ਰਘਵੀਰ ਬੋਲੀ ਨੇ ਆਪਣੇ ਮਰਹੂਮ ਪਿਤਾ ਨੂੰ ਯਾਦ ਕਰਦੇ ਹੋਏ ਕਿਹਾ-‘ਅਵਾਰਡ ਵੱਡੇ ਤੋਂ ਵੱਡੇ ਮਿਲ ਜਾਂਦੇ ਪਰ ਮਾਪੇ ਨੀ ਮਿਲਦੇ ਜੋ ਚਲੇ ਜਾਂਦੇ’
ਥੀਏਟਰ ਆਰਟਿਸਟ ਤੇ ਪੰਜਾਬੀ ਇੰਡਸਟਰੀ ਦੇ ਨਾਮੀ ਅਦਾਕਾਰ ਰਘਵੀਰ ਬੋਲੀ ਜਿਹੜੇ ਪੰਜਾਬੀ ਫ਼ਿਲਮਾਂ ‘ਚ ਕਾਫੀ ਸਰਗਰਮ ਨੇ। ਜੇ ਗੱਲ ਕਰੀਏ ਉਨ੍ਹਾਂ ਦੇ ਕੰਮ ਦੀ ਤਾਂ ਉਹ ਪੰਜਾਬੀ ਇੰਡਸਟਰੀ ਦੀ ਹਰ ਦੂਜੀ ਫ਼ਿਲਮ ‘ਚ ਨਜ਼ਰ ਆਉਂਦੇ ਨੇ। ਹਾਲ ਹੀ ਉਹ ਗਿੱਪੀ ਗਰੇਵਾਲ ਦੀ ਫ਼ਿਲਮ ‘ਅਰਦਾਸ ਕਰਾਂ’ ‘ਚ ਨਜ਼ਰ ਆ ਰਹੇ ਹਨ। ‘ਅਰਦਾਸ ਕਰਾਂ’ ਨੂੰ ਦਰਸ਼ਕਾਂ ਵੱਲੋਂ ਰੱਜ ਕੇ ਪਿਆਰ ਮਿਲ ਰਿਹਾ ਹੈ ਜਿਸਦੇ ਚੱਲਦੇ ਫ਼ਿਲਮ 8ਵੇਂ ਹਫਤੇ ‘ਚ ਚੱਲ ਰਹੀ ਹੈ।
ਰਘਵੀਰ ਬੋਲੀ ਜੋ ਕਿ ਫ਼ਿਲਮਾਂ ‘ਚ ਅਕਸਰ ਹੀ ਆਪਣੇ ਕਿਰਦਾਰਾਂ ਦੇ ਨਾਲ ਦਰਸ਼ਕਾਂ ਨੂੰ ਹਸਾਉਂਦੇ ਰਹਿੰਦੇ ਨੇ। ਇਸ ਵਾਰ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਅਕਾਉਂਟ ਉੱਤੇ ਇੱਕ ਭਾਵੁਕ ਪੋਸਟ ਪਾਈ ਹੈ, ਜਿਸ ‘ਚ ਉਨ੍ਹਾਂ ਨੇ ਆਪਣੇ ਮਰਹੂਮ ਪਿਤਾ ਦੇ ਵਿਛੋੜੇ ਨੂੰ ਕੈਪਸ਼ਨ ‘ਚ ਬਿਆਨ ਕੀਤਾ ਹੈ। ਉਨ੍ਹਾਂ ਨੇ ਲਿਖਿਆ ਹੈ, ‘16 ਸਾਲ ਹੋਗੇ ਪੂਰੇ ਸਾਨੂੰ ਛੱਡ ਕੇ ਗਏ ਨੂੰ ਹਰ ਵਾਰ ਦੀ ਤਰਾਂ ਤੇਰੀਆਂ ਯਾਦਾਂ ਨੂੰ ਸ਼ਬਦਾਂ ਰਾਹੀਂ ਲਿਖ ਕੇ ਤੈਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕਰਨਾ ਵਧੀਆ ਲੱਗਦਾ।’
ਹੋਰ ਵੇਖੋ: ਵਿੰਦੂ ਦਾਰਾ ਸਿੰਘ ਨੇ ਆਪਣੇ ਮਰਹੂਮ ਪਿਤਾ ਦਾਰਾ ਸਿੰਘ ਨੂੰ ਯਾਦ ਕਰਦੇ ਹੋਏ ਸ਼ੇਅਰ ਕੀਤੀ ਖ਼ਾਸ ਤਸਵੀਰ
