ਸ਼ਵੇਤਾ ਬੱਚਨ ਨੇ ਸਭ ਦੇ ਸਾਹਮਣੇ ਮਾਂ ਜਯਾ ਬਾਰੇ ਕੀਤਾ ਵੱਡਾ ਖੁਲਾਸਾ, ਕਿਹਾ- ‘ਬਚਪਨ ਵਿੱਚ...’

Jaya Bachchan News: ਅਮਿਤਾਭ ਬੱਚਨ ਦੀ ਪੋਤੀ ਨਵਿਆ ਨਵੇਲੀ ਨੰਦਾ ਨੇ ਹਾਲ ਹੀ ਵਿੱਚ ਆਪਣਾ ਪੋਡਕਾਸਟ ਸ਼ੁਰੂ ਕੀਤਾ ਹੈ। ਪੋਡਕਾਸਟ ਦੇ ਪਹਿਲੇ ਐਪੀਸੋਡ ਵਿੱਚ, ਜਯਾ ਬੱਚਨ ਅਤੇ ਸ਼ਵੇਤਾ ਬੱਚਨ ਨੰਦਾ ਮਹਿਮਾਨ ਵਜੋਂ ਆਈਆਂ। ਇਸ ਦੌਰਾਨ ਤਿੰਨਾਂ ਨੇ ਇੱਕ ਦੂਜੇ ਅਤੇ ਪਰਿਵਾਰ ਬਾਰੇ ਕਈ ਖੁਲਾਸੇ ਕੀਤੇ। ਸ਼ਵੇਤਾ ਨੇ ਇਸ ਦੌਰਾਨ ਦੱਸਿਆ ਕਿ ਬਚਪਨ 'ਚ ਉਸ ਨੂੰ ਮਾਂ ਜਯਾ ਤੋਂ ਬਹੁਤ ਮਾਰ ਪੈਂਦੀ ਸੀ। ਉਸ ਨੇ ਇਹ ਵੀ ਕਿਹਾ ਕਿ ਜਯਾ ਉਸ ਨੂੰ ਅਭਿਸ਼ੇਕ ਬੱਚਨ ਨਾਲੋਂ ਜ਼ਿਆਦਾ ਮਾਰਦੀ ਸੀ।

ਜਯਾ ਨੇ ਫਿਰ ਸ਼ਵੇਤਾ ਨੂੰ ਜ਼ਿਆਦਾ ਕੁੱਟਣ ਦਾ ਕਾਰਨ ਦੱਸਿਆ। ਇਸ ਦੇ ਨਾਲ ਹੀ ਸ਼ਵੇਤਾ ਨੇ ਦੱਸਿਆ ਕਿ ਬਿੱਗ ਬੀ ਕਦੇ ਵੀ ਬੱਚਿਆਂ 'ਤੇ ਹੱਥ ਨਹੀਂ ਚੁੱਕਦੇ ਸਨ। ਉਹ ਇੱਕ ਤਰ੍ਹਾਂ ਦੀ ਸਜ਼ਾ ਦਿੰਦੇ ਸਨ।

ਹੋਰ ਪੜ੍ਹੋ : ਨਿਸ਼ਾ ਬਾਨੋ ਦੀ ਵੀਡੀਓ ਨੂੰ ਗਲਤ ਢੰਗ ਨਾਲ ਪੇਸ਼ ਕਰਨ ਵਾਲੇ ਪੇਜ਼ ਨੂੰ ਅਦਾਕਾਰਾ ਨੇ ਪੋਸਟ ਪਾ ਕੇ ਪਾਈ ਝਾੜ, ਜਾਣੋ ਕੀ ਹੈ ਮਾਮਲਾ!

