ਜੱਸ ਮਾਣਕ ਤੇ ਗੁਰੀ ਨੇ ਬੰਨੇ ਹਰਫ਼ ਚੀਮਾ ਦੇ ਵਿਆਹ ‘ਚ ਰੰਗ, ਜੱਸ ਨੇ ਗੁਰੀ ਨੂੰ ਮੋਢਿਆਂ ਉੱਤੇ ਬਿਠਾ ਕੇ ਪਾਇਆ ਭੰਗੜਾ, ਦੇਖੋ ਵੀਡੀਓ
ਬੀਤੇ ਦਿਨੀ ਹਰਫ਼ ਚੀਮਾ ਵੀ ਵਿਆਹ ਦੇ ਬੰਧਨ ‘ਚ ਬੱਝ ਚੁੱਕੇ ਹਨ ਤੇ ਉਹਨਾਂ ਦੇ ਵਿਆਹ ਵਾਲੀਆਂ ਵੀਡੀਓਜ਼ ਤੇ ਤਸਵੀਰਾਂ ਲਗਾਤਾਰ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਹੀਆਂ ਨੇ। ਜਿਸ ਇੱਕ ਵੀਡੀਓ ਸਰੋਤਿਆਂ ਵੱਲੋਂ ਕਾਫੀ ਪਸੰਦ ਕੀਤੀ ਜਾ ਰਹੀ ਹੈ ਇਸ ਵੀਡੀਓ ‘ਚ ਮਾਣਕਾਂ ਦਾ ਮੁੰਡਾ ਜੱਸ ਮਾਣਕ ਨੇ ਗੁਰੀ ਨੂੰ ਆਪਣੇ ਮੋਢਿਆਂ ਉੱਤੇ ਚੁੱਕਿਆ ਹੋਇਆ ਹੈ ਤੇ ਭੰਗੜਾ ਪਾ ਰਹੇ ਹਨ। ਇਸ ਤੋਂ ਪਹਿਲਾਂ ਲੇਡੀ ਸੰਗੀਤ ਵਾਲੇ ਦਿਨ ਜੱਸ ਮਾਣਕ ਨੇ ਵਿਆਹ ਵਾਲੇ ਮੁੰਡੇ ਹਰਫ਼ ਚੀਮਾ ਨੂੰ ਵੀ ਆਪਣੇ ਮੋਢਿਆਂ ਉੱਤੇ ਚੱਕ ਕੇ ਭੰਗੜੇ ਪਾਏ ਸਨ ।
ਹੋਰ ਵੇਖੋ: ਹਰਫ਼ ਚੀਮਾ ਵੀ ਬੱਝੇ ਵਿਆਹ ਦੇ ਬੰਧਨ ‘ਚ, ਵੀਡੀਓਜ਼ ਹੋਈਆਂ ਵਾਇਰਲ
ਹਰਫ਼ ਚੀਮਾ ਦੇ ਵਿਆਹ ‘ਚ ਜੱਸ ਮਾਣਕ, ਗੁਰੀ, ਨਿਸ਼ਾਨ ਭੁੱਲਰ, ਬੀ ਜੇ ਰੰਧਾਵਾ, ਕਰਣ ਰੰਧਾਵਾ ਤੇ ਗੀਤ ਐਮ.ਪੀ 3 ਦੀ ਟੀਮ ਵੀ ਪਹੁੰਚੀ ਹੋਈ ਸੀ। ਵਿਆਹ ‘ਚ ਜੱਸ ਮਾਣਕ ਤੇ ਗੁਰੀ ਦੀਆਂ ਮਸਤੀਆਂ ਵਾਲੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ ਉੱਤੇ ਕਾਫੀ ਵਾਇਰਲ ਹੋ ਰਹੀਆਂ ਨੇ। ਇੱਕ ਹੋਰ ਵੀਡੀਓ ‘ਚ ਜੱਸ ਮਾਣਕ ਆਪਣਾ ਫੇਮਸ ਗੀਤ ਪਰਾਡਾ ਗਾਉਂਦੇ ਨਜ਼ਰ ਆ ਰਹੇ ਹਨ। 'ਪਰਾਡਾ' ਗੀਤ ਨੇ ਜੱਸ ਮਾਣਕ ਨੂੰ ਰਾਤੋ ਰਾਤ ਸਟਾਰ ਬਣਾ ਦਿੱਤਾ ਸੀ।