Charu Asopa Rajeev Sen Divorce: ਕੀ ਰਾਜੀਵ ਸੇਨ ਨੂੰ ਤਲਾਕ ਦੇਵੇਗੀ ਚਾਰੂ ਅਸੋਪਾ? ਸੁਸ਼ਮਿਤਾ ਸੇਨ ਦੇ ਭਰਾ ਦੀ ਜ਼ਿੰਦਗੀ 'ਚ ਫਿਰ ਆਇਆ ਭੂਚਾਲ
Charu Asopa Rajeev Sen Divorce: ਟੀਵੀ ਅਦਾਕਾਰਾ ਚਾਰੂ ਅਸੋਪਾ ਅਤੇ ਰਾਜੀਵ ਸੇਨ ਆਪਣੇ ਰਿਸ਼ਤਿਆਂ ਵਿੱਚ ਆਈ ਦਰਾਰ ਕਾਰਨ ਕਈ ਵਾਰ ਸੁਰਖੀਆਂ ਵਿੱਚ ਆ ਚੁੱਕੇ ਹਨ। ਵਿਆਹ ਤੋਂ ਤੁਰੰਤ ਬਾਅਦ ਸੁਸ਼ਮਿਤਾ ਸੇਨ ਦੇ ਭਰਾ ਰਾਜੀਵ ਸੇਨ ਦੀ ਜ਼ਿੰਦਗੀ 'ਚ ਅਜਿਹੀ ਹਲਚਲ ਮਚ ਗਈ ਕਿ ਹਰ ਪਾਸੇ ਰੌਲਾ ਪੈ ਗਿਆ। ਦਰਅਸਲ, ਵਿਆਹ ਤੋਂ ਪਹਿਲਾਂ ਰਾਜੀਵ ਅਤੇ ਚਾਰੂ ਨੇ ਕੁਝ ਸਮੇਂ ਲਈ ਇਕ-ਦੂਜੇ ਨੂੰ ਡੇਟ ਕੀਤਾ ਸੀ ਅਤੇ ਸੱਤ ਫੇਰੇ ਲੈਣ ਤੋਂ ਬਾਅਦ ਕੁਝ ਦਿਨਾਂ ਲਈ ਉਨ੍ਹਾਂ ਦੀ ਜ਼ਿੰਦਗੀ ਵਿਚ ਸਭ ਕੁਝ ਠੀਕ ਹੋ ਗਿਆ।
ਹੋਰ ਪੜ੍ਹੋ : ਮੌਤ ਤੋਂ ਬਾਅਦ ਰਿਲੀਜ਼ ਹੋਣ ਜਾ ਰਿਹਾ ਹੈ ਸਿੱਧੂ ਮੂਸੇਵਾਲਾ ਦਾ ਗੀਤ 'SYL', ਸਾਹਮਣੇ ਆਇਆ ਪੋਸਟਰ
ਇਸ ਤੋਂ ਬਾਅਦ ਦੋਹਾਂ ਵਿਚਾਲੇ ਦਰਾਰ ਦੀਆਂ ਖਬਰਾਂ ਆਉਣ ਲੱਗੀਆਂ। ਮੰਨਿਆ ਜਾ ਰਿਹਾ ਸੀ ਕਿ ਹੁਣ ਦੋਵੇਂ ਤਲਾਕ ਲੈ ਲੈਣਗੇ। ਹਾਲਾਂਕਿ ਕੁਝ ਸਮੇਂ ਬਾਅਦ ਦੋਵਾਂ ਵਿਚਾਲੇ ਸਭ ਕੁਝ ਠੀਕ ਹੋ ਗਿਆ। ਜਿਸ ਤੋਂ ਬਾਅਦ ਦੋਵਾਂ ਦੀ ਜ਼ਿੰਦਗੀ ਚ ਨੰਨ੍ਹੀ ਪਰੀ ਨੇ ਜਨਮ ਲਿਆ। ਧੀ ਦੇ ਜਨਮ ਤੋਂ ਬਾਅਦ ਦੋਵੇਂ ਬਹੁਤ ਖੁਸ਼ ਸਨ ਅਤੇ ਚੀਜ਼ਾਂ ਪਟੜੀ 'ਤੇ ਆਉਣੀਆਂ ਸ਼ੁਰੂ ਹੋ ਗਈਆਂ ਪਰ ਇਹ ਸਭ ਕੁਝ ਥੋੜ੍ਹੇ ਸਮੇਂ ਲਈ ਹੀ ਠੀਕ ਚੱਲਿਆ। ਹੁਣ ਫਿਰ ਤੋਂ ਸੁਣਨ 'ਚ ਆਇਆ ਹੈ ਕਿ ਦੋਵੇਂ ਵੱਖ ਹੋਣ ਦਾ ਮਨ ਬਣਾ ਰਹੇ ਹਨ ਅਤੇ ਇਸ ਵਾਰ ਦੋਵਾਂ ਵਿਚਾਲੇ ਸਭ ਕੁਝ ਠੀਕ ਹੋਣ ਦੀ ਉਮੀਦ ਘੱਟ ਹੈ।