image source Instagram

ਸ਼ਵੇਤਾ ਨੇ ਕਿਹਾ ਕਿ ਪਰਿਵਾਰ ਵਿੱਚ ਵੱਡਾ ਬੱਚਾ ਹੋਣ ਦਾ ਵੀ ਨੁਕਸਾਨ ਹੁੰਦਾ ਹੈ। ਉਸ ਨੇ ਦੱਸਿਆ ਕਿ ਬਚਪਨ 'ਚ ਉਸ ਦੀ ਮਾਂ ਵੱਲੋਂ ਉਸ ਨੂੰ ਬਹੁਤ ਕੁੱਟਿਆ ਜਾਂਦਾ ਸੀ। ਇਸ ਦੇ ਨਾਲ ਹੀ ਭਰਾ ਅਭਿਸ਼ੇਕ ਬੱਚਨ ਨੂੰ ਘੱਟ ਮਾਰ ਪੈਂਦੀ ਸੀ। ਸ਼ਵੇਤਾ ਨੇ ਦੱਸਿਆ ਕਿ ਕਿਵੇਂ ਜਯਾ ਬੱਚਨ ਨੇ ਉਨ੍ਹਾਂ ਨੂੰ ਭਰਤਨਾਟਿਅਮ, ਹਿੰਦੀ ਕਲਾਸੀਕਲ ਸੰਗੀਤ, ਤੈਰਾਕੀ, ਸਿਤਾਰ ਅਤੇ ਪਿਆਨੋ ਵਰਗੀਆਂ ਕਈ ਚੀਜ਼ਾਂ ਵਿੱਚ ਵਿਅਸਤ ਰੱਖਿਆ। ਪਰ ਫਿਰ ਵੀ ਉਸ ਨੂੰ ਸਭ ਤੋਂ ਜ਼ਿਆਦਾ ਮਾਰ ਪੈਂਦੀ ਸੀ।

image source Instagram

ਸ਼ਵੇਤਾ ਨੇ ਇਹ ਵੀ ਕਿਹਾ ਕਿ ਇੱਕ ਵਾਰ ਤਾਂ ਫੁਟੇ ਦੇ ਨਾਲ ਮਾਰ ਪਈ ਸੀ, ਜੋ ਕਿ ਕੁੱਟਦੇ ਕੁੱਟਦੇ ਟੁੱਟ ਵੀ ਗਿਆ ਸੀ। ਜਯਾ ਫਿਰ ਕਹਿੰਦੀ ਹੈ ਕਿ ਮੈਨੂੰ ਲੱਗਦਾ ਹੈ ਕਿ ਪਹਿਲੇ ਬੱਚੇ ਨੂੰ ਹਮੇਸ਼ਾ ਕਿਸੇ ਨਾ ਕਿਸੇ ਮਾੜੇ ਵਿਵਹਾਰ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਮੈਨੂੰ ਵੀ ਬਚਪਨ ਵਿੱਚ ਬਹੁਤ ਸੁਣਾਇਆ ਜਾਂਦਾ ਸੀ ਤੇ ਮਾਰ ਵੀ ਪੈਂਦੀ ਸੀ, ਪਰ ਮੇਰੀਆਂ ਭੈਣਾਂ ਨੂੰ ਨਹੀਂ।

image source Instagram

ਇਸ ਤੋਂ ਬਾਅਦ ਨਵਿਆ ਪੁੱਛਦੀ ਹੈ ਕਿ ਤੁਸੀਂ ਸ਼ਵੇਤਾ ਨੂੰ ਕਿਉਂ ਮਾਰਦੇ ਸੀ, ਤਾਂ ਜਯਾ ਨੇ ਦੱਸਿਆ ਕਿ ਸ਼ਵੇਤਾ ਬਹੁਤ ਪਰੇਸ਼ਾਨ ਕਰਦੀ ਸੀ ਅਤੇ ਜ਼ਿੱਦੀ ਸੀ। ਜਯਾ ਇਹ ਵੀ ਦੱਸਦੀ ਹੈ ਕਿ ਅਮਿਤਾਭ ਬੱਚਨ ਨੂੰ ਬੱਚਿਆਂ ਉੱਤੇ ਹੱਥ ਉਠਾਉਣਾ ਬਿਲਕੁਲ ਵੀ ਪਸੰਦ ਨਹੀਂ ਸੀ।

ਸ਼ਵੇਤਾ ਫਿਰ ਦੱਸਦੀ ਹੈ ਕਿ ਬਿੱਗ ਬੀ ਨੇ ਹੁਣ ਤੱਕ ਦੀ ਸਭ ਤੋਂ ਸਖ਼ਤ ਸਜ਼ਾ ਕੋਨੇ ਵਿੱਚ ਖੜ੍ਹਨਾ ਹੈ। ਸ਼ਵੇਤਾ ਅੱਗੇ ਕਹਿੰਦੀ ਹੈ ਕਿ ਮੈਨੂੰ ਉਹ ਸਜ਼ਾ ਬਹੁਤ ਪਸੰਦ ਸੀ ਕਿਉਂਕਿ ਮੈਂ ਕਹਾਣੀਆਂ ਬਣਾ ਕੇ ਆਪਣੇ ਆਪ ਨਾਲ ਗੱਲਾਂ ਕਰਦੀ ਸੀ।