ਆਮਿਰ ਖ਼ਾਨ ਦੇ ਦੇਸੀ ਅੰਦਾਜ਼ ਨੇ ਜਿੱਤਿਆ ਦਰਸ਼ਕਾਂ ਦਾ ਦਿਲ, ਗੋਲਗੱਪੇ ਖਾਂਦੇ ਆਏ ਨਜ਼ਰ, ਦੇਖੋ ਵਾਇਰਲ ਵੀਡੀਓ

written by Lajwinder kaur | May 29, 2022

ਆਮਿਰ ਖ਼ਾਨ ਜਲਦ ਹੀ ਫਿਲਮ ਲਾਲ ਸਿੰਘ ਚੱਢਾ 'ਚ ਨਜ਼ਰ ਆਉਣਗੇ। ਇਸ ਤੋਂ ਪਹਿਲਾਂ ਉਹ ਫਿਲਮ Laal Singh Chaddha ਦਾ ਪ੍ਰਮੋਸ਼ਨ ਜ਼ੋਰ-ਸ਼ੋਰ ਨਾਲ ਕਰ ਰਹੇ ਹਨ। Aamir Khan ਦੀ ਫਿਲਮ ਦੇ ਟ੍ਰੇਲਰ ਪ੍ਰੀਵਿਊ ਤੋਂ ਬਾਅਦ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਿਹਾ ਹੈ। ਇਸ ਦੌਰਾਨ ਉਨ੍ਹਾਂ ਦਾ ਲੁੱਕ ਕਾਫੀ ਕੈਜ਼ੂਅਲ ਸੀ। ਉਸ ਨੇ ਨੀਲੇ ਰੰਗ ਦੀ ਧੋਤੀ ਪੈਂਟ, ਚਿੱਟੀ ਟੀ-ਸ਼ਰਟ ਅਤੇ ਗੁਲਾਬੀ ਰੰਗ ਦੀ ਕਮੀਜ਼ ਪਾਈ ਹੋਈ ਸੀ। ਇਵੈਂਟ 'ਚ ਪਹੁੰਚਣ ਤੋਂ ਬਾਅਦ ਆਮਿਰ ਨੇ ਪਹਿਲਾਂ ਫੋਟੋਗ੍ਰਾਫਰਾਂ ਨੂੰ ਪੋਜ਼ ਦਿੱਤੇ ਅਤੇ ਫਿਰ ਗੋਲਗੱਪੇ ਖਾਣ ਚਲੇ ਗਏ।

ਹੋਰ ਪੜ੍ਹੋ : ਫ਼ਿਲਮ 'ਜੁਗ ਜੁਗ ਜੀਓ' ਦਾ ਜੋਸ਼ ਨਾਲ ਭਰਿਆ ਪਹਿਲਾ ਗੀਤ ‘THE PUNJAABBAN SONG’ ਹੋਇਆ ਰਿਲੀਜ਼, ਗਿੱਪੀ ਗਰੇਵਾਲ ਨੇ ਲਗਾਇਆ ਆਪਣੀ ਆਵਾਜ਼ ਦਾ ਤੜਕਾ

aamir khan laal singh chaddha

ਤੁਹਾਨੂੰ ਦੱਸ ਦੇਈਏ ਕਿ ਫਿਲਮ ਦਾ ਟ੍ਰੇਲਰ ਐਤਵਾਰ ਨੂੰ ਯਾਨੀਕਿ ਅੱਜ ਰਿਲੀਜ਼ ਹੋਵੇਗਾ, ਉਹ ਵੀ IPL 2022 ਦੇ ਫਿਨਾਲੇ ਵਿੱਚ। ਫਿਲਮ 'ਚ ਆਮਿਰ ਖ਼ਾਨ, ਕਰੀਨਾ ਕਪੂਰ ਖ਼ਾਨ, ਨਾਗਾ ਚੈਤੰਨਿਆ ਅਤੇ ਮੋਨਾ ਸਿੰਘ ਮੁੱਖ ਭੂਮਿਕਾਵਾਂ 'ਚ ਹਨ। ਲਾਲ ਸਿੰਘ ਚੱਢਾ ਸਾਲ 1994 ਵਿੱਚ ਰਿਲੀਜ਼ ਹੋਈ ਹਾਲੀਵੁੱਡ ਫਿਲਮ ਫੋਰੈਸਟ ਗੰਪ ਤੋਂ ਪ੍ਰੇਰਿਤ ਹੈ। ਇਹ ਫਿਲਮ 11 ਅਗਸਤ 2022 ਨੂੰ ਰਿਲੀਜ਼ ਹੋਵੇਗੀ।

