ਅੱਜ ਹੈ ਸ਼ਕਤੀ ਕਪੂਰ ਦਾ ਜਨਮ ਦਿਨ, ਜਨਮ ਦਿਨ ’ਤੇ ਜਾਣੋਂ ਕਿਸ ਤਰ੍ਹਾਂ ਦਾ ਸੀਨ ਦੇਖ ਭੜਕ ਗਈ ਸੀ ਸ਼ਕਤੀ ਦੀ ਮਾਂ

ਬਾਲੀਵੁੱਡ ਦੇ ਸਭ ਤੋਂ ਵੱਡੇ ਵਿਲੇਨ ਸ਼ਕਤੀ ਕਪੂਰ 68 ਸਾਲ ਦੇ ਹੋ ਗਏ ਹਨ । ਉਹਨਾਂ ਦਾ ਜਨਮ 3 ਸਤੰਬਰ ਨੂੰ ਦਿੱਲੀ ਵਿੱਚ ਹੋਇਆ ਸੀ । ਸ਼ਕਤੀ ਕਪੂਰ ਜਿੰਨਾ ਆਪਣੀ ਖਲਨਾਇਕੀ ਲਈ ਜਾਣੇ ਜਾਂਦੇ ਹਨ ਓਨੇਂ ਹੀ ਕਮੇਡੀ ਲਈ ਵੀ ਜਾਣੇ ਜਾਂਦੇ ਹਨ । ਉਹਨਾਂ ਦਾ ਅਸਲੀ ਨਾਂਅ ਸੁਨੀਲ ਸਿਕੰਦਰ ਲਾਲ ਕਪੂਰ ਹੈ । ਉਹਨਾਂ ਦੇ ਪਿਤਾ ਟੇਲਰ ਸਨ । ਉਹ ਚਾਹੁੰਦੇ ਸਨ ਕਿ ਸ਼ਕਤੀ ਵੀ ਉਹਨਾਂ ਦੇ ਕੰਮ ਵਿੱਚ ਹੱਥ ਵਟਾਵੇ ਪਰ ਉਹਨਾਂ ਨੂੰ ਇਹ ਕੰਮ ਪਸੰਦ ਨਹੀਂ ਸੀ ।

https://www.instagram.com/p/B3TWINDAip3/

ਉਹ ਟ੍ਰੈਵਲ ਏਜੰਟ ਬਣਨਾ ਚਾਹੁੰਦੇ ਸਨ । ਉਹਨਾਂ ਦੀ ਪਹਿਲੀ ਫ਼ਿਲਮ ਕੁਰਬਾਨੀ ਸੀ । ਇਸ ਫ਼ਿਲਮ ਵਿੱਚ ਉਹਨਾਂ ਨੇ ਵਿਲੇਨ ਦਾ ਕਿਰਦਾਰ ਨਿਭਾਇਆ ਸੀ । ਇਸ ਫ਼ਿਲਮ ਵਿੱਚ ਉਹਨਾਂ ਨੂੰ ਕੰਮ ਇੱਕ ਐਕਸੀਡੇਂਟ ਕਰਕੇ ਮਿਲਿਆ ਸੀ ।

https://www.instagram.com/p/CDf40AeJLOB/

ਦਰਅਸਲ ਸ਼ਕਤੀ ਕਪੂਰ ਦੀ ਕਾਰ ਦੀ ਟੱਕਰ ਫ਼ਿਰੋਜ਼ ਖ਼ਾਨ ਦੀ ਕਾਰ ਨਾਲ ਹੋ ਗਈ ਸੀ । ਇਸ ਦੌਰਾਨ ਫ਼ਿਰੋਜ਼ ਖ਼ਾਨ ਨੂੰ ਸ਼ਕਤੀ ਦਾ ਚਿਹਰਾ ਏਨਾਂ ਪਸੰਦ ਆਇਆ ਕਿ ਉਹਨਾਂ ਨੇ ਉਸ ਨੂੰ ਫ਼ਿਲਮ ਵਿੱਚ ਰੋਲ ਆਫਰ ਕਰ ਦਿੱਤਾ ।

ਸ਼ਕਤੀ ਕਪੂਰ ਨੇ ਸ਼ਿਵਾਂਗੀ ਕੋਹਲਾਪੁਰੀ ਨਾਲ ਵਿਆਹ ਕਰਵਾਇਆ ਹੈ, ਦੋਹਾਂ ਦੀ ਮੁਲਾਕਾਤ ਫ਼ਿਲਮ ਦੇ ਇੱਕ ਸੈੱਟ ਤੇ ਹੋਈ ਸੀ । ਉਹਨਾਂ ਦੇ ਦੋ ਬੱਚੇ ਹਨ ਸ਼ਰਧਾ ਕਪੂਰ ਤੇ ਸਿਧਾਂਤ ਕਪੂਰ । ਕਹਿੰਦੇ ਹਨ ਕਿ ਇੱਕ ਵਾਰ ਸ਼ਕਤੀ ਆਪਣੇ ਮਾਤਾ ਪਿਤਾ ਨੂੰ ਆਪਣੀ ਫ਼ਿਲਮ ਦਿਖਾਉਣ ਲਈ ਲੈ ਗਏ ਸਨ । ਇਸ ਫ਼ਿਲਮ ਵਿੱਚ ਉਹਨਾਂ ਨੇ ਇੱਕ ਰੇਪ ਸੀਨ ਕੀਤਾ ਸੀ । ਜਿਸ ਕਰਕੇ ਉਹਨਾਂ ਦੀ ਮਾਂ ਉਹਨਾਂ ਤੋਂ ਨਰਾਜ਼ ਹੋ ਗਈ ਸੀ ਤੇ ਪਿਤਾ ਨੇ ਵੀ ਉਹਨਾਂ ਨੂੰ ਫਟਕਾਰ ਲਗਾਈ ਸੀ ।

https://www.instagram.com/p/BlVikQpFteS/