ਉਨ੍ਹਾਂ ਨੇ ਅੱਗੇ ਲਿਖਿਆ ਹੈ, ‘ਸੱਚ ਮੰਮੀ ਦੇ ਹੁਣ ਵਾਲ ਸਾਰੇ ਈ ਚਿੱਟੇ ਹੋਗੇ ਤੇ ਮੈਨੂੰ ਵਿਆਹ ਲਈ ਵੀ ਕਹਿਣ ਲੱਗ ਗਈ ਹੁਣ ਤੇ ਛੋਟਾ ਰਣਬੀਰ ਵੀ ਯੂਨੀਵਰਸਿਟੀ ਵਿੱਚ ਪੜ ਰਿਹਾ ਕੁਛ ਬਣਨ ਲਈ। ਪਿੰਡ ਵਾਲੇ ਸਾਰੇ ਥੋਨੂੰ ਮੇਰੇ ਵਿੱਚੋਂ ਦੇਖ ਕੇ ਥੋਡੀਆਂ ਗੱਲਾਂ ਸੁਣਾਉਂਦੇ ਨੇ ਮੈਂ ਜਦ ਵੀ ਪਿੰਡ ਜਾਨਾ ।। ਜੇ ਤੂੰ ਹੁੰਦਾ ਤੇ ਮੈਨੂੰ ਸਟੇਜ ਤੇ ਜਾਂ ਇੱਦਾਂ ਫਿਲਮਾਂ ਚ ਦੇਖਦਾ ਤਾਂ ਮੇਰੇ ਲਈ ਤਾਂ ਥੋਡਾ ਦੇਖ ਕੇ ਪਿਆਰ ਦੇਣਾ ਈ Oscar ਅਵਾਰਡ ਤੋਂ ਵਧਕੇ ਹੋਣਾ ਸੀ , ਕਿਉਂਕਿ ਅਵਾਰਡ ਵੱਡੇ ਤੋਂ ਵੱਡੇ ਮਿਲ ਜਾਂਦੇ ਪਰ ਮਾਪੇ ਨੀ ਮਿਲਦੇ ਜੋ ਚਲੇ ਜਾਂਦੇ , ਉਹ ਬਾਪੂ ਨੀ ਮਿਲਦਾ ਜਿਹਨੂੰ ਫ਼ੋਨ ਕਰਕੇ ਦੱਸ ਸਕਾਂ ਵੀ ਅੱਜ ਸ਼ੂਟ ਕਿਵੇਂ ਹੋਇਆ।’
View this post on Instagram
ਖੁਸ਼ੀਆਂ ਬੀਜ ਜਵਾਨਾਂ , ਹਾਸੇ ਉੱਗਣਗੇ ਹਾਸੇ ? Haasian Khedian On Set ? #RaghveerBoli #IkSandhuHundaSi
ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਆਪਣੇ ਮਨ ਦੇ ਭਾਵਾਂ ਤੋਂ ਇਲਾਵਾ ਕੁਝ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਨੇ ਜਿਸ ‘ਚ ਇਕ ਪਾਸੇ ਰਘਵੀਰ ਬੋਲੀ ਦੇ ਪਿਤਾ ਜੀ ਨੇ ਦੂਜੇ ਪਾਸੇ ਰਘਵੀਰ ਬੋਲੀ ਖੁਦ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੀ ਇਸ ਪੋਸਟ ਉੱਤੇ ਰਾਣਾ ਰਣਬੀਰ ਤੇ ਬੱਬਲ ਰਾਏ ਹੋਰਾਂ ਦੇ ਕਾਮੈਂਟਸ ਕਰਕੇ ਹੌਂਸਲਾ ਅਫ਼ਜ਼ਾਈ ਕੀਤੀ ਹੈ। ਜੇ ਗੱਲ ਕਰੀਏ ਰਘਵੀਰ ਬੋਲੀ ਦੇ ਕੰਮ ਦੀ ਤਾਂ ਉਹ ਬਹੁਤ ਜਲਦ ‘ਇੱਕ ਸੰਧੂ ਹੁੰਦਾ ਸੀ’ ਤੇ ‘ਯਮਲਾ’ ‘ਚ ਨਜ਼ਰ ਆਉਣ ਵਾਲੇ ਨੇ।