ਕਹਿਣ ਨੂੰ ਹੈ ਵਿਦੇਸ਼, ਪਰ ਪਿੰਡ ਵਿਚ ਸ਼ੂਟ ਹੋਇਆ ਹੈ "ਸਵੈਗ ਸੇ ਸਵਾਗਤ" ਗੀਤ

ਸਲਮਾਨ ਖਾਨ ਦੀ ਆਉਣ ਵਾਲੀ ਫ਼ਿਲਮ ਟਾਈਗਰ ਜ਼ਿੰਦਾ ਹੈ ਦਾ ਪਹਿਲਾ ਗੀਤ "ਸਵੈਗ ਸੇ ਸਵਾਗਤ" ਰਿਲੀਜ਼ ਹੋ ਗਿਆ ਹੈ | ਇਸ ਗੀਤ ਦੀ ਖਾਸੀਅਤ ਸਿਰਫ਼ ਇਸਦੇ ਬੋਲ ਹੀ ਨਹੀਂ ਸਗੋਂ ਖੂਬਸੂਰਤ ਜਗ੍ਹਾ ਵੀ ਹੈ | ਇਸਨੂੰ ਗ੍ਰੀਸ ਦੇ ਨਕਸੋਸ ਆਈਲੈਂਡ ਤੇ ਸ਼ੂਟ ਕਿੱਤਾ ਗਿਆ ਹੈ |

ਫ਼ਿਲਮ ਟਾਈਗਰ ਜ਼ਿੰਦਾ ਹੈ ਦੇ ਨਵੇਂ ਗੀਤ ਸਵੈਗ ਸੇ ਕਰੇਂਗੇ ਸਬਕਾ ਸਵਾਗਤ ਵਿਚ ਇਕ ਵਾਰ ਫਿਰ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ਼ ਦੀ ਜੋੜੀ ਜ਼ਬਰਦਸਤ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ | ਸ਼ੂਟਿੰਗ ਦੀ ਜਗ੍ਹਾ ਤੋਂ ਲੈ ਕੇ ਡਾਂਸ ਦੇ ਮੂਵਸ ਨੇ ਰਿਲੀਜ਼ ਹੁੰਦਿਆਂ ਹੀ ਲੋਕ ਦੇ ਦਿਲ ਜਿੱਤ ਲਏ | ਇਸ ਗੀਤ ਦਾ ਇੰਤਜ਼ਾਰ ਕਈ ਦਿਨਾਂ ਤੋਂ ਹੋ ਰਿਹਾ ਸੀ | ਗੀਤ ਦੀ ਆਵਾਜ਼ ਵਿਸ਼ਾਲ ਦਦਲਾਨੀ ਅਤੇ ਨੇਹਾ ਭਸੀਨ ਦੀ ਹੈ | ਮਿਊਜ਼ਿਕ ਵਿਸ਼ਾਲ ਅਤੇ ਸ਼ੇਖਰ ਦਾ ਅਤੇ ਬੋਲ ਇਰਸ਼ਾਦ ਕਾਮਿਲ ਦੇ ਹਨ |

ਗੀਤ ਦੀ ਸਭ ਤੋਂ ਖਾਸ ਗੱਲ ਹੈ ਗੀਤ ਦੀ ਲੋਕੇਸ਼ਨ | ਇਸ ਗੀਤ ਨੂੰ ਸੱਤ ਸਮੁੰਦਰ ਪਾਰ ਗ੍ਰੀਸ ਦੇ ਨਕਸੋਸ ਆਈਲੈਂਡ ਤੇ ਸ਼ੂਟ ਕਿੱਤਾ ਗਿਆ ਹੈ | ਦਰਸ਼ਕਾਂ ਨੂੰ ਇਹ ਜਗ੍ਹਾ ਬਹੁਤ ਪਸੰਦ ਆ ਰਹੀ ਹੈ | ਇਹ ਬਾਲੀਵੁੱਡ ਦਾ ਸ਼ਾਇਦ ਪਹਿਲਾ ਗੀਤ ਹੈ ਜਿਸਨੂੰ ਇਸ ਖੂਬਸੂਰਤ ਆਈਲੈਂਡ ਤੇ ਸ਼ੂਟ ਕਿੱਤਾ ਗਿਆ ਹੈ |

ਨਕਸੋਸ ਆਈਲੈਂਡ ਕਹਿਣ ਨੂੰ ਤਾਂ ਵਿਦੇਸ਼ ਹੈ ਪਰ ਇਥੋਂ ਦੀ ਸਾਰੀ ਆਬਾਦੀ ਪਿੰਡਾਂ ਵਿਚ ਰਹਿੰਦੀ ਹੈ | ਇੱਥੇ ਸ਼ਹਿਰਾਂ ਵਾਂਗ ਵੱਡੀਆਂ ਵੱਡੀਆਂ ਇਮਾਰਤਾਂ ਜਾਂ ਦੁਕਾਨਾਂ ਨਹੀਂ ਹੈ | ਸਗੋਂ ਛੋਟੇ ਛੋਟੇ ਪਿੰਡ ਹਨ, ਇਕ ਵਿਚ ਵੱਧ ਤੋਂ ਵੱਧ 100 ਘਰ ਹਨ ਅਤੇ ਕੁਲ ਆਬਾਦੀ ਸਿਰਫ਼ 20 ਹਜ਼ਾਰ ਹੈ |

ਕਹਿੰਦੇ ਨੇ ਗੀਤ ਦੀ ਸ਼ੂਟਿੰਗ ਕਰਦੇ ਹੋਏ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ ਸੀ | ਉਨ੍ਹਾਂ ਨੂੰ ਖੁਸ਼ੀ ਸੀ ਕਿ ਇਕ ਅਣਜਾਣ ਜਗ੍ਹਾ ਤੇ ਫ਼ਿਲਮ ਦੀ ਸ਼ੂਟਿੰਗ ਹੋ ਰਹੀ ਹੈ | ਜਿਵੇਂ ਜਿਵੇਂ ਸਲਮਾਨ  (Salman Khan) ਅਤੇ ਕੈਟਰੀਨਾ (Katrina Kaif) ਨੱਚ ਰਹੇ ਸਨ, ਪਿੰਡ ਦੇ ਲੋਕ ਵੀ ਕੋਠੇ ਤੇ ਚੱੜ ਕੇ ਉਨ੍ਹਾਂ ਵਾਂਗ ਨੱਚ ਰਹੇ ਸਨ |