LIVE:
ਹਾਰਡੀ ਸੰਧੂ ਆਪਣੇ ਨਵੇਂ ਗੀਤ ‘ਡਾਂਸ ਲਾਈਕ’ ਨਾਲ ਨਚਾਉਣ ਆ ਰਹੇ ਨੇ ਦਰਸ਼ਕਾਂ ਨੂੰ, ਪੋਸਟਰ ਸ਼ੇਅਰ ਕਰਕੇ ਦੱਸੀ ਨਵੀਂ ਰਿਲੀਜ਼ ਡੇਟ
ਪੰਜਾਬੀ ਗਾਇਕ ਹਾਰਡੀ ਸੰਧੂ ਜਿਨ੍ਹਾਂ ਨੇ ਇੱਕ ਹੀ ਦਿਨ ‘ਚ ਦੋ ਖੁਸ਼ ਖਬਰੀਆਂ ਆਪਣੇ ਫੈਨਜ਼ ਨਾਲ ਸਾਂਝੀਆਂ ਕੀਤੀਆਂ ਹਨ। ਜੀ ਹਾਂ ਪਹਿਲੀ ਤਾਂ ਇਹ ਹੈ ਕਿ ਉਹ ਬਹੁਤ ਜਲਦ ਆਪਣਾ ਸਿੰਗਲ ਟਰੈਕ ਲੈ ਕੇ ਆ ਰਹੇ ਨੇ। ‘ਡਾਂਸ ਲਾਈਕ’(DANCE LIKE) ਟਾਈਟਲ ਹੇਠ ਤਿਆਰ ਇਹ ਗੀਤ 30 ਨਵੰਬਰ ਨੂੰ ਦਰਸ਼ਕਾਂ ਦੀ ਝੋਲੀ ਪੈ ਜਾਵੇਗਾ। ਜੀ ਹਾਂ ਉਨ੍ਹਾਂ ਨੇ ਆਪਣੇ ਇਸ ਸੌਂਗ ਦਾ ਨਵਾਂ ਪੋਸਟਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ ਕਿ ਅਨਾਉਂਸਮੈਂਟ ਡਾਂਸ ਲਾਈਕ ਗੀਤ ਹੁਣ 30 ਨਵੰਬਰ ਨੂੰ ਰਿਲੀਜ਼ ਹੋਵੇਗਾ...ਤੁਹਾਨੂੰ ਕੁਝ ਥੋੜਾ ਇੰਤਜ਼ਾਰ ਕਰਨਾ ਪਵੇਗਾ..ਕਿਉਂਕਿ ਕਿਸੇ ਤਕਨੀਕੀ ਸਮੱਸਿਆ ਦੇ ਚਲਦਿਆਂ ਇਹ ਗੀਤ ਕੁਝ ਦਿਨਾਂ ਦੀ ਦੇਰੀ ਦੇ ਨਾਲ ਰਿਲੀਜ਼ ਹੋਣ ਜਾ ਰਿਹਾ ਹੈ’
ਜੀ ਹਾਂ ਇਹ ਗੀਤ ਪਹਿਲਾਂ 24 ਨਵੰਬਰ ਨੂੰ ਰਿਲੀਜ਼ ਹੋਣਾ ਸੀ ਪਰ ਤਕਨੀਕੀ ਸਮੱਸਿਆ ਦੇ ਚੱਲਦੇ ਗੀਤ ਦੀ ਨਵੀਂ ਰਿਲੀਜ਼ ਡੇਟ ਰੱਖੀ ਗਈ ਹੈ।ਇਹ ਗੀਤ ਹੁਣ 30 ਨਵੰਬਰ ਨੂੰ ਰਿਲੀਜ਼ ਹੋਵੇਗਾ। ਗਾਣੇ ਦੇ ਬੋਲ ਨਾਮੀ ਗੀਤਕਾਰ ਜਾਨੀ ਨੇ ਲਿਖੇ ਨੇ ਤੇ ਬੀ ਪਰਾਕ ਦਾ ਸੰਗੀਤ ਹੋਵੇਗਾ। ਇਸ ਗਾਣੇ ਦਾ ਵੀਡੀਓ KEONI MARCELO ਵੱਲੋਂ ਡਾਇਰੈਕਟ ਕੀਤਾ ਗਿਆ ਹੈ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਉੱਤੇ ਗੁੱਡ ਨਿਊਜ਼ ਫ਼ਿਲਮ ਦਾ ਪਾਰਟੀ ਸੌਂਗ ਦਾ ਟੀਜ਼ਰ ਵੀ ਸ਼ੇਅਰ ਕੀਤਾ ਹੈ। ਜੀ ਹਾਂ ਹਾਰਡੀ ਸੰਧੂ ਗੁੱਡ ਨਿਊਜ਼ ਫ਼ਿਲਮ ਦੇ ਪਾਰਟੀ ਸੌਂਗ ‘ਚੰਡੀਗੜ੍ਹ ਮੇਂ’ ‘ਚ ਆਪਣੀ ਆਵਾਜ਼ ਦਾ ਜਾਦੂ ਬਿਖੇਰਦੇ ਹੋਏ ਨਜ਼ਰ ਆਉਣਗੇ। ਇਹ ਗੀਤ ਵੀ ਬਹੁਤ ਜਲਦ ਦਰਸ਼ਕਾਂ ਦੇ ਰੁ-ਬ-ਰੂ ਹੋ ਜਾਵੇਗਾ।
