ਖਾਲਸਾ ਏਡ ਕਰਵਾ ਰਹੀ ਹੁਸ਼ਿਆਰਪੁਰ ਦੇ ਪ੍ਰਭਜੋਤ ਸਿੰਘ ਦਾ ਇਲਾਜ
ਖਾਲਸਾ ਏਡ ਦੁਨੀਆ ਦੀ ਅਜਿਹੀ ਸੰਸਥਾ ਹੈ ਜੋ ਲੋਕਾਂ ਦੀ ਮਦਦ ਲਈ ਹਮੇਸ਼ਾ ਹੀ ਅੱਗੇ ਆਉਂਦੀ ਹੈ । ਹੁਣ ਖਾਲਸਾ ਏਡ ਨੇ ਕੋਰੋਨਾ ਕਾਲ ‘ਚ ਲੋਕਾਂ ਦੀ ਦਿਲ ਖੋਲ ਕੇ ਸੇਵਾ ਕੀਤੀ ਹੈ । ਲੋਕਾਂ ਦੇ ਘਰਾਂ ਤੱਕ ਲੰਗਰ ਪਹੁੰਚਾਇਆ । ਇਸ ਦੇ ਨਾਲ ਹੀ ਜਦੋਂ ਵੀ ਇਨਸਾਨੀਅਤ ‘ਤੇ ਔਖਾ ਸਮਾਂ ਆਉਂਦਾ ਹੈ ਤਾਂ ਦੁਨੀਆ ਭਰ ‘ਚ ਫੈਲੇ ਇਸ ਸੰਸਥਾ ਦੇ ਵਲੰਟੀਅਰ ਸੇਵਾ ਲਈ ਪਹੁੰਚ ਜਾਂਦੇ ਹਨ ।
ਸੰਸਥਾ ਵੱਲੋਂ ਹੁਣ ਇੱਕ ਅਜਿਹੇ ਵਿਅਕਤੀ ਦੀ ਮਦਦ ਕੀਤੀ ਗਈ ਹੈ । ਜੋ ਆਪਣਾ ਇਲਾਜ ਕਰਵਾਉਣ ਤੋਂ ਅਸਮਰਥ ਸੀ, ਪਰ ਸੰਸਥਾ ਵੱਲੋਂ ਇਸ ਗਰੀਬ ਅਤੇ ਜ਼ਰੂਰਤਮੰਦ ਵਿਅਕਤੀ ਦੀ ਮਦਦ ਦਾ ਬੀੜਾ ਚੁੱਕਿਆ ਗਿਆ ਹੈ ।
ਹੋਰ ਪੜ੍ਹੋ : ਖਾਲਸਾ ਏਡ ਦੀ ਸੇਵਾ ਤੋਂ ਖੁਸ਼ ਹੋ ਪੰਜਾਬ ਦੇ ਇਸ ਕਿਸਾਨ ਨੇ ਜਤਾਇਆ ਸੰਸਥਾ ਪ੍ਰਤੀ ਪਿਆਰ ਤਾਂ ਖਾਲਸਾ ਏਡ ਨੇ ਦਿੱਤਾ ਇਹ ਰਿਐਕਸ਼ਨ
ਖਾਲਸਾ ਏਡ ਵੱਲੋਂ ਇਸ ਵਿਅਕਤੀ ਦੀ ਤਸਵੀਰ ਸਾਂਝੀ ਕੀਤੀ ਗਈ ਹੈ ਅਤੇ ਆਪਣੇ ਆਫੀਸ਼ੀਅਲ ਅਕਾਊਂਟ ‘ਤੇ ਲਿਖਿਆ ‘ਇਸ ਵਿਅਕਤੀ ਦਾ ਨਾਮ ਪ੍ਰਭਜੋਤ ਸਿੰਘ, ਉਮਰ 29 ਸਾਲ, ਵਾਸੀ ਹੁਸ਼ਿਆਰਪੁਰ ਜਿਸਦੇ ਕਿ ਦੋਵੇਂ ਗੁਰਦੇ ਫੇਲ ਹੋ ਚੁੱਕੇ ਹਨ ।
ਡਾਕਟਰ ਨੇ ਉਨ੍ਹਾਂ ਨੂੰ ਟਰਾਂਸਪਲਾਂਟ ਦੀ ਸਲਾਹ ਦਿੱਤੀ ਹੈ । ਉਹ ਇੱਕ ਗਰੀਬ ਕਿਸਾਨ ਪਰਿਵਾਰ ਨਾਲ ਸਬੰਧ ਰੱਖਦੇ ਹਨ । ਪਰਿਵਾਰ ‘ਚ 5 ਜੀਅ ਹਨ । ਜੋਗਿੰਦਰ ਸਿੰਘ ਬਿਮਾਰੀ ਤੋਂ ਪਹਿਲਾਂ ਦੁੱਧ ਵੇਚਣ ਦਾ ਕੰਮ ਕਰਦੇ ਸਨ ਜੋ ਕਿ ਹੁਣ ਬੰਦ ਹੋ ਚੁੱਕਿਆ ਹੈ । ਖਾਲਸਾ ਏਡ ਉਨ੍ਹਾਂ ਦੇ ਇਲਾਜ ਲਈ ਮਾਲੀ ਮਦਦ ਕੀਤੀ ਹੈ’ ।