actor aamir khan

ਆਮਿਰ ਖ਼ਾਨ ਨੇ ਖੁਦ ਦੱਸਿਆ ਸੀ ਕਿ ਇਸ ਫਿਲਮ ਨੂੰ ਬਣਾਉਣ 'ਚ 14 ਸਾਲ ਲੱਗੇ ਹਨ। ਉਨ੍ਹਾਂ ਨੇ ਕਿਹਾ ਸੀ, ਜੂਨ-ਜੁਲਾਈ 'ਚ ਫਿਲਮ ਦੇ ਕੰਮ ਸ਼ੁਰੂ ਹੋਏ ਨੂੰ 14 ਸਾਲ ਹੋ ਜਾਣਗੇ। ਪਹਿਲੇ ਕੁਝ ਸਾਲਾਂ ਤੱਕ ਅਸੀਂ ਫਿਲਮ ਦੇ ਅਧਿਕਾਰਾਂ ਲਈ ਦੌੜਦੇ ਰਹੇ। ਵੈਸੇ, ਕੋਵਿਡ ਕਾਰਨ ਫਿਲਮ ਨੂੰ ਵੀ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਕਰੀਨਾ ਕਪੂਰ ਵੀ ਸ਼ੂਟਿੰਗ ਦੌਰਾਨ ਗਰਭਵਤੀ ਹੋ ਗਈ।

 

aamir khan annoucned new releasing date of laal singh chaddha Image Source: Instagram

ਆਮਿਰ ਨੇ ਇਸ ਬਾਰੇ ਕਿਹਾ ਸੀ, 'ਪੂਰੀ ਦੁਨੀਆ ਇਕ ਪਾਸੇ ਕੋਰੋਨਾ ਨਾਲ ਲੜ ਰਹੀ ਸੀ। ਉਸੇ ਸਮੇਂ, ਅਸੀਂ ਕੋਰੋਨਾ ਦੇ ਨਾਲ-ਨਾਲ ਕਰੀਨਾ ਕਪੂਰ ਖਾਨ ਦੀ ਪ੍ਰੈਂਗਨੈਸੀ ਦੇ ਨਾਲ ਵੀ ਡੀਲ ਕਰਨੀ ਪੈ ਰਹੀ ਸੀ, ਜੋ ਫਿਲਮ ਦੀ ਮੁੱਖ ਅਦਾਕਾਰਾ ਸੀ। ਇਸ ਲਈ ਕੋਵਿਡ ਤੋਂ ਬਾਅਦ, ਹੁਣ ਸਾਨੂੰ ਕਰੀਨਾ ਦੀ ਗਰਭ ਅਵਸਥਾ ਦਾ ਧਿਆਨ ਰੱਖਦੇ ਹੋਏ ਇਸ ਨਾਲ ਡੀਲ ਕਰਨੀ ਪਈ। ਪਰ ਅਸੀਂ ਆਖਿਰਕਾਰ ਇਹ ਫ਼ਿਲਮ ਬਣਾਈ ਅਤੇ ਹੁਣ ਅਸੀਂ ਇਸ ਨੂੰ ਦਰਸ਼ਕਾਂ ਨੂੰ ਦਿਖਾਉਣ ਲਈ ਉਤਸ਼ਾਹਿਤ ਹਾਂ।

ਹੋਰ ਪੜ੍ਹੋ : ‘ਸ਼ੇਰ ਬੱਗਾ’ ਫ਼ਿਲਮ ਦਾ ਪਹਿਲਾ ਬੀਟ-ਸੌਂਗ ‘RAJA JATT’ ਹੋਇਆ ਰਿਲੀਜ਼, ਐਮੀ ਵਿਰਕ ਤੇ ਸੋਨਮ ਬਾਜਵਾ ਦੀ ਨੋਕ-ਝੋਕ ਦਰਸ਼ਕਾਂ ਨੂੰ ਆ ਰਹੀ ਹੈ ਖੂਬ ਪਸੰਦ

 

 

View this post on Instagram

 

A post shared by @varindertchawla

You may also like