ਇਸ ਤਰ੍ਹਾਂ ਸਲਮਾਨ ਖ਼ਾਨ ਤੇ ਸ਼ਾਹਰੁਖ ਖ਼ਾਨ ਬਣੇ ਸਨ, ਇੱਕ ਦੂਜੇ ਦੇ ਦੁਸ਼ਮਣ 

ਸ਼ਾਹਰੁਖ ਖ਼ਾਨ ਤੇ ਸਲਮਾਨ ਖ਼ਾਨ ਦੀ ਦੋਸਤੀ ਅਕਸਰ ਫ਼ਿਲਮਾਂ ਤੇ ਪਾਰਟੀਆਂ ਵਿੱਚ ਦਿਖਾਈ ਦਿੰਦੀ ਹੈ । ਦੋਵੇਂ ਪਿਛਲੇ ਕੁਝ ਸਾਲਾਂ ਤੋਂ ਇੱਕ ਦੂਜੇ ਦੀਆਂ ਫ਼ਿਲਮਾਂ ਵਿੱਚ ਰੋਲ ਵੀ ਕਰਦੇ ਹੋਏ ਨਜ਼ਰ ਆਉਂਦੇ ਹਨ । ਪਰ ਇੱਕ ਸਮਾਂ ਇਸ ਤਰ੍ਹਾਂ ਦਾ ਵੀ ਸੀ ਜਦੋਂ ਦੋਹਾਂ ਦੇ ਵਿਚਕਾਰ ਦੁਸ਼ਮਣੀ ਸੀ । ਸਲਮਾਨ ਤੇ ਸ਼ਾਹਰੁਖ ਦੀ ਦੁਸ਼ਮਣੀ ਕਰਕੇ ਬਾਲੀਵੁੱਡ ਵੀ ਦੋ ਗੁੱਟਾਂ ਵਿਚਾਲੇ ਵੰਡਿਆ ਹੋਇਆ ਸੀ । ਇੱਕ ਗੁੱਟ ਸਲਮਾਨ ਦੇ ਨਾਲ ਸੀ ਤੇ ਦੂਜਾ ਸ਼ਾਹਰੁਖ ਦੇ ਨਾਲ ਸੀ ।

Salman Khan & Shah Rukh Khan

ਪਰ ਇੱਥੇ ਵੱਡਾ ਸਵਾਲ ਇਹ ਹੈ ਕਿ ਦੋਵਾਂ ਵਿਚਕਾਰ ਇਹ ਦੁਸ਼ਮਣੀ ਪਈ ਕਿਸ ਤਰ੍ਹਾਂ ! ਦਰਅਸਲ ਇਹ ਦੁਸ਼ਮਣੀ ਉਦੋਂ ਸ਼ੁਰੂ ਹੋ ਗਈ ਸੀ ਜਦੋਂ 2002 ਵਿੱਚ ਸਲਮਾਨ ਖ਼ਾਨ ਤੇ ਐਸ਼ਵਰਿਆ ਰਾਏ ਵਿਚਕਾਰ ਦੂਰੀਆਂ ਵੱਧਣ ਲੱਗੀਆਂ ਸਨ । ਇਸ ਸਭ ਦੇ ਚਲਦੇ ਸਲਮਾਨ ਖ਼ਾਨ ਨੇ ਇੱਕ ਫ਼ਿਲਮ ਦੇ ਸੈੱਟ ਤੇ ਐਸ਼ਵਰਿਆ ਨਾਲ ਬਹੁਤ ਬਦਤਮੀਜ਼ੀ ਕੀਤੀ ਤੇ ਸਲਮਾਨ ਦਾ ਇਹ ਡਰਾਮਾ 4  ਘੰਟੇ ਚਲਦਾ ਰਿਹਾ ।

