੀ ਹੋਈ ਨਜ਼ਰ ਆ ਰਹੀ ਹੈ ।

https://www.instagram.com/p/B9wgYRmpPH7/

ਸਾਰਾ ਨੇ ਇਸ ਵੀਡੀਓ ਵਿੱਚ ਸੂਟ ਪਾਇਆ ਹੋਇਆ ਹੈ, ਮੱਥੇ ਤੇ ਤਿਲਕ ਲਗਾਇਆ ਹੈ ਤੇ ਗਲ ਵਿੱਚ ਮਾਲਾ ਪਹਿਨੀ ਹੋਈ ਹੈ । ਵੀਡੀਓ ਵਿੱਚ ਸਾਰਾ ਕਹਿ ਰਹੀ ਹੈ ਕਿ ਉਹ ਬਨਾਰਸ ਦੀ ਵਿਸ਼ਵਨਾਥ ਗਲੀ ਵਿੱਚ ਹੈ, ਇਸ ਦੇ ਨਾਲ ਹੀ ਉਹ ਕੁਝ ਚੀਜਾਂ ਦਾ ਬਿਓਰਾ ਵੀ ਦਿੰਦੀ ਹੈ । ਇਸ ਤੋਂ ਬਾਅਦ ਸਾਰਾ ਦੁਕਾਨ ਵਿੱਚੋਂ ਰੰਗ ਬਰੰਗੀਆਂ ਚੂੜੀਆਂ ਖਰੀਦਦੀ ਹੈ ।

ਇਸ ਵੀਡੀਓ ਦੀ ਖ਼ਾਸ ਗੱਲ ਇਹ ਹੈ ਕਿ ਬਨਾਰਸ ਵਿੱਚ ਘੁੰਮਦੇ ਹੋਏ ਸਾਰਾ ਨੂੰ ਕੋਈ ਪਹਿਚਾਣਦਾ ਨਹੀਂ । ਸਾਰਾ ਦੀ ਇਹ ਵੀਡੀਓ ਖੂਬ ਵਾਇਰਲ ਹੋ ਰਹੀ ਹੈ, ਇਸ ਨੂੰ ਪਸੰਦ ਵੀ ਕੀਤਾ ਜਾ ਰਿਹਾ ਹੈ । ਇਸ ਤੋਂ ਪਹਿਲਾਂ ਸਾਰਾ ਆਪਣੀ ਮਾਂ ਦੇ ਨਾਲ ਗੰਗਾ ਆਰਤੀ ਵਿੱਚ ਵੀ ਸ਼ਾਮਿਲ ਹੋਈ ਸੀ । ਸਾਰਾ ਤੇ ਅੰਮ੍ਰਿਤਾ ਸਿੰਘ ਨੇ ਮਾਂ ਗੰਗਾ ਦੀ ਵੈਦਿਕ ਰੀਤੀ ਰਿਵਾਜ਼ਾ ਦੇ ਨਾਲ ਪੂਜਾ ਕੀਤੀ ਸੀ ।

ਆਰਤੀ ਦੇ ਦੌਰਾਨ ਹੀ ਸਾਰਾ ਤੇ ਅੰਮ੍ਰਿਤਾ ਨੇ ਸੈਲਫੀ ਵੀ ਲਈ ਸੀ । ਮੰਦਰ ਦੇ ਅੰਦਰ ਲੋਕਾਂ ਤੋਂ ਬਚਣ ਲਈ ਅੰਮ੍ਰਿਤਾ ਤੇ ਸਾਰਾ ਨੇ ਮਾਸਕ ਵੀ ਪਾਇਆ ਸੀ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਆਨੰਦ ਐੱਲ ਰਾਏ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ਫ਼ਿਲਮ ‘ਅਤਰੰਗੀ ਰੇ’ ਦੀ ਸ਼ੂਟਿੰਗ ਚਾਰ ਮਾਰਚ ਨੂੰ ਕਾਸ਼ੀ ਸਟੇਸ਼ਨ ਤੇ ਸ਼ੁਰੂ ਹੋਈ ਸੀ । ਤਿੰਨ ਦਿਨ ਦੀ ਸ਼ੂਟਿੰਗ ਤੋਂ ਬਾਅਦ ਇਸ ਦਾ ਸੈੱਟ ਚੰਦਾਲੀ ਵਿੱਚ ਬਣਾਇਆ ਗਿਆ ਸੀ ।