Chetna Raj death: ਇਸ ਅਦਾਕਾਰਾ ਦੀ ਨਿੱਜੀ ਹਸਪਤਾਲ ‘ਚ ਪਲਾਸਟਿਕ ਸਰਜਰੀ ਦੌਰਾਨ ਹੋਈ ਮੌਤ

written by Lajwinder kaur | May 17, 2022

Chetna Raj death: ਮਨੋਰੰਜਨ ਜਗਤ ਤੋਂ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਪਰਦੇ ਉੱਤੇ ਆਪਣੇ ਆਪ ਨੂੰ ਖ਼ੂਬਸੂਰਤ ਦਿਖਾਉਣ ਦੀ ਹੋੜ ਨੇ ਲਈ ਇੱਕ ਜਾਨ। ਜੀ ਹਾਂ ਕੰਨੜ ਟੀਵੀ ਅਦਾਕਾਰਾ ਚੇਤਨਾ ਰਾਜ ਦੀ ਮੌਤ ਹੋ ਗਈ ਹੈ।

Kannada TV actress Chethana Raj dies after plastic surgery Image Source: Twitter

ਹੋਰ ਪੜ੍ਹੋ : Nikamma Trailer Out: ਸੁਪਰ ਵੂਮੈਨ ਦੇ ਅਵਤਾਰ ‘ਚ ਸ਼ਿਲਪਾ ਸ਼ੈੱਟੀ ਨਿਕੰਮੇ ਅਭਿਮਨਿਊ ਦਾਸਾਨੀ ਨੂੰ ਸੁਧਾਰਦੇ ਹੋਏ ਆ ਰਹੀ ਹੈ ਨਜ਼ਰ

ਮੀਡੀਆ ਰਿਪੋਰਟਾਂ ਮੁਤਾਬਕ ਪਲਾਸਟਿਕ ਸਰਜਰੀ ਦੌਰਾਨ ਹੋਈ ਗਲਤੀ ਕਾਰਨ ਉਸ ਦੀ ਜਾਨ ਚਲੀ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਭਿਨੇਤਰੀ ਨੂੰ ਇੱਕ ਦਿਨ ਪਹਿਲਾਂ ਯਾਨੀ ਸੋਮਵਾਰ ਨੂੰ 'ਫੈਟ ਫਰੀ' ਸਰਜਰੀ ਲਈ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਸੀ ਪਰ ਸ਼ਾਮ ਨੂੰ ਅਭਿਨੇਤਰੀ ਦੀ ਤਬੀਅਤ ਅਚਾਨਕ ਵਿਗੜ ਗਈ। ਅਦਾਕਾਰਾ ਚੇਤਨਾ ਦੇ ਫੇਫੜਿਆਂ 'ਚ ਪਾਣੀ ਇਕੱਠਾ ਹੋਣ ਲੱਗਾ ਅਤੇ ਉਸ ਦੀ ਮੌਤ ਹੋ ਗਈ।

Kannada TV actress Chethana Raj dies after plastic surgery Image Source: Twitter

ਰਿਪੋਰਟਾਂ 'ਚ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਅਦਾਕਾਰਾ ਚੇਤਨਾ ਰਾਜ ਨੇ ਇਸ ਸਰਜਰੀ ਬਾਰੇ ਆਪਣੇ ਮਾਤਾ-ਪਿਤਾ ਨੂੰ ਜਾਣਕਾਰੀ ਨਹੀਂ ਦਿੱਤੀ ਸੀ। ਉਹ ਆਪਣੇ ਦੋਸਤਾਂ ਨਾਲ ਹਸਪਤਾਲ ਗਈ। ਇਸ ਦੇ ਨਾਲ ਹੀ ਹੁਣ ਚੇਤਨਾ ਦੀ ਮੌਤ ਤੋਂ ਬਾਅਦ ਮਾਪਿਆਂ ਨੇ ਡਾਕਟਰ 'ਤੇ ਲਾਪਰਵਾਹੀ ਦਾ ਦੋਸ਼ ਲਗਾਇਆ ਹੈ। ਉਸ ਦਾ ਕਹਿਣਾ ਹੈ ਕਿ ਡਾਕਟਰ ਦੀ ਗਲਤੀ ਕਾਰਨ ਉਸ ਦੀ ਬੇਟੀ ਦੀ ਮੌਤ ਹੋਈ ਹੈ।

Kannada TV actress Chethana Raj dies after plastic surgery Image Source: Twitter

ਤੁਹਾਨੂੰ ਦੱਸ ਦੇਈਏ ਕਿ ਅਦਾਕਾਰਾ ਚੇਤਨਾ ਦੀ ਲਾਸ਼ ਇਸ ਸਮੇਂ ਉਸੇ ਹਸਪਤਾਲ ਵਿੱਚ ਪਈ ਹੈ ਜਿੱਥੇ ਉਹ ਆਪਣੀ ਜਾਨ ਗੁਆ ​​ਚੁੱਕੀ ਹੈ। ਬਾਅਦ 'ਚ ਅਦਾਕਾਰਾ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਰਾਮਈਆ ਹਸਪਤਾਲ ਲਿਜਾਇਆ ਜਾਵੇਗਾ। ਚੇਤਨਾ ਰਾਜ ਕੰਨੜ ਟੀਵੀ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਸੀ। ਦੱਸ ਦਈਏ ਕੁਝ ਦਿਨ ਪਹਿਲਾਂ ਵੀ ਮਨੋਰੰਜਨ ਜਗਤ ਤੋਂ ਇੱਕ ਅਦਾਕਾਰਾ ਦੀ ਮੌਤ ਦੀ ਖਬਰ ਸਾਹਮਣੇ ਆਈ ਸੀ। ਬੰਗਾਲੀ ਟੀਵੀ ਸੀਰੀਅਲ ‘Mon Mane Na’ ਵਿੱਚ ਮੁੱਖ ਭੂਮਿਕਾ ਨਿਭਾਉਣ ਵਾਲੀ ਅਦਾਕਾਰਾ ਪੱਲਵੀ ਡੇ ਆਪਣੇ ਫਲੈਟ ਵਿੱਚ ਮ੍ਰਿਤਕ ਪਾਈ ਗਈ ਸੀ।

ਹੋਰ ਪੜ੍ਹੋ : Pallavi Dey Death: ਬੰਗਾਲੀ ਅਦਾਕਾਰਾ ਪੱਲਵੀ ਡੇ ਦੀ ਹੋਈ ਮੌਤ, ਪੱਖੇ ਦੇ ਨਾਲ ਲਟਕਦੀ ਮਿਲੀ ਲਾਸ਼

You may also like