ਮੀਡੀਆ ਰਿਪੋਰਟਸ ਦੇ ਅਨੁਸਾਰ ਚਾਰੂ ਅਤੇ ਰਾਜੀਵ ਦਾ ਰਿਸ਼ਤਾ ਤਲਾਕ ਦੀ ਹੱਦ ਤੱਕ ਪਹੁੰਚ ਚੁੱਕਿਆ ਹੈ। ਦੋਵਾਂ ਨੇ ਇਸ ਵਾਰ ਕਾਨੂੰਨੀ ਰਾਹ ਆਪਨਾਉਣ ਕੇ ਵੱਖ ਹੋਣ ਦਾ ਫੈਸਲਾ ਕੀਤਾ ਹੈ। ਦੋਵਾਂ ਦੇ ਕਰੀਬੀ ਸੂਤਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਪਹਿਲੇ ਦਿਨ ਤੋਂ ਹੀ ਦੋਵਾਂ ਵਿਚਾਲੇ ਹਾਲਾਤ ਠੀਕ ਨਹੀਂ ਸਨ। ਅਨੁਕੂਲਤਾ ਦਾ ਮੁੱਦਾ ਵਾਰ-ਵਾਰ ਉਨ੍ਹਾਂ ਦੇ ਰਿਸ਼ਤੇ ਵਿੱਚ ਰੁਕਾਵਟ ਬਣ ਕੇ ਆਉਂਦਾ ਰਿਹਾ। ਸੂਤਰ ਮੁਤਾਬਕ ਦੋਵੇਂ ਹਰ ਲੜਾਈ ਤੋਂ ਬਾਅਦ ਪੈਚਅੱਪ ਕਰਦੇ ਸਨ। ਇਸ ਵਾਰ ਪਰਿਵਾਰ ਨੇ ਵੀ ਵਿਚਕਾਰ ਆ ਕੇ ਗੱਲ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ ਪਰ ਕੋਈ ਰਸਤਾ ਨਹੀਂ ਨਿਕਲਿਆ।
ਇਸ ਝਗੜੇ ਦੀ ਖਬਰ ਦੇ ਵਿਚਕਾਰ ਚਾਰੂ ਅਸੋਪਾ ਨੇ ਇੰਸਟਾਗ੍ਰਾਮ ਤੋਂ ਆਪਣੀਆਂ ਅਤੇ ਰਾਜੀਵ ਸੇਨ ਦੀਆਂ ਕਈ ਤਸਵੀਰਾਂ ਹਟਾ ਦਿੱਤੀਆਂ ਹਨ। ਇਸ ਦੇ ਨਾਲ ਹੀ ਚਾਰੂ ਦੀਆਂ ਸਾਰੀਆਂ ਤਸਵੀਰਾਂ ਅੱਜ ਵੀ ਰਾਜੀਵ ਸੇਨ ਦੇ ਅਕਾਊਂਟ 'ਤੇ ਮੌਜੂਦ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2019 ਵਿੱਚ ਚਾਰੂ ਅਤੇ ਰਾਜੀਵ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ ਸਨ। ਦੋਵਾਂ ਦਾ ਵਿਆਹ ਗੋਆ 'ਚ ਹੋਇਆ ਸੀ, ਜਿਸ ਪਰਿਵਾਰਕ ਮੈਂਬਰ ਅਤੇ ਖਾਸ ਦੋਸਤ ਹੀ ਸ਼ਾਮਿਲ ਹੋਏ ਸਨ। ਪਿਛਲੇ ਸਾਲ ਚਾਰੂ ਅਸੋਪਾ ਮਾਂ ਬਣੀ ਸੀ ਅਤੇ ਬੇਟੀ ਦੇ ਜਨਮ ਤੋਂ ਬਾਅਦ ਇਸ ਜੋੜੇ ਵਿਚਾਲੇ ਦੂਰੀ ਵੀ ਘੱਟ ਗਈ ਸੀ। ਪਰ ਅਜੇ ਤੱਕ ਚਾਰੂ ਜਾਂ ਫਿਰ ਰਾਜੀਵ ਨੇ ਇਸ ਬਾਰੇ ਕੋਈ ਖੁਲਾਸਾ ਨਹੀਂ ਕੀਤਾ ਹੈ।
View this post on Instagram