ਰਣਬੀਰ-ਆਲੀਆ ਦੀ ਮਹਿੰਦੀ-ਹਲਦੀ-ਸੰਗੀਤ ਸਮਾਰੋਹ ‘ਚ ਸ਼ਾਮਿਲ ਹੋਣ ਪਹੁੰਚੇ ਕਰਨ ਜੌਹਰ, ਕਰੀਨਾ ਕਪੂਰ ਤੇ ਕਈ ਹੋਰ ਨਾਮੀ ਹਸਤੀਆਂ

written by Lajwinder kaur | April 13, 2022

ਆਖਿਰਕਾਰ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੇ ਵਿਆਹ ਦੀ ਤਰੀਕ ਪੱਕੀ ਹੋ ਗਈ ਹੈ। ਰਣਬੀਰ-ਆਲੀਆ 14 ਅਪ੍ਰੈਲ ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਅੱਜ ਤੋਂ ਯਾਨੀ 13 ਅਪ੍ਰੈਲ ਤੋਂ ਰਣਬੀਰ-ਆਲੀਆ ਦੇ ਵਿਆਹ ਦੇ ਫੰਕਸ਼ਨ ਗਣੇਸ਼ ਪੂਜਨ ਦੇ ਨਾਲ ਸ਼ੁਰੂ ਹੋ ਗਏ ਹਨ। ਆਲੀਆ ਅਤੇ ਰਣਬੀਰ ਦੀ ਮਹਿੰਦੀ ਅਤੇ ਸੰਗੀਤ ਸਮਾਰੋਹ 13 ਅਪ੍ਰੈਲ ਨੂੰ ਰੱਖਿਆ ਗਿਆ ਹੈ।

inside image of kareena and karishma at alia ranbir wedding function image source instagram

 

ਜਿੱਥੇ ਦੁਪਹਿਰ ਨੂੰ ਮਹਿੰਦੀ ਦੀ ਸ਼ੁਰੂਆਤ ਹੋ ਚੁੱਕੀ ਹੈ ਉੱਥੇ ਸੰਗੀਤ ਦੀ ਰਸਮ ਦੇਰ ਸ਼ਾਮ ਨੂੰ ਸ਼ੁਰੂ ਹੋਵੇਗੀ। ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੇ ਵਿਆਹ ਦੇ ਹਲਦੀ ਅਤੇ ਮਹਿੰਦੀ ਫੰਕਸ਼ਨ ਲਈ, ਕਰਨ ਜੌਹਰ, ਕਰੀਨਾ ਕਪੂਰ ਖਾਨ ਅਤੇ ਅਯਾਨ ਮੁਖਰਜੀ ਵਰਗੇ ਪਰਿਵਾਰਕ ਮੈਂਬਰਾਂ ਅਤੇ ਇੰਡਸਟਰੀ ਦੇ ਦਿੱਗਜ ਹਸਤੀਆਂ ਪਹੁੰਚ ਚੁੱਕੀਆਂ ਹਨ।

neetu kapoor image source instagram

ਹੋਰ ਪੜ੍ਹੋ : ਆਪਣੀ ਪਤਨੀ ਹਰਮਨ ਮਾਨ ਦੇ ਨਾਲ ਖੇਤਾਂ ‘ਚ ਰੋਮਾਂਟਿਕ ਅੰਦਾਜ਼ ‘ਚ ਨਜ਼ਰ ਆਏ ਗਾਇਕ ਹਰਭਜਨ ਮਾਨ, ਦੇਖੋ ਵੀਡੀਓ

