ਟੀਵੀ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਅਨਿਰੁਧ ਦਵੇ ਦੀ ਕੋਰੋਨਾ ਕਾਰਨ ਵਿਗੜੀ ਹਾਲਤ, ਆਈ ਸੀ ਯੂ ‘ਚ ਭਰਤੀ
ਟੀਵੀ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਅਨਿਰੁਧ ਦਵੇ ਕੋਰੋਨਾ ਦੇ ਨਾਲ ਜੰਗ ਲੜ ਰਹੇ ਹਨ । ਅਨਿਰੁਧ ਦੀ ਤਬੀਅਤ ਜ਼ਿਆਦਾ ਵਿਗੜ ਗਈ ਹੈ । ਜਿਸ ਦੇ ਚੱਲਦੇ ਉਨ੍ਹਾਂ ਨੂੰ ਆਈਸੀਯੂ ‘ਚ ਭਰਤੀ ਕਰਵਾਇਆ ਗਿਆ ਹੈ ।ਉਸ ਦੀ ਪਤਨੀ ਸ਼ੁਭੀ ਨੇ ਅਨਿਰੁਧ ਦੇ ਹੋਰ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕੀਤਾ ਹੈ । ਇਸ ਵੀਡੀਓ ‘ਚ ਅਨਿਰੁਧ ਦੇ ਨਾਲ ਸ਼ੁਭੀ ਆਹੁਜਾ ਗਾਣਾ ਗਾਉਂਦੇ ਹੋਏ ਨਜ਼ਰ ਆ ਰਹੀ ਹੈ ।
ਹੋਰ ਪੜ੍ਹੋ : ਕਾਮੇਡੀਅਨ ਸੁਨੀਲ ਪਾਲ ਨੇ ਡਾਕਟਰਾਂ ਖਿਲਾਫ ਦਿੱਤਾ ਸੀ ਵਿਵਾਦਿਤ ਬਿਆਨ, ਮੁਆਫੀ ਮੰਗ ਕੇ ਛੁਡਾਇਆ ਖਹਿੜਾ
ਵੀਡੀਓ ਸਾਂਝਾ ਕਰਦੇ ਹੋਏ ਸ਼ੁਭੀ ਆਹੁਜਾ ਨੇ ਲਿਖਿਆ ਕਿ ‘ਤੂੰ ਹੀ ਸੁਰ, ਤੂੰ ਹੀ ਸੰਗੀਤ, ਤੂੰ ਹੀ ਸਾਥੀ, ਤੂੰ ਹੀ ਮੀਤ, ਤੇਰੇ ਨਾਲ ਹੀ ਸੱਜਦਾ ਹੈ ਮੇਰਾ ਜਹਾਨ, ਅਨਿਰੁਧ। ਸਾਥ ਦਿਓ ਅਨਿਰੁਧ ਅਸੀਂ ਜਿੱਤ ਜਾਵਾਂਗੇ ।ਅਨਿਸ਼ਕ ਬੁਲਾ ਰਿਹਾ ਹੈ, ਘਰ ਬੁਲਾ ਰਿਹਾ ਹੈ । ਹਾਲੇ ਲੰਮਾ ਸਫ਼ਰ ਤੈਅ ਕਰਨਾ ਹੈ ।
ਅਨਿਰੁਧ ਹਾਲੇ ਵੀ ਜੰਗ ਲੜ ਰਹੇ ਹਨ । ਸਾਨੂੰ ਤੁਹਾਡੀਆਂ ਦੁਆਵਾਂ ਦੀ ਜ਼ਰੂਰਤ ਹੈ’। ਦੱਸ ਦਈਏ ਕਿ ਅਨਿਰੁਧ ਪਿਛਲੇ ਕਈ ਦਿਨਾਂ ਤੋਂ ਕੋਰੋਨਾ ਵਾਇਰਸ ਦੇ ਨਾਲ ਪੀੜਤ ਹਨ ਅਤੇ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ।
View this post on Instagram
ਇਸ ਤੋਂ ਪਹਿਲਾਂ ਵੀ ਅਨਿਰੁਧ ਦੀ ਪਤਨੀ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆ ਸੀ ਕਿ ਅਨਿਰੁਧ ਕੋਰੋਨਾ ਨਾਲ ਪੀੜਤ ਹਨ ਅਤੇ ਹਸਪਤਾਲ ‘ਚ ਹਨ । ਪਰ ਹਾਲਤ ਜ਼ਿਆਦਾ ਖਰਾਬ ਹੋਣ ਕਾਰਨ ਉਨ੍ਹਾਂ ਨੂੰ ਆਈਸੀਯੂ ‘ਚ ਸ਼ਿਫਟ ਕੀਤਾ ਗਿਆ ਹੈ ।