Aishwarya Rai And Salman Khan

ਇਸ ਸਭ ਨੂੰ ਦੇਖ ਕੇ ਸ਼ਾਹਰੁਖ ਖ਼ਾਨ ਨੇ ਮਾਮਲੇ ਨੂੰ ਸੁਲਝਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਸਲਮਾਨ ਨੇ ਸ਼ਾਹਰੁਖ ਦਾ ਕਾਲਰ ਫੜ ਲਿਆ । ਇਸ ਤੋਂ ਬਾਅਦ ਉਸ ਨੇ ਮੁਆਫ਼ੀ ਵੀ ਨਹੀਂ ਮੰਗੀ । ਇਸ ਘਟਨਾ ਤੋਂ ਬਾਅਦ ਦੋਵਾਂ ਨੇ ਕਦੇ ਵੀ ਕੋਈ ਗੱਲ ਨਹੀਂ ਕੀਤੀ ।ਐਸ਼ਵਰਿਆ ਤੇ ਸਲਮਾਨ ਦਾ ਬ੍ਰੇਕਅੱਪ ਹੋ ਗਿਆ ਤੇ ਸਲਮਾਨ ਤੇ ਸ਼ਾਹਰੁਖ ਨੇ ਆਪਸ ਵਿੱਚ ਬੋਲਣਾ ਬੰਦ ਕਰ ਦਿੱਤਾ ।

Salman-Katrina-Sharukh_

ਇਸ ਤੋਂ ਬਾਅਦ 16  ਜੁਲਾਈ 2008 ਨੂੰ ਕਟਰੀਨਾ ਦੇ ਜਨਮ ਦਿਨ ਤੇ ਸਲਮਾਨ ਤੇ ਸ਼ਾਹਰੁਖ ਨੂੰ ਬੁਲਾਇਆ ਗਿਆ । ਇਸ ਪਾਰਟੀ ਵਿੱਚ ਸ਼ਾਹਰੁਖ ਖ਼ਾਨ ਨੇ ਸਲਮਾਨ ਨੂੰ ਐਸ਼ਵਰਿਆ ਰਾਏ ਦਾ ਨਾਂ ਲੈ ਕੇ ਚਿੜਾਉਣਾ ਸ਼ੁਰੂ ਕਰ ਦਿੱਤਾ । ਸਲਮਾਨ ਖ਼ਾਨ ਨੇ ਵੀ ਇਸ ਮਜ਼ਾਕ ਦਾ ਜਵਾਬ ਮਜ਼ਾਕ ਵਿੱਚ ਦਿੱਤਾ ਤੇ ਦੇਖਦੇ ਹੀ ਦੇਖਦੇ ਇਹ ਮਜ਼ਾਕ ਏਨਾ ਬੁਰਾ ਹੋ ਜਾਵੇਗਾ ਇਹ ਕਦੇ ਕਿਸੇ ਨੇ ਸੋਚਿਆ ਵੀ ਨਹੀਂ ਹੋਵੇਗਾ । ਦੋਹਾਂ ਵਿਚਾਲੇ ਤੂੰ -ਤੂੰ ਮੈਂ -ਮੈਂ ਸ਼ੁਰੂ ਹੋ ਗਈ ।

srk-salman

ਸਲਮਾਨ ਨੂੰ ਆਮਿਰ ਖ਼ਾਨ ਨੇ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ । ਇਸ ਘਟਨਾ ਤੋਂ ਬਾਅਦ ਦੋਵੇਂ ਖ਼ਾਨ ਇੱਕ ਦੂਜੇ ਦੇ ਕੱਟੜ ਦੁਸ਼ਮਣ ਰਹੇ । ਪਰ ਇਹ ਦੁਸ਼ਮਣੀ ਇੱਕ ਵਾਰ ਫਿਰ ਦੋਸਤੀ ਵਿੱਚ ਬਦਲ ਗਈ ਜਦੋਂ ਦੋਵੇਂ ਸਾਮਨਾ ਨੇਤਾ ਬਾਬਾ ਸਦੀਕੀ ਦੀ ਇਫਤਾਰ ਪਾਰਟੀ ਵਿੱਚ ਇੱਕਠੇ ਹੋਏ ।