ਰਣਬੀਰ-ਆਲੀਆ ਦਾ ਵਿਆਹ ਬਾਂਦਰਾ ਦੇ ਵਾਸਤੂ ਵਿੱਚ ਰਣਬੀਰ ਦੇ ਘਰ ਇੱਕ ਨਿੱਜੀ ਸਮਾਰੋਹ ਵਿੱਚ ਹੋਵੇਗਾ। ਰਣਬੀਰ ਦੀ ਮਾਂ ਨੀਤੂ ਕਪੂਰ ਵੀ ਆਪਣੀ ਬੇਟੀ ਰਿਧੀਮਾ ਕਪੂਰ ਸਾਹਨੀ ਅਤੇ ਪੋਤੀ ਨਾਲ ਮਹਿੰਦੀ ਅਤੇ ਸੰਗੀਤ ਸਮਾਰੋਹ ਲਈ ਵਿਆਹ ਵਾਲੀ ਥਾਂ 'ਤੇ ਪਹੁੰਚੀ। ਦੱਸ ਦੇਈਏ ਕਿ ਆਲੀਆ ਭੱਟ ਦੀ ਮਹਿੰਦੀ ਦੀ ਰਸਮ ਵਾਸਤੂ ਅਪਾਰਟਮੈਂਟ ਵਿੱਚ ਹੀ ਹੋਣੀ ਹੈ। ਇਸ ਬਿਲਡਿੰਗ ਵਿੱਚ ਰਣਬੀਰ ਅਤੇ ਆਲੀਆ ਦੋਵਾਂ ਦੇ ਫਲੈਟ ਹਨ। ਕਰਿਸ਼ਮਾ ਕਪੂਰ, ਕਰੀਨਾ ਕਪੂਰ, ਕਰਨ ਜੌਹਰ, ਅਯਾਨ ਮੁਖਰਜੀ, ਰੀਨਾ ਜੈਨ, ਅਰਮਾਨ ਜੈਨ, ਆਧਾਰ ਜੈਨ ਸਮੇਤ ਕਈ ਲੋਕ ਰਣਬੀਰ ਦੇ ਘਰ ਮਹਿੰਦੀ ਅਤੇ ਸੰਗੀਤ ਸਮਾਰੋਹ 'ਚ ਸ਼ਾਮਲ ਹੋਣ ਲਈ ਵਾਸਤੂ ਪਹੁੰਚ ਚੁੱਕੇ ਹਨ।

ਹੋਰ ਪੜ੍ਹੋ : ਰਾਖੀ ਸਾਵੰਤ ਆਲੀਆ-ਰਣਬੀਰ ਦੇ ਵਿਆਹ ਤੋਂ ਕਾਫੀ ਖੁਸ਼, ਸ਼ਗਨਾਂ ਦੇ ਗੀਤ ਗਾਉਂਦੀ ਨਜ਼ਰ ਆਈ ਰਾਖੀ ਸਾਵੰਤ

inside image of karan johar at alia and ranbir wedding function image source instagram

ਸੰਗੀਤ ਫੰਕਸ਼ਨ ਤੋਂ ਬਾਅਦ ਰਣਬੀਰ-ਆਲੀਆ ਦੇ ਪਰਿਵਾਰ ਸਾਂਝੇ ਡਿਨਰ ਕਰਨਗੇ। ਰਣਬੀਰ ਆਲੀਆ ਦੇ ਵਿਆਹ ਲਈ ਦੋਵਾਂ ਦੇ ਘਰਾਂ ਨੂੰ ਲਾਈਟਾਂ ਨਾਲ ਸਜਾਇਆ ਗਿਆ ਹੈ। ਰਣਬੀਰ-ਆਲੀਆ ਦੇ ਵਿਆਹ ‘ਚ ਸੁਰੱਖਿਆ ਦਾ ਪੂਰਾ ਖਿਆਲ ਰੱਖਿਆ ਜਾ ਰਿਹਾ ਹੈ ਤਾਂ ਕਿ ਦੋਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਕਿਧਰੋਂ ਵੀ ਲੀਕ ਨਾ ਹੋਣ। ਦੱਸ ਦਈਏ ਨੀਤੂ ਕਪੂਰ ਨੇ ਅੱਜ ਸਵੇਰੇ ਹੀ ਆਪਣੀ ਮੰਗਣੀ ਦੀ ਤਸਵੀਰ ਸਾਂਝੀ ਕੀਤੀ ਸੀ। ਜਿਸ ‘ਚ ਮਰਹੂਮ ਰਿਸ਼ੀ ਕਪੂਰ ਨੀਤੂ ਨੂੰ ਅੰਗੂਠੀ ਪਾਉਂਦੇ ਹੋਏ ਨਜ਼ਰ ਆ ਰਹੇ ਨੇ।

You may also like