LIVE:
ਸੁਸ਼ਮਿਤਾ ਸੇਨ ਨੇ ਸੁਸ਼ਾਂਤ ਸਿੰਘ ਰਾਜਪੂਤ ਲਈ ਪਾਈ ਭਾਵੁਕ ਪੋਸਟ, ‘ਦਿਲ ਬੇਚਾਰਾ’ ਤੇ ਨੰਬਰ ‘47’ ਲਈ ਆਖੀ ਇਹ ਗੱਲ
ਬਾਲੀਵੁੱਡ ਦੀ ਖ਼ੂਬਸੂਰਤ ਅਦਾਕਾਰਾ ਸੁਸ਼ਮਿਤਾ ਸੇਨ ਜੋ ਕਿ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੇ ਨੇ । ਫ਼ਿਲਮ ‘ਦਿਲ ਬੇਚਾਰਾ’ ਦਾ ਟਰੇਲਰ ਦੇਖਣ ਤੋਂ ਬਾਅਦ ਸੁਸ਼ਮਿਤਾ ਸੇਨ ਨੇ ਲੰਬਾ ਚੌੜਾ ਮੈਸੇਜ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕੀਤਾ ਹੈ ।
ਉਨ੍ਹਾਂ ਨੇ ਫ਼ਿਲਮ ਦਿਲ ਬੇਚਾਰਾ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ‘ਮੈਂ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਨਿੱਜੀ ਤੌਰ ਤੇ ਨਹੀਂ ਜਾਣਦੀ ਸੀ ...ਸਿਰਫ਼ ਉਸਦੀਆਂ ਫਿਲਮਾਂ ਅਤੇ ਕੁਝ ਇੰਟਰਵਿਊਜ਼ ਰਾਹੀਂ !! ਉਸ ਕੋਲ ਪਰਦੇ ਤੇ ਪਰਦੇ ਤੋਂ ਬਾਅਦ ਦੋਵਾਂ ਹੀ ਜਗਾ ਲਈ ਬਿਹਤਰੀਨ ਜਜ਼ਬਾਤ ਸਨ!! ਮੈਂ ਮਹਿਸੂਸ ਕਰਦੀ ਹਾਂ ਕਿ ਮੈਂ ਉਸਨੂੰ ਹੁਣ ਬਿਹਤਰ ਜਾਣਦੀ ਹਾਂ, ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਕਰਕੇ ਇਸ ਲਈ ਉਨ੍ਹਾਂ ਦੇ ਫੈਨਜ਼ ਦਾ ਧੰਨਵਾਦ ... ਅਣਗਿਣਤ ਜ਼ਿੰਦਗੀਆਂ ਜਿਹੜੀਆਂ ਉਸਨੇ ਆਪਣੀ ਪਿਆਰੀ ਸਰਲਤਾ, ਕਿਰਪਾ, ਪਿਆਰ, ਦਿਆਲਤਾ ਤੇ ਮੁਸਕਾਨ ਦੇ ਨਾਲ ਛੂਹ ਲਈਆਂ’ 
ਇਸ ਤੋਂ ਇਲਾਵਾ ਉਨ੍ਹਾਂ ਅੱਗੇ ਵੀ ਬਹੁਤ ਸਾਰੀਆਂ ਗੱਲਾਂ ਲਿਖੀਆਂ ਨੇ । ਉਨ੍ਹਾਂ ਨੇ ਪੋਸਟ ‘ਚ ਲਿਖਿਆ ਹੈ ਕਿ ਕਾਸ਼ ਉਹ ਕਦੇ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਮਿਲ ਪਾਉਂਦੀ । ਸੁਸ਼ਾਂਤ ਤੇ ਸੁਸ਼ਮਿਤਾ ਦੋਵਾਂ ਨੂੰ 47 ਨੰਬਰ ਦੇ ਨਾਲ ਲਗਾਅ ਰਿਹਾ ਹੈ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਦਿਲ ਬੇਚਾਰਾ ਦੇ ਟਰੇਲਰ ਲਈ ਲਿਖਿਆ ਹੈ ਕਿ ਉਨ੍ਹਾਂ ਨੂੰ ਬਹੁਤ ਪਸੰਦ ਆਇਆ ਹੈ । ਉਹ ਸਾਰੀ ਟੀਮ ਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਦੇਣਾ ਚਾਹੁੰਦੀ ਹੈ । ਇਸ ਤੋਂ ਇਲਾਵਾ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਪਰਿਵਾਰ ਤੇ ਫੈਨਜ਼ ਲਈ ਵੀ ਸਤਿਕਾਰ ਜਤਾਇਆ ।
ਜੇ ਗੱਲ ਕਰੀਏ ਸੁਸ਼ਮਿਤਾ ਸੈਨ ਦੇ ਵਰਕ ਫਰੰਟ ਦੀ ਤਾਂ ਉਹ ਏਨੀਂ ਦਿਨੀਂ ਡਿਜ਼ੀਟਲ ਪਲੇਟਫਾਰਮ ਉੱਤੇ ਅਦਾਕਾਰੀ ਕਰਦੇ ਹੋਏ ਦਿਖਾਈ ਦੇ ਰਹੇ ਨੇ । ਉਹ ਆਰਿਆ (Aarya) ਟਾਈਟਲ ਹੇਠ ਬਣੀ ਵੈੱਬ ਸੀਰੀਜ਼ ‘ਚ ਅਦਾਕਾਰੀ ਕਰਦੇ ਹੋਏ ਦਿਖਾਈ ਦੇ ਰਹੇ ਨੇ ।
