ਪਿਆਰ ਤੇਰਾ ਪਿਆਰ,ਤੇਰਾ ਜੀਵੇ ਪਰਿਵਾਰ ਹੋਰ ਸਾਨੂੰ ਕੀ ਚਾਹੀਦਾ,ਮਾਂ ਨੂੰ ਯਾਦ ਕਰ ਭਾਵੁਕ ਹੋਏ ਵੀਤ ਬਲਜੀਤ 

ਵੀਤ ਬਲਜੀਤ ਜਿੱਥੇ ਵਧੀਆ ਗਾਇਕੀ ਨਾਲ ਸਭ ਦਾ ਦਿਲ ਜਿੱਤਦੇ ਨੇ,ਉੱਥੇ ਹੀ ਉਨ੍ਹਾਂ ਦੀ ਲੇਖਣੀ ਵੀ ਬਾਕਮਾਲ ਹੈ । ਵਿਸ਼ਾ ਕੋਈ ਵੀ ਹੋਵੇ ਹਰ ਵਿਸ਼ੇ 'ਤੇ ਉਹ ਬਾਖੂਬੀ ਲਿਖਣਾ ਜਾਣਦੇ ਹਨ । ਹਰ ਸ਼ੈਅ ਚੋਂ ਉਹ ਜ਼ਿੰਦਗੀ ਦਾ ਕੋਈ ਨਾ ਕੋਈ ਰੰਗ ਲੱਭ ਹੀ ਲੈਂਦੇ ਨੇ । ਉਨ੍ਹਾਂ ਲਈ ਗੁਰਪ੍ਰੀਤ ਭੰਗੂ ਜਦੋਂ ਚੂਰੀ ਕੁੱਟ ਕੇ ਲੈ ਕੇ ਆਏ ਤਾਂ ਵੀਤ ਉਹ ਚੂਰੀ ਵੇਖ ਕੇ ਭਾਵੁਕ ਹੋ ਗਏ ਅਤੇ ਉਨ੍ਹਾਂ ਨੂੰ  ਆਪਣੀ ਮਾਂ ਦੀ ਯਾਦ ਆ ਗਈ ।

ਹੋਰ ਵੇਖੋ :ਬੈਂਡ ਵਾਜੇ ਫ਼ਿਲਮ ਦਾ ਪੰਜਵਾਂ ਗੀਤ ਕਿੱਥੇ ਪਿੱਤਲ-ਪਿੱਤਲ ਕਿੱਥੇ ਸੋਨਾ, ਹੋਇਆ ਰਿਲੀਜ਼ 2019/03/20

https://www.instagram.com/p/BvOABVlj_Zm/

ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਕਲਮ ਚੱਲੇ ਬਗੈਰ ਨਹੀਂ ਰਹਿ ਸਕੇ ਅਤੇ ਉਨ੍ਹਾਂ ਦੇ ਮੂੰਹ ਤੋਂ ਆਪ ਮੁਹਾਰੇ ਨਿਕਲ ਗਿਆ "ਪਿਆਰ ਤੇਰਾ ਪਿਆਰ, ਤੇਰਾ ਜੀਵੇ ਪਰਿਵਾਰ ਹੋਰ ਸਾਨੂੰ ਕੀ ਚਾਹੀਦਾ, ਚੂਰੀ ਚੋਂ ਵੀ ਚੋਂਦਾ  ਪਿਆਰ ਹੋਰ ਸਾਨੂੰ ਕੀ ਚਾਹੀਦਾ।ਬੀਬੀ ਗੁਰਪ੍ਰੀਤ ਭੰਗੂ ਜੀ ਅੱਜ ਘਰੋ ਚੂਰੀ ਕੁੱਟ ਕੇ ਲੈ ਆਏ (ਮਰੀ ਮਾਂ ਯਾਦ ਆ ਗਈ ਸ਼ੁਕਰਆ ਐਨਕ ਲਗੀ ਸੀ)ਵੀਤ ਨਾਲ ਨਿੱਕਾ ਵੀਤ ?"।

ਹੋਰ ਵੇਖੋ :ਮੌਸਮ ਵਾਂਗ ਬੱਬੂ ਮਾਨ ਦਾ ਵੀ ਬਦਲਦਾ ਹੈ ਮਿਜਾਜ਼,ਵੇਖੋ ਮੌਸਮ ਮੁਤਾਬਿਕ ਕਿਹੜਾ ਗਾਣਾ ਸੁਣਦੇ ਨੇ ਬੱਬੂ ਮਾਨ

ਵੀਤ ਬਲਜੀਤ ਅਜਿਹੇ ਗਾਇਕ ਅਤੇ ਗੀਤਕਾਰ ਨੇ ਜਿਨ੍ਹਾਂ ਨੇ ਹੁਣ ਤੱਕ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਕਈ ਹਿੱਟ ਗੀਤ ਦਿੱਤੇ ਨੇ । ਉਨ੍ਹਾਂ ਦੇ ਲਿਖੇ ਗੀਤ ਕਈ ਵੱਡੇ ਗਾਇਕਾਂ ਨੇ ਵੀ ਗਾਏ ਨੇ । ਜਿਸ 'ਚ ਦਿਲਜੀਤ ਦਾ ਨਾਂਅ ਮੂਹਰਲੀ ਕਤਾਰ 'ਚ ਹੈ,ਕਈ ਸਾਲ ਪਹਿਲਾਂ ਵੀਤ ਬਲਜੀਤ ਦਾ ਗੀਤ "ਮੂਹਰੇ ਜੱਟ ਖਾੜਕੂ ਖੜਾ" ਵੀ ਆਇਆ ਸੀ । ਜਿਸ ਨੂੰ ਸਰੋਤਿਆਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਸੀ ।ਇਸ ਤੋਂ ਇਲਾਵਾ ਅਨੇਕਾਂ ਹੀ ਹਿੱਟ ਗੀਤ ਲਿਖੇ ਨੇ ਗੀਤਕਾਰ ਵੀਤ ਬਲਜੀਤ ਨੇ ।