ਸਿੱਧੂ ਮੂਸੇਵਾਲੇ ਦੀ ਕਲਮ ‘ਚੋਂ ਨਿਕਲਿਆ ‘ਕਿਉਂ ਨਹੀਂ ਦੇਖਦਾ’ ਗਾਣਾ ਤੇਜੀ ਗਰੇਵਾਲ ਦੀ ਆਵਾਜ਼ ਹੋਇਆ ਰਿਲੀਜ਼, ਦੇਖੋ ਵੀਡੀਓ
ਸਿੱਧੂ ਮੂਸੇਵਾਲਾ ਜੋ ਕਿ ਪੰਜਾਬੀ ਗਾਇਕ ਹੋਣ ਦੇ ਨਾਲ ਬਿਹਤਰੀਨ ਗੀਤਕਾਰ ਵੀ ਨੇ। ਉਨ੍ਹਾਂ ਦੀ ਕਲਮ ‘ਚੋਂ ਨਿਕਲੇ ਗੀਤ ਕਈ ਨਾਮੀ ਗਾਇਕ ਗਾ ਚੁੱਕੇ ਹਨ। ਇਸ ਵਾਰ ਉਨ੍ਹਾਂ ਦੀ ਕਲਮ ‘ਚ ਪਿਰੋਏ ਬੋਲਾਂ ਨੂੰ ਪੰਜਾਬੀ ਗਾਇਕ ਤੇਜੀ ਗਰੇਵਾਲ ਨੇ ਗਾਇਆ ਹੈ। ‘ਕਿਉਂ ਨਹੀਂ ਦੇਖਦਾ’ ਗਾਣੇ ਨੂੰ ਤੇਜੀ ਗਰੇਵਾਲ ਨੇ ਆਪਣੀ ਮਿੱਠੀ ਆਵਾਜ਼ ਦੇ ਨਾਲ ਸ਼ਿੰਗਾਰਿਆ ਹੈ। ਇਸ ਗੀਤ ਦਾ ਮਿਊਜ਼ਿਕ ਮਿਕਸ ਸਿੰਘ ਨੇ ਦਿੱਤਾ ਹੈ।
‘ਕਿਉਂ ਨਹੀਂ ਦੇਖਦਾ’ ਗਾਣੇ ਨੂੰ ਤੇਜੀ ਗਰੇਵਾਲ ਨੇ ਕੁੜੀ ਦੇ ਪੱਖ ਤੋਂ ਗਾਇਆ ਹੈ। ਇਹ ਗਾਣਾ ਸੈਡ ਸੌਂਗ ਜ਼ੌਨਰ ਦਾ ਹੈ। ਜਿਸ ‘ਚ ਪਿਆਰ ‘ਚ ਕੀਤੇ ਧੋਖੇ ਨੂੰ ਪੇਸ਼ ਕੀਤਾ ਗਿਆ ਹੈ। ਇਸ ਗਾਣੇ ‘ਚ ਅਦਾਕਾਰੀ ਤੇਜੀ ਗਰੇਵਾਲ ਨੇ ਕੀਤੀ ਹੈ ਤੇ ਅਦਾਕਾਰੀ ‘ਚ ਸਾਥ ਦਿੱਤਾ ਹੈ ਫੀਮੇਲ ਮਾਡਲ ਰਿਸ਼ਫ਼ਾ ਖ਼ਾਨ ਨੇ। ਇਸ ਗਾਣੇ ਨੂੰ ਆਉਟਲਾਅ ਰਿਕਾਰਡਸ ਦੇ ਯੂਟਿਊਬ ਚੈਨਲ ਉੱਤੇ ਰਿਲੀਜ਼ ਕੀਤਾ ਗਿਆ ਹੈ। ਦਰਸ਼ਕਾਂ ਵੱਲੋਂ ਗਾਣੇ ਨੂੰ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।