ਹਰਭਜਨ ਮਾਨ ਨੇ ਸਾਂਝਾ ਕੀਤਾ ਸਕੂਲੀ ਬੱਚੀਆਂ ਦਾ ਵੀਡੀਓ, ਕਿਹਾ ਮੇਰੀਆਂ ਜੜ੍ਹਾਂ, ਮੇਰਾ ਬਚਪਨ

written by Shaminder | October 17, 2022 03:44pm

ਗਾਇਕ ਹਰਭਜਨ ਮਾਨ (Harbhajan Mann) ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਕੂਲੀ ਬੱਚੀਆਂ (School Girls) ਦਾ ਇੱਕ ਵੀਡੀਓ (Video) ਸਾਂਝਾ ਕੀਤਾ ਹੈ । ਜਿਸ ਨੂੰ ਸਾਂਝਾ ਕਰਦੇ ਹੋਏ ਹਰਭਜਨ ਮਾਨ ਨੇ ਆਪਣੇ ਦਿਲ ਦੇ ਜਜ਼ਬਾਤ ਵੀ ਸਾਂਝੇ ਕੀਤੇ ਹਨ । ਕਿਉਂਕਿ ਇਸ ਵੀਡੀਓ ਨੂੰ ਵੇਖ ਕੇ ਉਨ੍ਹਾਂ ਨੂੰ ਆਪਣਾ ਬਚਨ ਅਤੇ ਕਵੀਸ਼ਰੀ ਵਾਲੇ ਦਿਨ ਯਾਦ ਆ ਗਏ ਹਨ ।

Harbhajan Mann Image Source :FB

ਹੋਰ ਪੜ੍ਹੋ : ਹੁਣ ਨਿਸ਼ਾ ਬਾਨੋ ਏ ਆਰ ਰਹਿਮਾਨ ਅਤੇ ਦਿਲਜੀਤ ਦੋਸਾਂਝ ਦੇ ਨਾਲ ਕੁਝ ਕਰਨ ਜਾ ਰਹੀ ਨਵਾਂ, ਅਦਾਕਾਰਾ ਨੇ ਤਸਵੀਰ ਕੀਤੀ ਸਾਂਝੀ

ਉਨ੍ਹਾਂ ਨੇ ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਲਿਖਿਆ ਕਿ ‘ਮੇਰੀਆਂ ਜੜ੍ਹਾਂ, ਮੇਰਾ ਬਚਪਨ ਤੇ ਕਵੀਸ਼ਰੀ ਮੇਰੀ ਗਾਇਕੀ ਦੀ ਸ਼ੁਰੂਆਤ ਵੀ ਮੇਰੇ ਪਿੰਡ ਖੇਮੂੰਆਣਾ ਦੇ ਸਕੂਲ ਵਿੱਚ ਇਨ੍ਹਾਂ ਬੱਚੀਆਂ ਦੀ ਤਰ੍ਹਾਂ ਕਵੀਸ਼ਰੀ ਨਾਲ ਹੋਈ ਸੀ।

Harbhajan Mann shares Video Image Source : Instagram

ਹੋਰ ਪੜ੍ਹੋ : ਇੰਦਰਜੀਤ ਨਿੱਕੂ ਨੇ ਰਖਵਾਇਆ ਘਰ ‘ਚ ਸ੍ਰੀ ਅਖੰਡ ਪਾਠ ਸਾਹਿਬ, ਮੁੜ ਤੋਂ ਗਾਇਕੀ ਦੇ ਖੇਤਰ ‘ਚ ਕਾਮਯਾਬੀ ਮਿਲਣ ‘ਤੇ ਪ੍ਰਮਾਤਮਾ ਦਾ ਕੀਤਾ ਸ਼ੁਕਰਾਨਾ

ਪਿੰਡ ਖਿਆਲਾ ਕਲਾਂ ਦੇ ਮਾਲਵਾ ਪਬਲਿਕ ਹਾਈ ਸਕੂਲ ਦੀਆਂ ਇਨ੍ਹਾਂ ਹੋਣਹਾਰ ਪਿਆਰੀਆਂ ਬੱਚੀਆਂ ਦੀ ਗਾਈ, ਹਰਦੀਪ ਸਿੰਘ ਜਟਾਣਾਂ ਦੀ ਲਿੱਖੀ, ਤੇ ਰੋਬਿਨਦੀਪ ਦੁਆਰਾ ਫਿਲਮਾਈ ਇਹ ਪਿਆਰੀ ਕਵੀਸ਼ਰੀ ਜਦ ਅੱਜ ਮੈਨੂੰ ਮਿਲੀ, ਤਾਂ ਮੈਨੂੰ ਬਹੁਤ ਚੰਗੀ ਲੱਗੀ ਤੇ ਬੇਹੱਦ ਖੁਸ਼ੀ ਹੋਈ ਕਿ ਅੱਜ ਦੇ ਇਹ ਹੋਣਹਾਰ ਬੱਚੇ ਕਵੀਸ਼ਰੀ ਰੰਗ ਨੂੰ ਬਰਕਰਾਰ ਰੱਖ ਰਹੇ ਹਨ ਦੁਆਵਾਂ, ਆਸੀਸਾਂ ਇਨ੍ਹਾਂ ਪਿਆਰੀਆਂ ਬੱਚੀਆਂ ਦੇ ਲਈ’ ।

Harbhajan Mann shares Video-min Image Source : Instagram

ਹਰਭਜਨ ਮਾਨ ਦੇ ਵੱਲੋਂ ਸਾਂਝੇ ਕੀਤੇ ਗਏ ਇਸ ਵੀਡੀਓ ਨੂੰ ਪਸੰਦ ਕੀਤਾ ਜਾ ਰਿਹਾ ਹੈ ਅਤੇ ਪ੍ਰਸ਼ੰਸਕਾਂ ਦੇ ਵੱਲੋਂ ਵੀ ਇਸ ‘ਤੇ ਪ੍ਰਤੀਕਰਮ ਦਿੱਤੇ ਜਾ ਰਹੇ ਹਨ । ਹਰਭਜਨ ਮਾਨ ਦੇ ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਇੰਡਸਟਰੀ ਨੂੰ ਕਈ ਹਿੱਟ ਗੀਤ ਦਿੱਤੇ ਹਨ । ਉਨ੍ਹਾਂ ਦੇ ਹਿੱਟ ਗੀਤਾਂ ਦੀ ਲਿਸਟ ਕਾਫੀ ਲੰਮੀ ਹੈ । ਉਨ੍ਹਾਂ ਨੇ ਬਹੁਤ ਛੋਟੀ ਉਮਰ ‘ਚ ਸੰਗੀਤ ਦੀ ਸਿੱਖਿਆ ਲੈਣੀ ਸ਼ੁਰੂ ਕਰ ਦਿੱਤੀ ਸੀ ਅਤੇ ਸ਼ੁਰੂਆਤ ‘ਚ ਉਹ ਕਵੀਸ਼ਰੀ ਗਾਉਂਦੇ ਸਨ ।

You may also like