LIVE:
ਗੁਰੂ ਰੰਧਾਵਾ ਦੇ ਗੀਤਾਂ ਨੂੰ ਮਿਊਜ਼ਿਕ ਦੇਣ ਵਾਲੇ 'ਵੀ ਮਿਊਜ਼ਿਕ' ਨੇ ਪਾਕਿਸਤਾਨੀ ਸਿਨੇਮਾ 'ਚ ਸੰਗੀਤ ਰਾਹੀਂ ਕੀਤੀ ਐਂਟਰੀ
ਵੀ ਮਿਊਜ਼ਿਕ ਸੰਗੀਤ ਦੀ ਦੁਨੀਆਂ ਦਾ ਉਹ ਨਾਮ ਜਿਸ ਨੇ ਬਹੁਤ ਸਾਰੇ ਬਲਾਕ ਬਸਟਰ ਗੀਤ ਬਾਲੀਵੁੱਡ ਅਤੇ ਪੰਜਾਬੀ ਸੰਗੀਤ ਨੂੰ ਦਿੱਤੇ ਹਨ। ਪੂਰੀ ਦੁਨੀਆਂ 'ਚ ਨਾਮਣਾ ਖੱਟਣ ਵਾਲੇ ਗੁਰੂ ਰੰਧਾਵਾ ਦੇ ਗੀਤਾਂ ਦੀ ਕਾਮਯਾਬੀ ਪਿੱਛੇ ਵੀ ਮਿਊਜ਼ਿਕ ਦੇ ਸੰਗੀਤ ਨੇ ਵੱਡੀ ਭੂਮਿਕਾ ਨਿਭਾਈ ਹੈ। ਵੀ ਮਿਊਜ਼ਿਕ ਹੁਣ ਪਾਕਿਸਤਾਨੀ ਫ਼ਿਲਮ ਇੰਡਸਟਰੀ 'ਚ ਆਪਣੇ ਸੰਗੀਤ ਦੇ ਜ਼ਰੀਏ ਸ਼ਿਰਕਤ ਕਰ ਚੁੱਕੇ ਹਨ ਜਿੰਨ੍ਹਾਂ ਦਾ ਇੱਕ ਗੀਤ ਵੀ ਰਿਲੀਜ਼ ਹੋ ਚੁੱਕਿਆ ਹੈ। ਪਾਕਿਸਤਾਨੀ ਫ਼ਿਲਮ 'ਹੀਰ ਮਾਨ ਜਾ' ਦੇ ਟਾਈਟਲ ਟਰੈਕ ਨੂੰ ਵੀ ਮਿਊਜ਼ਿਕ ਨੇ ਆਪਣੇ ਸੰਗੀਤ ਦੀਆਂ ਦਮਦਾਰ ਧੁਨਾਂ ਨਾਲ ਨਵਾਜ਼ਿਆ ਹੈ। ਇਸ ਗੀਤ ਨੂੰ ਯੂ ਕੇ ਦੇ ਗਾਇਕ ਹਾਰਬੀ ਸਹਾਰਾ ਨੇ ਆਵਾਜ਼ ਦਿੱਤੀ ਹੈ।
ਵੀ ਮਿਊਜ਼ਿਕ ਨੇ ਇਸ ਬਾਰੇ ਆਪਣੇ ਸ਼ੋਸ਼ਲ ਮੀਡੀਆ 'ਤੇ ਗੀਤ ਦਾ ਛੋਟਾ ਜਿਹਾ ਕਲਿਪ ਸਾਂਝਾ ਕਰਕੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਵੀ ਮਿਊਜ਼ਿਕ ਦੀ ਸਫਲਤਾ ਦੀ ਗੱਲ ਕਰੀਏ ਤਾਂ ਵੀ ਮਿਊਜ਼ਿਕ ਗੁਰੂ ਰੰਧਾਵਾ ਵੱਲੋਂ ਗਾਏ ਲਾਹੌਰ ਗੀਤ ਲਈ ਪੀਟੀਸੀ ਪੰਜਾਬੀ ਮਿਊਜ਼ਿਕ ਅਵਾਰਡਜ਼ 2018 ‘ਚ ਬੈਸਟ ਨਾਨ ਰੇਸੀਡੈਂਟਲ ਮਿਊਜ਼ਿਕ ਡਾਇਰੈਕਟਰ ਦਾ ਖ਼ਿਤਾਬ ਵੀ ਆਪਣੇ ਨਾਮ ਕਰ ਚੁੱਕੇ ਹਨ।
ਵੀ ਮਿਊਜ਼ਿਕ ਗੁਰੂ ਰੰਧਾਵਾ ਵੱਲੋਂ ਗਾਏ ਗੀਤ ਲਾਹੌਰ, ਡਾਊਨ ਟਾਊਨ, ਤੇਰੇ ‘ਤੇ ਅਤੇ ਰਵਨੀਤ ਸਿੰਘ ਵੱਲੋਂ ਗਾਏ ਗੀਤ ਲੌਂਗ ਗਵਾਚਾ ਵਰਗੇ ਬਲਾਕਬਸਟਰ ਗਾਣਿਆਂ ਦਾ ਮਿਊਜ਼ਿਕ ਕਰ ਚੁੱਕੇ ਹਨ।ਇਸ ਤੋਂ ਇਲਾਵਾ ਵੀ ਮਿਊਜ਼ਿਕ ਗੁਰੂ ਰੰਧਾਵਾ ਅਤੇ ਅੰਤਰਰਾਸ਼ਟਰੀ ਸਿੰਗਰ ਪਿਟਬੁੱਲ ਦੇ ਗੀਤ ਸਲੋਲੀ ਸਲੋਲੀ ਦਾ ਮਿਊਜ਼ਿਕ ਵੀ ਤਿਆਰ ਕਰ ਚੁੱਕੇ ਹਨ।
ਹੋਰ ਵੇਖੋ : ਦਿਲਜੀਤ ਦੋਸਾਂਝ ਵੀ ਹੋਏ ਪੀਲੂ ਫੋਟੋਗ੍ਰਾਫ਼ਰ ਦੇ ਮੁਰੀਦ, ਪੀਲੂ ਵਾਂਗ ਚਲਾ ਰਹੇ ਨੇ ਕੈਮਰਾ
ਪਾਕਿਸਤਾਨੀ ਕਲਾਕਾਰ ਅਕਸਰ ਹੀ ਭਾਰਤੀ ਸੰਗੀਤ 'ਚ ਆਪਣੀ ਅਵਾਜ਼ ਦਿੰਦੇ ਰਹਿੰਦੇ ਹਨ। ਅਜਿਹਾ ਬਹੁਤ ਘੱਟ ਦੇਖਣ ਨੂੰ ਮਿਲਦਾ ਹੈ ਜਦੋਂ ਕਿਸੇ ਨਾਮੀ ਪੰਜਾਬੀ ਮਿਊਜ਼ਿਕ ਡਾਇਰੈਕਟਰ ਨੇ ਪਾਕਿਸਤਾਨੀ ਸਿਨੇਮਾ ਲਈ ਕੰਮ ਕੀਤਾ ਹੋਵੇ। ਵੀ ਮਿਊਜ਼ਿਕ ਦੀ ਇਸ ਕਾਮਯਾਬੀ ਲਈ ਉਹਨਾਂ ਦੇ ਫੈਨਸ ਵਧਾਈਆਂ ਦੇ ਰਹੇ ਹਨ।
