ਸੰਨੀ ਦਿਓਲ ਨੇ ਆਪਣੇ ਬੇਟੇ ਕਰਨ ਦਿਓਲ ਲਈ ਦਿਲ 'ਤੇ ਧਰਿਆ ਪੱਥਰ
90 ਦੇ ਦਹਾਕੇ ਵਿੱਚ ਗਾਇਲ, ਘਾਤਕ ਅਤੇ ਦਾਮਿਨੀ ਵਰਗੀਆਂ ਹਿੱਟ ਫ਼ਿਲਮਾਂ ਦੇ ਕੇ ਸੰਨੀ ਦਿਓਲ ਤੇ ਰਾਜਕੁਮਾਰ ਸੰਤੋਸ਼ੀ ਨੇ ਬਾਲੀਵੁੱਡ ਵਿੱਚ ਆਪਣਾ ਦਬਦਬਾ ਬਣਾਇਆ ਸੀ । ਪਰ ਕੁਝ ਸਮੇਂ ਬਾਅਦ ਕਿਸੇ ਗੱਲ ਨੂੰ ਲੈ ਕੇ ਦੋਹਾਂ ਵਿੱਚ ਦੂਰੀਆਂ ਵੱਧ ਗਈਆਂ ਸਨ । ਪਰ ਹੁਣ ਇਹ ਦੂਰੀਆਂ ਖਤਮ ਹੋ ਗਈਆਂ ਹਨ । ਇਸ ਸਭ ਦੇ ਚਲਦੇ ਦੋਹਾਂ ਨੇ ਇੱਕ ਫ਼ਿਲਮ ਬਨਾਉਣ ਦੀ ਤਿਆਰੀ ਕੀਤੀ ਹੈ । ਪਰ ਸੰਨੀ ਨੇ ਆਪਣੇ ਬੇਟੇ ਲਈ ਇਸ ਫ਼ਿਲਮ ਨੂੰ ਕੁਝ ਸਮੇਂ ਲਈ ਰੋਕ ਦਿੱਤਾ ਹੈ ।
sunny deol
ਰਾਜਕੁਮਾਰ ਸੰਤੋਸ਼ੀ ਦੀ ਫ਼ਿਲਮ ਦੀ ਕਹਾਣੀ ਫਤਿਹ ਸਿੰਘ 'ਤੇ ਅਧਾਰਿਤ ਹੈ । ਇਹ ਇੱਕ ਕਾਲਪਨਿਕ ਕਿਰਦਾਰ ਹੈ । ਇਸ ਫ਼ਿਲਮ ਦੀ ਇਸੇ ਸਾਲ ਫਰਵਰੀ ਵਿੱਚ ਸ਼ੂਟਿੰਗ ਸ਼ੁਰੂ ਹੋਣੀ ਸੀ ਪਰ ਇਸ ਤਰ੍ਹਾਂ ਨਹੀਂ ਹੋਇਆ । ਸੰਨੀ ਦਿਓਲ ਆਪਣੇ ਬੇਟੇ ਕਰਨ ਦੀ ਫ਼ਿਲਮ 'ਤੇ ਪੂਰਾ ਧਿਆਨ ਦੇ ਰਹੇ ਹਨ । ਸੰਤੋਸ਼ੀ ਵੀ ਇਸ ਗੱਲ ਨੂੰ ਜਾਣਦੇ ਹਨ ।
Sunny-Deol, Rajkumar-Santoshi
ਉਹਨਾਂ ਦਾ ਕਹਿਣਾ ਹੈ ਕਿ ਕਰਨ ਉਹਨਾਂ ਦੇ ਪੁੱਤਰ ਵਰਗਾ ਹੈ, ਇਹ ਉਸ ਦੀ ਪਹਿਲੀ ਫ਼ਿਲਮ ਹੈ । ਸੰਤੋਸ਼ੀ ਮੁਤਾਬਿਕ ਉਹਨਾਂ ਦੀ ਫ਼ਿਲਮ ਦੀ ਪੋਸਟ ਪ੍ਰੋਡਕਸ਼ਨ ਦਾ ਕੰਮ ਪੂਰਾ ਹੋ ਗਿਆ ਹੈ । ਫਤਿਹ ਸਿੰਘ ਦੀ ਸ਼ੂਟਿੰਗ ਲੰਦਨ ਤੇ ਪੰਜਾਬ ਵਿੱਚ ਹੋਵੇਗੀ ।
Sunny-Deol
ਉਧਰ ਸੰਨੀ ਦਿਓਲ ਵੀ ਇਸ ਫ਼ਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ । ਪਰ ਜਦੋਂ ਤੱਕ ਕਰਨ ਦੀ ਫ਼ਿਲਮ ਰਿਲੀਜ਼ ਨਹੀਂ ਹੁੰਦੀ ਉਦੋਂ ਤੱਕ ਸੰਨੀ ਦਿਓਲ ਨੂੰ ਆਪਣੇ ਦਿਲ ਤੇ ਪੱਥਰ ਧਰਨਾ ਪਵੇਗਾ ।