ਅਮਰੀਕਾ ਤੋਂ ਆਈ ਮੂਸੇਵਾਲਾ ਦੀ ਫੀਮੇਲ ਫੈਨ ਨੂੰ ਮਿਲਕੇ ਭਾਵੁਕ ਹੋਈ ਮਾਤਾ ਚਰਨ ਕੌਰ; ਦੋਵਾਂ ਬਾਹਾਂ 'ਤੇ ਨਜ਼ਰ ਆਏ ਸਿੱਧੂ ਲਈ ਗੁੰਦਵਾਏ ਟੈਟੂ

Sidhu Moose Wala's mother gets emotional : ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਭਾਵੇਂ ਇਸ ਸੰਸਾਰ ਤੋਂ ਰੁਖਸਤ ਹੋ ਗਿਆ ਹੈ, ਪਰ ਉਸਦੇ ਚਾਹੁਣ ਵਾਲਿਆਂ ਵਿੱਚ ਕੋਈ ਵੀ ਕਮੀ ਨਹੀਂ ਆਈ ਹੈ। ਸਿੱਧੂ ਮੂਸੇਵਾਲਾ ਦੇ ਫੈਨਜ਼ ਦੇ ਸਿਰਾਂ ਉੱਤੇ ਅੱਜ ਵੀ ਸਿੱਧੂ ਦਾ ਖੁਮਾਰ ਬੋਲਦਾ ਹੈ। ਸਿੱਧੂ ਲਈ ਫੈਨਜ਼ ਦੇ ਦੀਵਾਨਗੀ ਦੇਖਕੇ ਹਰ ਕੋਈ ਹੈਰਾਨ ਤੇ ਭਾਵੁਕ ਹੋ ਜਾਂਦਾ ਹੈ। ਅਜਿਹਾ ਹੀ ਹੋਇਆ ਜਦੋਂ ਮਾਤਾ ਚਰਨ ਕੌਰ ਨੂੰ ਅਮਰੀਕਾ ਤੋਂ ਇੱਕ ਫੀਮੈਨ ਫੈਨ ਮਿਲਣ ਪਹੁੰਚੀ। ਉਸ ਨੇ ਸਿੱਧੂ ਦੀ ਮੰਮੀ ਨੂੰ ਆਪਣੀ ਬਾਹਾਂ ਉੱਤੇ ਬਣੇ ਟੈਟੂ ਦਿਖਾਏ ਤਾਂ ਮਾਤਾ ਕੁਝ ਭਾਵੁਕ ਹੋ ਗਈ । ਉਨ੍ਹਾਂ ਦੀਆਂ ਅੱਖਾਂ ਵਿੱਚੋਂ ਹੰਝੂ ਝਲਕ ਗਏ। ਸੋਸ਼ਲ ਮੀਡੀਆ ਉੱਤੇ ਤਸਵੀਰ ਵਾਇਰਲ ਹੋ ਰਹੀਆਂ ਹਨ।

image source: Instagram

ਹੋਰ ਪੜ੍ਹੋ : ਨਾ ਤਾਂ ਸਿੰਦੂਰ ਤੇ ਨਾ ਹੀ ਮੰਗਲਸੂਤਰ, ਵਿਆਹ ਤੋਂ ਬਾਅਦ ਅਜਿਹੇ ਲੁੱਕ 'ਚ ਨਜ਼ਰ ਆਉਣ 'ਤੇ ਆਥੀਆ ਸ਼ੈੱਟੀ 'ਤੇ ਭੜਕੇ ਲੋਕ

image source: Instagram  

ਸਿੱਧੂ ਮੂਸੇਵਾਲਾ ਦੇ ਗੀਤ ਦੇ ਬੋਲ ਸੁੱਚ ਹੁੰਦੇ ਹੋਏ

"ਗੋਲੀ ਵੱਜੀ ਤੇ ਤੂੰ ਸੋਚੀ ਨਾ ਮੈਂ ਮੁੱਕ ਜਾਊਂਗਾ, ਮੇਰੇ ਯਾਰਾਂ ਦੀਆਂ ਬਾਹਾਂ 'ਤੇ ਮੇਰੇ ਟੈਟੂ ਬਣਨੇ।" ਇਹ ਬੋਲ ਸਿੱਧੂ ਦੇ ਗੀਤ ਦੇ ਨੇ, ਜਿਨ੍ਹਾਂ ਨੂੰ ਉਸਦੇ ਫੈਨਜ਼ ਸੱਚ ਕਰਕੇ ਦਿਖਾ ਰਹੇ ਹਨ। ਸਿੱਧੂ ਦੇ ਪ੍ਰਸ਼ੰਸਕ ਜੋ ਲਗਾਤਾਰ ਸਿੱਧੂ ਮੂਸੇਵਾਲਾ ਦੇ ਟੈਟੂ ਆਪਣੇ ਸਰੀਰ 'ਤੇ ਬਣਾ ਕੇ ਸਿੱਧੂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ।

image source: Instagram

ਲੜਕੀ ਨੇ ਬਾਹਾਂ ‘ਤੇ ਗੁੰਦਵਾਏ ਟੈਟੂ

ਤਸਵੀਰਾਂ ਵਿੱਚ ਦੇਖ ਸਕਦੇ ਹੋ ਅਮਰੀਕੀ ਲੜਕੀ ਨੇ ਆਪਣੀ ਇੱਕ ਬਾਂਹ ਉਪਰ ਸਿੱਧੂ ਦੀ ਤਸਵੀਰ ਵਾਲਾ ਟੈਟੂ ਗੁੰਦਵਾਇਆ ਹੋਇਆ ਹੈ ਅਤੇ ਦੂਜੀ ਬਾਂਹ 'ਤੇ ਸਿੱਧੂ ਦੇ ਬੋਲਾਂ ਦਾ ਟੈਟੂ ਬਣਾਇਆ ਹੋਇਆ ਹੈ।

image source: Instagram

ਦੱਸ ਦਈਏ ਸਿੱਧੂ ਮੂਸੇਵਾਲਾ ਦਾ ਕਤਲ ਪਿਛਲੇ ਸਾਲ 29 ਮਈ ਨੂੰ ਗੋਲੀਆਂ ਮਾਰ ਕੇ ਕਰ ਦਿੱਤਾ ਗਿਆ ਸੀ। ਸਿੱਧੂ ਮੂਸੇਵਾਲਾ ਦੀ ਮੌਤ ਦੀ ਖਬਰ ਨੇ ਹਰ ਇੱਕ ਝੰਜੋੜ ਕੇ ਰੱਖ ਦਿੱਤਾ ਸੀ। ਸਿੱਧੂ ਮੂਸੇਵਾਲਾ ਦੇ ਫੈਨਜ਼ ਦੀ ਵੀ ਇਹੀ ਮੰਗ ਹੈ ਕਿ ਸਰਕਾਰ ਸਿੱਧੂ ਮੂਸੇਵਾਲਾ ਦੇ ਪਰਿਵਾਰ ਨੂੰ ਇਨਸਾਫ਼ ਦਿਵਾਏ ਅਤੇ ਜੋ ਸਿੱਧੂ ਮੂਸੇਵਾਲਾ ਦੇ ਕਤਲਕਾਂਡ ਦੇ ਮਾਸਟਰ ਮਾਈਂਡ ਨੇ ਉਨ੍ਹਾਂ ਨੂੰ ਸਜ਼ਾ ਮਿਲੇ।

image source: Instagram